德8 地牢 男人舖，正一西面皇，以前好好間中會買一兩隻，入去行吓，依家我連入都費事，咁嘅面容，都可以生存咁耐，好明顯係有料！
giggsma 發表於 2018-8-4 17:56
幾年前我都係男人鋪嘅半個熟客，但係發覺佢哋啲態度真係好差，比錢好似去受氣咁，最後我轉左去女人鋪買到宜 ...
同意，無理由咁都賣貴幾十，做生意唔係咁做嘅，每隻碟執多幾十，但呢個世界有口碑嘅，仲要成日西面！
咁鍾意投訴。話唔定，當唔洗錢送俾你都會被你鬧{:8_366:}
本帖最後由 allen89 於 2018-8-5 16:36 編輯
影碟零售業非完全服務業，市場供求決定價格，樓主覺價不合，可以選擇不買，接受價格再去完成交易，代表雙方也同意，非強迫客人購買，你賣我賣法律上是合情合法合理的交易，有不滿應該即時中止, 非交易之後，買家在"忽然"站在道德高地說交易不合理云云，我們放二手碟，問回收價也可以問多幾間，放給最高嗰間，同鋪服務無正接關係，咪一樣回收價才是關鍵。
致於有關態度問題，首先說明，與人為善，以禮相待，是雙向的互動非單向，在碟鋪賣的主要是電影制品，客人最需要的是正版貨品和快期貨非賓至如歸，如復3在首批一天已賣晒同笑容一點關係也沒有，電影不好看自然沒有客戶需求，假如真係有碟舖像酒摟有知客要穿旗袍在門口招待，笑著對我說，老細，咁耐唔嚟，套"垃圾片"出左，你要唔要啫? 想起也毛管戙。我一定不會幫襯那間鋪。最近因網購，串流，非法下載等影響，繼廣視，香港record也宣告結束，實體碟舖生存空間越來越小，執一間小一間，是我們買正版的發燒友的聖堂，假如地庫兩間也結束，非發燒之福，大家應該珍惜。
本帖最後由 shrek-01 於 2018-8-6 02:45 編輯
allen89 發表於 2018-8-5 13:32
影碟零售業非完全服務業，市場供求決定價格，樓主覺價不合，可以選擇不買，接受價格再去完成交易，代表雙方 ...
大家明白你所講賣碟 = 賣海鮮價錢隨你加價都可以(又可以話D客見貴可唔買)
但你又唔知唔知客人是山長水遠出來一心來買碟(点知變了海鮮價碟)
仲有是否賣碟店舖賣碟就時時黑面是正常的.....嗎？
其實呢個根本就係香港嘅風氣,乜都炒一餐,就算CD倉呢D連鎖店一樣炒
自己生意,人地鍾意點就點,佢唔憂做,幾黑都得,大不了去第2間買
唔想受氣上網買最好,除非真係得佢有
你多點笑容D客覺得賓至如歸感覺，可能多D幫襯你，黑口黑面對住人，係人都唔鍾意怕咗你，記住唔係得你一間有得買㗎，
我覺得初初出你賣炒價冇問題,但如果見多人買坐地起價就真係幾趕客,所以邊間多人買碟係有道理!
allen89 發表於 2018-8-5 13:32
影碟零售業非完全服務業，市場供求決定價格，樓主覺價不合，可以選擇不買，接受價格再去完成交易，代表雙方 ...
講咁多廢話都無用，自己檢討吓先喇！{:8_385:}{:8_385:}{:8_385:}
