好開心終於建成一個叫做似樣嘅影院!! (MANY PHOTOS)
本帖最後由 matt88p 於 2018-7-31 02:01 編輯細個嗰陣已經好鍾意去戲院,每次入到戲院第一眼見到個好大嘅屏幕, 暗暗嘅氣氛就覺得好開心, 成日夢想長大後可以有一個私人影院,隨住啱啱搬屋,終於有一個大少少嘅300尺聆聽空間,第一件事就係要一個大屏幕,幾經辛苦排除萬難, 終於搵到方法裝到150吋16:9, 或者係160吋2.35:1,諗咗好耐最後唔想犧牲睇16:9嘅畫面, 都係揀番150吋16:9,但係跟住第一個問題已經頭爆, 要解決的問題, 就係..搭?, 香港d?又鬼死咁細..... 除咗你住house!! 如果唔係根本冇可能入到?, 一隻150吋淨係投影範圍未計個殼都已經長3.32米,計埋個殼點搭???所以唯獨淨返嚟嘅辦法就係...........用梗幕!!!!!!!將幕框長度切開一半, 幕布用高度嗰一邊卷埋, 咁就ok曬, 成個盒夾埋都只係高2.1m 就即係本身幕嘅高度一樣, 咁就解決咗入?問題,喺呢度首先多謝"骨兄"幫手, 靠佢面子同工廠溝通真係容易好多."
咁樣第二個問題又來, 如果間屋白色好大鑊, 咁樣點樣整黑佢呢? 又係諗到頭都爆, 但係好彩最後都一步一步解決, 最開心嘅係, 慢慢自己由一間白色嘅屋,幾經辛苦用咗兩個禮拜時間, 逐步逐步親力親為自己做!!!
1) 投影幕正面貼上嘅黑色隔音板.
2)張天花板油成深咖啡色, 原來油天花真係好辛苦, 小弟仲要唔識夾木梯, 上上落落, 啡色油要有好多好多好多次先至先至實色, 只係一路做一路不斷提自己值得的值得的值得的, 中間曾經有師兄問我點解唔搵人搞, 因為小弟鍾意親力親為之後嗰種滿足感, 當你完成後回想, 見到每一寸每一寸都係自己搞嘅候, 嗰種感覺好開心, 好滿足.
3) 之後再到舖地墊, 金屬收邊surround管, 防止牆壁反光嘅黑卷簾, 駁線換成可以調光暗嘅射燈, 都係逐啲逐啲慢慢整上去.
經過唔知幾多晚嘅汗水與肌肉抽筋, 開聲前用咗四個鐘頭(小弟在擺位平衡中間值視覺上要求很高), finally完成80%, 終於可以坐低享受, 嗰種感覺真係實在太滾動!!!!!!!!終於第一次喺屋企睇戲, 有戲院大銀幕嗰種壓迫感!!!!! 只能夠用一個"正"字形容!!!!
請唔好問小弟,點解唔玩部勁啲嘅前後級, 點解唔玩ARRAY 1400,點解前喇叭唔擺前啲, 中置喇叭唔跳高啲, sub唔好擺呢度,因為呢啲全部都係有原因嘅,亦都試過曬,實際環境音效同睇相不能並論,同埋好多真正調校角度睇相係睇唔到,例如中置喇叭看似平擺, 實際環境係完全對正皇帝位聆聽者頭部位置,再且小弟亦有自己嘅教聲口味取向,小弟覺得平衡就是美,能夠好好enjoy一套戲, SETTING已經係成功咗,無忘初心就好!!
而家下一步將會換4k 投影機同埋十仔, 不夠唔係咁容易揀到, 始終太多考慮因素.同埋最緊要係小弟享受一步一步慢慢嚟嘅樂趣. 呢樣嘢亦都冇人改變到小弟!!
在此亦要多謝好多人, 多謝所有喺呢段時間俾過意見幫手嘅師兄.排名不分先後 ' MARK , BONE , LUNG, ALAN,KARGO,TIM,ALEX. 我多謝你哋嘅幫忙同意見
最緊要多謝POST 76, 畀我有一個咁好嘅音響平台可以問到咁多人意見, 識到咁多志同道合好朋友!!
AGAIN, THANKS TO POST 76!!!!!!
用部陳年cheap cheap投影機150吋1080p都有咁嘅效果, 真係算係咁, 當然4k一定會玩, 但係未睇啱, 未有心水!! 鍾情於dlp 電影感及金屬感,但係除咗自己用緊嗰部, 其他部部都見到彩虹.......
THANKS FOR WATCHING!!
流晒口水...男人的浪漫, 300呎毒立房.....{:6_157:}
期待家訪....{:6_128:} 師兄，有心有力，不做防反射光處理，投影機好難出到咁正畫面{:1_341:} fishbone8822 發表於 2018-7-30 18:38
流晒口水...男人的浪漫, 300呎毒立房.....
期待家訪....
好呀, 如果你過嚟香港, 我都想你幫我執下位, 指導一下 Dream house!!!!! 好正!一定要上你度吸下毒 herman仔 發表於 2018-7-30 19:01
好正!一定要上你度吸下毒
可以呀!! 而家完成度係80%, 嚟緊應該就係換十仔, 後置換坐地,同埋4k投影, 搞掂曬可以 搞下家訪,都係要請下啲高手上嚟指點指點, 小弟知識有限 alanadc23 發表於 2018-7-30 19:19
恭喜Ching
有300呎影音區真係可喜可賀
睇圖都到個幕好有氣勢
冇話啱唔啱比例, 要追永遠有嘢追, 永無止境!! 不過咁先正, 玩音響精髓!!!!! 恭喜恭喜終於完成超級影院{:6_128:}絕對震撼！