Skyscraper《高凶浩劫》觀后感，極小量劇透
本帖最後由 alleelarry 於 2018-7-21 00:36 編輯午餐后去看，电影不过不失吧。
尖咀海傍起一座二百幾層大樓，故事背景發生在香港。荷理活又嚟香港取景，又有Dywane Johnson，那就入場看看今次又拎香港玩什么。电影平舖直敍，劇情單線發展，故事冇乜大犯駁位，但亦無甚驚喜，拍得還是很流暢的，但動作有些是十分誇張的：例如徙手爬成一百層樓高嘅吊臂，我就不大相信。開始冇耐已估到打大佬會用什么僑，那兩位奸角無間道呢，第一個扮好人，第二個基本上個奸字已寫在面上，但兩位一出場就估到是奸的了。動作場面嘛，trailer都睇得七七八八，除了那場低配版Mission Impossible爬墻手套，我也是無語了…
香港取景是其中一個入場原因，但睇完后唔太明点解要㨂香港，故事發生在任何一個大城市亦可，當中基本上没有一個香港因素是會影响劇情的。另外大家都知座大樓是假的，也想看看大樓望出去啲香港景有幾真，好似Pacific Rim呀、Doctor Strange呀啲景都係假得嚟又小小真，呢套窗外景色竟然十分凖確。但凖確只限窗口望出去或高空遠景，其他所有街景都是在外国拍的。就是那些外国街道放個中文街牌呀，整幾個中文招牌之類。戲中有廣東話台詞相信都是ABC,口音鬼鬼的。但一場天星小輪及碼頭戲十分真實，好像是實地拍的，但就十分唔make sense,冇理由就為五分鈡戲就飛個主角过嚟。
道具及服装要一讚，香港警車呀，警察服呀都十分標凖，只有那班特警装備十分FBI。
最后，周董太太是個大配角，加埋五分鈡戲左右。
如果大家冇乜嘢做，又有閑錢的話，可以入場一看，絕對不是欄片，但也別期望很高。 有時睇下D唔使帶腦入場睇既戲都唔錯吖！預左阿rock 係超人架啦，叫做無之前果套猩猩打怪獸咁誇！ lkljason 發表於 2018-7-21 17:53
有時睇下D唔使帶腦入場睇既戲都唔錯吖！預左阿rock 係超人架啦，叫做無之前果套猩猩打怪獸咁誇！ ...
同埋覺得昆凌個造型實在太似John wick 2 呢條女！ lkljason 發表於 2018-7-21 17:53
有時睇下D唔使帶腦入場睇既戲都唔錯吖！預左阿rock 係超人架啦，叫做無之前果套猩猩打怪獸咁誇！ ...
對，有時是需要這些唔駛用腦純官能刺激的电影，看特技睇爆炸還是值回票价的 lkljason 發表於 2018-7-21 17:53
有時睇下D唔使帶腦入場睇既戲都唔錯吖！預左阿rock 係超人架啦，叫做無之前果套猩猩打怪獸咁誇！ ...
果套打猩猩上畫落畫都無聲無息 the rock做超級英雄都估到, 能人所不能,呢樣睇就唔好駁. 慢慢欣賞下.
其實部片係唔係主力向die hard致敬, 同時再向沖天大火災, 職業特工隊取材?
有D細微位,睇完硬係怪怪地, 站於荷里活製作又唔會咁做, 香港人地道又係唔會咁做.
好似場火燒到咁勁, 消防都冇乜入鏡. 差佬去地盤有恐怖份子地方, 都唔叫sdu或多D火力去, 叫番班軍裝,拎多幾枝炮就得.
個督察望到火災大叫一聲PK, 以及madam同尼芙甘寶傾計時,下下加個Q字落去.
成班市民睇到救完火會全場拍掌.
可能唔熟知香港既文化就唔覺有問題 作為純娛樂片的話, 我覺得上次阿rock孖大猩猩打怪獸個套更有趣(作為遊戲改編GAME唔算差了)
今次都叫做有娛樂性的, 話說有一位配角, 曾經數次好硬粗地講個Q字出來時, 個戲院都有d笑聲的. mike384 發表於 2018-7-23 12:21
作為純娛樂片的話, 我覺得上次阿rock孖大猩猩打怪獸個套更有趣(作為遊戲改編GAME唔算差了)
今次都 ...
就係我講既madam囉, 好夾硬講粗口.
個D場合正常唔會咁講粗口
正宗球迷 發表於 2018-7-23 11:44
the rock做超級英雄都估到, 能人所不能,呢樣睇就唔好駁. 慢慢欣賞下.
其實部片係唔係主力向die hard致敬,...
情況同盗墓者羅拉一樣，避風塘古惑仔搶嘢果場，得啖笑⋯⋯ 正宗球迷 發表於 2018-7-23 13:14
就係我講既madam囉, 好夾硬講粗口.
個D場合正常唔會咁講粗口
在網上看到，此片其實請了一位語言専家去處理中文台詞，請留意是語言專家而不是文化專家。所以不會出現香港人講普通話的情况，而电梯里那把廣東話女聲還是蛮香港的，乜Q也是香港用語，你去其他粤語地區就很小聽見。問題在於這位語言專家對香港文化只認識皮毛，不是將一堆香港用語推砌出來就是香港了。不過要應付一衆外国觀衆還是桌桌有如的。
話說回来，今天荷理活對香港的印象已與時並進了，想當年所有荷理活电影香港必然會出現那艏破舊帆船，今天电影已很少見了
頁:
[1]
2