[定の影評] 『DESTINY 鎌倉物語』(DESTINY 鎌倉ものがたり)
本帖最後由 阿定 於 2019-8-10 16:02 編輯話說今年年頭去日本時，已經見到鎌倉物語鋪天蓋地的宣傳，不過唔識日文無可能入場睇，所以有點期待香港會上映，之後三月台灣上映，香港都仲未有聲氣，已經有少少想等出碟，幸好香港係出日版Blu-Ray前就上畫了，昨天第一時間入戲院睇，日本一向對奇幻電影有一手，今次特技同化妝都比想象中好好多，如果與神同行的特效你都接受到，咁呢套就更加可以話係一流，不過一套戲好唔好睇，好講故事同演員，日本故事節奏一向較慢，但呢套節奏算明快，戲中有好多故事細節位非常用心，當你睇到尾時會有，啊，原來係咁的感覺，故事係講男主角一色正和(堺雅人 飾)去黃泉救新婚妻子亞紀子(高畑充希 飾)，所以理所當然有唔少溫馨感動位，絕對唔會覺得好做作，堺雅人同高畑充希都做得好好，配角亦都係日劇常見的實力派。
A-3cBLiID5A
片尾會有宇多田光創作的電影主題曲《ANATA》（あなた），電影公司好有心，譯埋歌詞做中文，呢首歌作為76版友，我相信除非你唔聽日本音樂，否則無可能一次都未聽過，宇多田光親自根據原著創作，配詞，導演山崎貴，男主角堺雅人都對歌曲讚不絕口，戲院所有人都坐定定聽埋先走，以香港人咁心急的性格，無片尾彩蛋都無人走，可見十分難得。
UPGgMhxNXQ8
最後講多兩句，呢套戲日本票房有30億日圓，咁30億即係一個什麼的數字呢？ 比個例子大家，全球票房都好勁的復仇3，係日本首兩周票房係25億，係咪突然覺得鎌倉物語都幾勁呢！
正帖比分先!!! 上星期都睇左，因為趕下場，無聽哂只歌就走，電影不能說十分好，但編劇同剪接不錯，沒有多餘情節……
看罷回想起羅賓威廉士昔日都有套為左見老婆要落地獄既電影，名為《美夢成真》，自己就未睇過，但簡介又好似差唔多{:6_136:} alleelarry 發表於 2018-6-11 14:17
上星期都睇左，因為趕下場，無聽哂只歌就走，電影不能說十分好，但編劇同剪接不錯，沒有多餘情節……
看罷 ...
香港譯名如果冇記錯應該叫做 " 飛越來生緣" , 真系好戲一套{:6_128:} 喱套我覺得差不多近尾由堺雅人去地府開始有點悶同拖拖地
打最後大佬最尾果粒字既KO有點草草收工感覺,雖然好心好報既反攻有d驚喜 Hugo Fok 發表於 2018-9-5 14:47
香港譯名如果冇記錯應該叫做 " 飛越來生緣" , 真系好戲一套
你說得對，九成係我COPY錯左行{:6_174:} 本帖最後由 Hugo Fok 於 2018-9-8 08:26 編輯
alleelarry 發表於 2018-9-6 18:56
你說得對，九成係我COPY錯左行
哈哈... 咁0岩記起姐... 因為 "飛越" + "XX緣"呢幾個 KEYWORDS 系 90-2000 年代經常翻用...而呢套片個主題當年又比較 "異類",加上《美夢成真》個名同套片個主線其實唔太夾... 每次見親呢個名都忍唔住笑 (特別深刻) ^0^
頁:
[1]