【開箱+簡評】Pioneer N-70AE
近年 CAS 大行其道，而本身都有用 NAS 嘅我，一直都有打算買部 network music player。
有留意開影音消息嘅，都知道 Pioneer 嘅 N-70A 好評如潮，性價比高，所以好自然對佢產生極大興趣，不過佢既然已經出咗加強版 N-70AE，唔使諗啦，一於加強版，事不宜遲，開個靚箱先！
睇完 spec 都知道，部機唔係人咁品，有成 11.4kg，彎腰一逗，嘩！係有啲料到，好彩我四肢發達，頂得住。
想入手嘅朋友有一點要留意，行貨係無黑色嘅，所以我都無得揀，唯獨銀色。
未用過三腳機，感覺幾得意。
版面設計簡潔，最吸睛嘅當然係 3.5” LCD mon，可以顯示專輯封面、歌曲資料等等，上一型號據知係出唔到中文嘅，到底加強版得唔得呢？一陣開估。
到睇背脊，應該有嘅端子都有齊，連平衡頭都有，不過我未用得著，加強版就多咗兩個插天線嘅位，畀唔方便接駁 LAN 線嘅用家。
細心一睇，原來 RCA 端子都有三個級數，最靚料當然係 analog out。
越南製造
駁線其實好簡單，電源線、LAN 線、兩條 RCA 線，搞掂！
不過拉個櫃出嚟，順手清下塵，set 好陣，搞一搞都兩、三個鐘頭。
準備開聲，玩得 network 嘢，第一時間梗係即刻 download 個 Pioneer remote app 先啦，個實體遙控雖然幾靚仔，但㩒咗幾㩒就劈咗埋一邊了。
舞咗一輪，個 app 算係簡單易用，因為其實都無乜嘢要揀，揀完 play list 就可以放低，反應都算幾快，一按即播，老婆都話正啊！
唯一不便嘅係，因為我用緊另一牌子嘅 2.ch amp，所以要校大細聲嘅話，都係要交畀另一個遙控做⋯⋯
之前提到唔知加強版出唔出到中文，答案係唔得嘅，只係出到部分字，用 app 就無問題可以出到，不過相信大部分人聽歌都唔會睇住個版面，亦好少用版面揀歌，所以，問題已經唔係問題了，但係有啲唔明，唔知點解，今時今日仲有咁多機種出唔到中文字？當然，如果將來 firmware 可以解決到嘅話，都可以一解大家嘅心結。
另外一提，上型號 70A 係用Pioneer control app 嘅，但 70AE 已經唔支援了，轉咗用 Pioneer remote app，介面唔同，揀歌亦無封面睇，會有少少唔方便，同無咁過癮，呢點希望日後可以 update 改善。
好喇，試機報告就唔多寫喇，因為墨水又有限，就算畀我聽到點正點正，我都寫唔出點形容，不過如果大家有興趣嘅，可以喺下面留個言，大家研究一下。
報告完畢。 玩埋fuse兩個世界{:1_339:} {:6_128:}{:6_128:} {:6_157:} 用ES9016s賣咁嘅價錢，我就覺得唔值啦！ ChungTseChu@FB 發表於 2018-3-9 13:49
玩埋fuse兩個世界
聽講仲可以拆埋份 headphone amp，又會上另一層次。{:1_333:}
不過應該唔會搞住了，煲下先。{:6_148:} tonyl626 發表於 2018-3-9 16:18
用ES9016s賣咁嘅價錢，我就覺得唔值啦！
都 ok 啦，廠家都要賺錢的，用再靚啲晶片，又更加唔會係咁嘅價錢。
變得太 Hi-end，又吸引唔到我呢啲入門仔。{:6_136:} 機出唔到中文，app出唔到封面....{:1_331:} 多謝分享 G36 發表於 2018-3-9 18:31
機出唔到中文，app出唔到封面....
差過N-70A?