詢問與BOSE lifestyle 600同級的 Speaker?
小弟budget 30000左右.但上網看了一下，BOSE的音質似乎與他的價格還有點差距. 小弟其實聽歌多但我一定要買5.1因為裝修時牆上留了洞裝speaker 所以唔買5.1唔得. 個人十分喜歡聲音夠實和bass 夠重.請大家幫幫忙? Bose base 未必可以滿足你。 本帖最後由 matt88p 於 2018-2-19 14:04 編輯你有咁嘅budget,我相信你喺呢度問得, 十個有九個都叫你唔好買bose,你仲要聽歌添 , 奶上加奶..... 當然其實我要公平啲講如果以套裝機嚟講嘅話, bose其實已經做得超級好, 佢個低頻相位控制做得好完美,所以基本上, 你會覺得佢細細隻喇叭但係有低音, 原因係因為bose software sub控制得好好,呢個亦都係呢個牌子貴嘅地方,最貴其實係software.但係我頭先淨係講咗低音銜接好ok,不過我未講中頻,呢個頻段差到阿媽都唔認得, 例如人嘅講嘢聲,佢淨係得高同低,冇咗中間嗰一浸, 但係人講嘢嘅聲音最多其實就係中頻,對白聲音亦係一套影院系統入面最重要嘅一環, 搞得掂成件事好好多 ; 同埋聽歌極度唔掂, 原因聽歌本身應該要係only 2ch, 但係最後你又要靠sub,因為衛星喇叭根本冇可能有獨立低音, 再回歸返本身頭先所講問題... 冇中音,中音基本係聽歌最重要一環,所以真心講如果你有呢個budget,買返正常喇叭la!!
純粹少少分享,不喜勿插!!
P. S 我以前都曾經有過一套喺台灣,16萬台幣...... 畀我再揀過老虎蟹都唔買!!!!!! 好彩睇咗呢篇文章
即時解毒
本來諗緊佢高一個級數650
左思右想覺得已經係2016年的產品 其實Bose 系比D要買style 多過音質既人
不過，佢既quality 係over priced 好多. 其實真係好睇你想要你套音響在家中作什麼定位,就我來說,音響的外型與家居佈置是否合襯,比起音質相對地重要,所以如果你覺得合適就去馬啦,各人的需求各有不同,自己最清楚自己要喲乜
頁:
[1]