舊到唔舊的經典, 美版《七俠四義》
話說進入BLURAY時代後, 已經買少左碟, 最近更加係冇乜邊隻真係想買.講返呢套, 七俠四義其實於去年成功4K修復, 估計會畀以前的更好, 有出過紀念版的日版, 奈何都係限定什麼的, 今年去過下當地的HMV, TOWER...
可能都係唔夠誠心啦, 最後都搵唔到.
所謂無心插柳, 居然係地牢某店見到佢, 價錢係貴了少少, 但都OK啦, 即入.
返去一看, 其實都有多年冇睇, 上次睇係買DVD版時睇的, 畫面果然好清, 冇得彈(局部未算太好, 但一諗到1954年的戲, 理解的).
聲效亦好了不少, 清晰好多了, 第一次係大螢幕睇時(約二十年前係日本重播), 當時好沙下的.
電影就不用介紹太多了, 黑澤明1954年的名作, 亦係佢第一套以武士為題材的電影, 可說是里程碑, 曾經被唔同國家REMAKE, 美國版最近再REMAKE多次添.
而香港就有鄭少秋主演的忠義群英, 早排亦入埋美版了.
而惡搞版有日本的七人之OTAKU(宅), 仲有PIXAR的LIFE OF BUGS等等.
主戲係選擇式英文字幕, 附碟就有部份冇字幕(講日文時有), 主要係英文為主的評論同研究, 另加一個唔太多相的GALLERY, 包括各國上映時的海報, 可惜的係唔見香港版.
另外還有一本英文小冊子, 內容亦OK的.
估計喜歡睇黑澤明的可能一早都買左, 不過都係度分享下啦. 本帖最後由 Hugo Fok 於 2017-9-6 13:13 編輯
如果無記錯, 六十年代個套 <七俠蕩寇誌> 都系由呢套片啟發得來的呢... 之後 D 西部片都系繼承返呢類風格{:6_143:}絕對係 俠客片 / 西部片 先驅呢 {:6_128:} Hugo Fok 發表於 2017-9-6 13:11
如果無記錯, 六十年代個套都系由呢套片啟發得來的呢... 之後 D 西部片都系繼承返呢類風格 絕 ...
監制兼主演的尤伯連納, 就係睇完呢套戲的,決定整七俠蕩寇誌的, 主要的角色設定, 劇情鋪排幾乎係一樣, 可以話係REMAKE.
而REMAKE版仲有續集, 而2017再REMAKE多次.
除了呢套, 黑澤明的另外兩套時代劇, 用心棒(台譯大鏢客), 樁三十郎(港譯穿心劍, 台譯大劍客), 亦係多套西部名片的原型.
出名的要算係奇連伊士活的一系列意粉西部片, 打頭陣的 A Fistful of Dollars(台譯荒野大鏢客), 其實就係用心棒的西部版, 不過當時未經東寶許可, 後來東寶勝訴.
後來到了90年代, Bruce Willis 有一套叫last man standing, 名義上CREDIT了用心棒, 但劇情上受了西部版的好大影響.
本帖最後由 bowtie 於 2017-9-6 22:27 編輯
黑澤明的七俠四義真係經典{:1_326:}
多年來不斷有重拍，就算上年的荷利活重拍也一樣吸引人看下去
http://www.imdb.com/title/tt2404435/?ref_=nv_sr_1
WOW, 原來警匪片都受西部片元素影響 gar...真系估唔到... 不過, 近期最上腦既西部片我覺得都係 HBO 套新劇 <WESTWORLD>, 將西部片 + 科幻片 Crossover, 說穿了是返用 70 年代原版 <WESTWORLD> / <FUTURE WORLD> 既舊橋, 但亦加入了唔少 道德 / 階級 既社會課題, 娛樂性豐富之餘亦不失深度, 諗起都想佢快 D renew 第二季... {:6_157:}
頁:
[1]