我雖然唔係原作粉絲, 但都始終覺得呢套鬼佬版 <攻殼> 係走 Cult 片 / 怪異路線, 多過原作俾我既科幻 / 熱血感覺...加上件隱形戰衣夾 Scarlett Johansson 個 body shape 出來個效果頗怪{:6_125:}, 講真唔係好敢再翻睇...而家見大家入得咁開心,搞到我都仲係十五十六中, 唔知入唔手入好.... (呢套片論聲畫的確唔錯, 加上入手價同平時膠盒差唔多, 真係引死人 {:6_128:})
Hugo Fok 發表於 2017-7-30 07:41
我雖然唔係原作粉絲, 但都始終覺得呢套鬼佬版係走 Cult 片 / 怪異路線, 多過原作俾我既科幻 / 熱血感覺.. ...
買啦！買碟唔同買樓，唔需考慮咁多 {:6_158:}
就算唔岩睇，放二手一定大把c兄接
尋日見旺角二手舖，呢隻賣二百幾，貼近原價，都係蝕少少
本帖最後由 Hugo Fok 於 2017-8-2 16:55 編輯
最終聽 CHING 建議系屋企樓下書局入左個人第一隻 4K 鐵...唔知系咪整定, 間書局所有 <攻殼> 藍光都已經被人清晒, 唯獨系有 4K 鐵零零舍舍放左系度,注定黎等我來清左佢... {:6_181:}入手時忽然有種莫名其妙既虛榮感 {:6_180:}(其實都係自己諗多了...{:6_222:}) 講返隻碟, 今次 <攻殼> 個 4K 畫面的確偏暗, 我 PAN 記個 Dynamic Range 幾乎要開盡先出到藍光應有既亮度... 反覆比較過呢套片個 4K / 2K 畫質, 我發現 2K 藍光版離奇地多左一層藍色霞氣, 人面 / 黑位 都無 4K 版咁實淨, 連白平衡都係 4K 版準好多... 我最深刻係 4K 版度留意到主角 Mira 右邊臉珠登零舍有個位微微腫起身,之前係戲院完全留意唔到. 係 2K 藍光睇都會見到臉珠登有個位微腫, 但無 4K 咁明顯, 睇呢佢個完全膠面裝係 4K 畫面下遇到對手啦 {:6_235:} 好奇一問, 我係戲院見到個反派個名好似係譯做 "九世", 但出碟後好似用左同音字 "久世"...唔知係咪我眼花呢 !?? {:6_240:}
如果淨係 2K 藍光版都要成二百幾的話, 4K 其實真系幾抵下... 爭三十、四十蚊的話真系買個鐵盒都值... 今次港版性價比完勝, 如下次個期可以做到同美版同日出就無得頂啦 {:6_178:}
