[少量劇透]《鄧寇克大行動》︰不一樣的戰爭片
Christopher Nolan又有大作，今次佢係拍二戰片，而故事就係講述鄧寇克大撤退嘅歷史。成套戲分咗三個主線，Fionn Whitehead做Tommy為主嘅故事，Mark Rylance做Mr. Dawson為主，同埋Tom Hardy做Farrier為主嘅主線。
整套戲缺乏大型槍戰場面，除咗開頭Fionn Whitehead走佬嗰段之外都差唔多無咁滯。而電影係用番類似Nolan前作Following、The Prestige嘅非線性敘事，當然劇情就無呢兩套戲咁複雜。Dunkirk最值得欣賞嘅就係Tom Hardy渣飛機打空戰的段落，場面可算係壯觀同緊張，尤其當Tom Hardy戰友被逼降落後的情節。而Fionn Whitehead條線，就係講佢做嘅Tommy密謀上船逃難嘅故事，佢遇上的戰友法國兵角色相當討好。特別留意男主Tommy同one direction Harry Styles上咗船嘅情節，諗哂點用最快方法逃走，而打後沉船法國兵同男主等人開門，顯得法國兵人性光輝。而Tommy條線最精彩部分就係後段法國兵被懷疑德國間諜嘅段落，人到咗極端惡劣環境變得自私。稍為可惜嘅係Mark Rylance主線，愛國主義者，同埋劇情無其他兩段主線咁有可觀性。成套戲唔知係咪就美國PG-13 rating，係無血腥場面，連F-Word等粗口都無乜幾可聽到，Tom Hardy條線對白極少。還有套戲的確由另一個角度去描繪戰爭，唔去拍大型槍戰、坦克對戰場面，而集中講撤退行動的「眾生相」。劇情基本上相對Nolan前作，係比較單薄。
總括而言，如果你係Christopher Nolan fans，呢套點都要睇。而鐘意睇戰爭片嘅觀眾，呢套缺乏大型槍戰場面可能有少少「難入口」。
經朋友解說後, 其實佢只係一套著草電影, 唔算係戰爭片... 本帖最後由 hugomember 於 2017-7-23 01:28 編輯
絕對認同~~
我覺得導演做咗啲大膽嘅嘗試, 用一啲新角度寫"戰爭"片, 喺荷理活大片好少見, 有啲人會鍾意, 有啲人唔鍾意, 正如藝術本身都無RIGHT OR WRONG.
我是幾鍾意呢種新角度, 真實唔做作, 無過份英雄化個人~~ 呢套不枉我晨早起身睇早場（我近20年無睇過早場），啱啱買咗飛星期三再睇！同埋呢套一定要睇IMAX! 我覺得佢用時空交錯多角度插敍咁演譯,都幾得意!初初有點一頭霧水,點解又日頭又夜晚既呢?haha,不過HanZimmer配樂無「黑夜之神」、「星際」咁正!總括來說算唔錯!我响Imax mega box睇,因為剛裝修完音效改為12聲道比以前7.1好左DD,但不知為何銀幕有少少梯型,使到未能100%填滿畫面有D礙眼!另外路蘭愛用既IMAX器材,講真我分唔出同一般鏡頭有乜唔同,除左大DD之外!{:6_142:} 我有少少後悔無睇imax{:6_125:} hugomember 發表於 2017-7-23 01:21
絕對認同~~
我覺得導演做咗啲大膽嘅嘗試, 用一啲新角度寫"戰爭"片, 喺荷理活大片好少見, 有啲人會鍾意, 有 ...
《鄧寇克大行動》雖然未睇，反而睇左《明月幾時有》，但明白到「戰爭」片不一定要拍戰鬥場面，只在乎導演同編劇想同大家分享咩野！ 粗人敵卡 發表於 2017-7-23 16:35
我有少少後悔無睇imax
新界都有 IMAX 啦！仲唔成機去試試……{:6_174:} onon4359 發表於 2017-7-23 04:20
我覺得佢用時空交錯多角度插敍咁演譯,都幾得意!初初有點一頭霧水,點解又日頭又夜晚既呢?haha,不過HanZimmer ...
查實導演係咪將《凶心人》既說故事方式，放左係呢套戰爭電影入面呢？ onon4359 發表於 2017-7-23 04:20
我覺得佢用時空交錯多角度插敍咁演譯,都幾得意!初初有點一頭霧水,點解又日頭又夜晚既呢?haha,不過HanZimmer ...
1）imax整個畫面呈現比例高咗。
2）imax 菲林機拍出來的 colour tone 明顯較有質地。
就似肉眼見到真人，和在ipad retina睇高清相的分別。