《Alien Convenant 異形：聖約》睇後感 (注意:少量劇透)
本帖最後由 gashapon 於 2017-5-12 22:12 編輯異形：聖約是Prometheus的後續故事。我本身都對alien的世界好有興趣, 所以第一晚就去了睇. 我建議想睇的人, 睇之前最好先重溫舊作prometheus同埋網上的預告片段。因為某幾個預告講了有些在電影中冇出現過的場景，例如Dr Shaw和David發生了咩事, 隊員之間的對話, 關係等。我先講下對電影的整體評價，之後再詳細d講吓某啲細節，因此下半部份會有劇透，請注意啊~
電影今集係講一班船員，帶着2000幾個人一同前往新星球作「星際移民」，途中遇到一些機件故障，引致無意中發現一個新的星球，比原來的目的地更適合人類居住，於是就去睇下咩環境，結果當然係出事啦。整體來說我覺得電影都不錯，如果10分滿分我會比7.5分。同上集普羅米比較，劇情上有改進，整體來說兩個小時嘅電影氣氛都好緊張，但某啲位置上始終擺脫唔到太過公式化。例如去到某啲情況，你一睇就知道到邊個人會出事。另外唔知是否電影設定隊員係「消耗品」，預咗佢哋會死，所以係隊員的人物性格方面冇太過詳細的交代。結局方面，我認為係結束得太突然，感覺有少少唔夠喉。另外覺得電影為了將就2小時的放映時間而有唔少片段剪走咗，令我覺得故事唔算太完整。不過整體來說一路睇到覺得好緊張唔會有悶場。（除了開頭15分鐘講下d船員，做下維修的一幕）印象最深刻的其中一幕，就係David同Walter互相對話的一幕。感覺雙方係大家的oposite， David認為自己比佢嘅造物主強，認為人類唔應該有救贖，而且佢的行為都幾露骨。但Walter就剛剛相反，以人類為優先，盡力保護佢哋。其實今集與其話係講異形，不如話係異形版嘅智能叛變更適合。所以某程度上來講，我反而認為啲異形係可有可無，有少少為加而加感覺，好似純粹因為上集冇異形而特登加多啲咁。劇情方面(對整個異形世界觀) 唔算有太大的推進，如果要將同異形第一集連結起來，相信仲有一段頗長嘅路要行。
（依家開始進入討論劇情的階段未睇的人可以唔好睇住）
電影第一幕Peter Weyland同david的對白, 某程度解釋了david的性格. 佢一出世已經懂得質疑佢創造者, 仲話佢唔會死但人會死 (代表David比人更優勝) 加上沒有人類本身的道德枷鎖, 因此做事起來更加是"目標為本", 不用擔心有什麼後果.
預告片中見到James Franco, 但只見佢出一出現就唔見再有其他畫面，因此一開始已經估佢好快就死。只係.....估唔到佢真係咁快就死，令我認為其實搵唔搵佢做都無咩所謂。
第二係移民外星咁大的任務, 之前都做足了研究, 探詢等才去, 但竟然無啦啦發現另一個新星球, 想也不想就馬上改變目的地? 就算係唔去咁遠的星球, 至少也先觀察一段時間, 睇下有無風暴, 有無咩怪獸等才真正落去吧.
電影船員沒有太多的描寫, 有d直頭第一次見佢, 轉個頭就已經死了.而新的船長設定上是有宗教信仰, 但又唔覺電影中佢好唔同(最多只是講了幾之"have faith") 如果更深入講佢由於信教而想去職或是不想)去那個星球而見到外星人/神會更好. 另外有一幕佢明明見到自己隊員被neomorph殺死了, 見到佢同david friend, 本應唔相信david, 但一分鐘之後又跟david走去個地洞仲伸個頭去望隻alien egg? 另外如上面講, 死的方法太公式化, 一係去食枝煙, 放下水, 沖個涼, 總之無啦啦得一個人就知佢會出事, 變成一兩次之後都估計發生咩了.
Dr Shaw的"結局"係我比較心"up"的一幕, 始終預告見到david對shaw係有一種愛慕, 但最終都咁對佢....令我覺得david太恐怖了...(同時顯得人性的重要)
David同Walter對打的一幕, 最後是見到david拎起把刀想殺死walter, 我認為是做得太多了. 因為基本上係人都知最後走出來的是david而不是walter, 反而如果剪到另人誤以為是walter無事, 最後才踢爆是david, 咁就真係呃到人了.
另外故事中其實有幾個我認為不太合理的地方, 不過始終都係聽故唔駁故. 如我所說, 2小時的電影其實都好緊張, 無咩冷場, 但同時都完得幾突然: 知道船上有異形之後, 好快就引佢去"主場"決戰, 之後唔夠幾分鐘又解決了隻異形, 跟住就已經完了.
結局就係david拎了2個異形的杯胎, 相信7年的時間佢可以慢慢利用2千個活體做研究, 生產出大量的異形放在新的星球上"定居"吧, 但2位生還者可以點? 如果下集係生存, 唔通2個人在船上對一大堆異形(假設未到目的地就醒了), 或是去到目的地醒來見到成個星球都是異形, 還是根本捱唔到去第3集, 早就被david當實驗品?
謝謝收看~ 上一集其實都未睇，今集就……只好路過……{:6_136:} david有無可能响跟住嗰集出場我覺得先係重點, 今次佢戲份實在太重, 同埋ALIEN人性化左明顯係為下集可以拉得更長黎做, 某程度上個人覺得有點兒格格不入...
Hon 發表於 2017-5-14 15:23
david有無可能响跟住嗰集出場我覺得先係重點, 今次佢戲份實在太重, 同埋ALIEN人性化左明顯係為下集可以拉得 ...
所以我都講今集真係david的《智能叛變》多過異形....因為講佢"背叛"人類多過講異形. 某程度上我覺得如果我地所認識的異形最終係由david研究而製造出來, 我會有少少失望呢, 我寧願佢本身係一種外星生物/物質, 被engineer發現而當weapon用, 好過原來只係david實驗的成果... gashapon 發表於 2017-5-14 15:29
所以我都講今集真係david的《智能叛變》多過異形....因為講佢"背叛"人類多過講異形. 某程度上我覺得如果 ...
另一方面我覺係現今市場問題, 所以主力响DAVID都情有可源, 加上前傳關係, 所以將ALIEN弱化都合理既, 就咁睇再搭落去應該都無問題, 只希望唔好爛尾就算LA>
Hon 發表於 2017-5-14 21:45
另一方面我覺係現今市場問題, 所以主力响DAVID都情有可源, 加上前傳關係, 所以將ALIEN弱化都合理既, 就咁 ...
我覺得第一集prometheus同今集有唔同的隊員都仲叫做講得通, 但如果第3集又再一隊新的隊員(去送死) 咁我就認為唔太合理了. 始終宇宙咁大, 2隊人撞到的機會已經唔大, 除非係一開始大家的目的地是相同啦. 暫時我只想到續集可以講女主角最終醒來, 去對付david. 或是另一架船的人(可能是再10年後出發去佢地移民的星球), 之後發現成個星球都係異形(由david製造出來) 要連上alien 1, 我會講可能是david在engineer的母星發射了d "黑水彈"殺晒d人, 咁身在外地的engineer回來時, 查返成件事最後搵到去人類移民那個星球. 再無意中接收了d 異形, 但最終都被異形寄生了, 因此飛船跌落了LV-426. gashapon 發表於 2017-5-14 15:29
所以我都講今集真係david的《智能叛變》多過異形....因為講佢"背叛"人類多過講異形. 某程度上我覺得如果 ...
DAVID係今集都透露過佢的目的, 係要整, 相信就係指我地係Aliens入面見到的個隻. mike384 發表於 2017-5-15 11:15
DAVID係今集都透露過佢的目的, 係要整, 相信就係指我地係Aliens入面見到的個隻. ...
其實我一直認為時間上唔太吻合. 因為在alien 1的engineer, 被發現時都已經石化了, 因此一定係死了好多年. 其實一起覺得alien 1的engineer可能只是運送alien egg (見egg一直有層"laser"保護住), 但都係唔小心被感染先至死. 死前佢就發出警告. 現在變成太刻意去講異形點來但又有好多不合理的地方.
今集d egg又無講點來, 只是暗示由dr shaw的DNA mix mix下演變出來的. (到依家都仲認為dr shaw死得好慘) gashapon 發表於 2017-5-15 11:47
其實我一直認為時間上唔太吻合. 因為在alien 1的engineer, 被發現時都已經石化了, 因此一定係死了好多年. ...
個幾隻蛋的詳細造法係冇講, 但從阿D哥的口中, 同佢的手繪(似係記錄用)可以猜想到, 佢係有利用SHAW的子宮去做了若干的實驗, 實驗的目標, 明顯係令ALIEN更加完美, 而ALIENS(第二集)中, 我地見到蛋係ALIEN QUEEN生的, 我個人就估, SHAW就係D用黎研發QUEEN的PROTOTYPE一號. 本帖最後由 kitkitkit_2046 於 2017-5-15 16:01 編輯
講到女主角同位黑人, 下集大衛叫醒返, 跟住同佢炒大獲, 但都有排打, 因為其他移植體已經變曬異形, 咁拍既題材可以有排講啦, 我唔會再點追佢呢個故事發展, 因為都無野好講, 要睇口後既口碑至會再入場睇, 再見吧異形系列 !!{:6_155:}