《攻殼機動隊》Ghost in the Shell 入場前的兩手準備
本帖最後由 alleelarry 於 2017-10-5 13:07 編輯士郎正宗原作的《攻殼機動隊》Ghost in the Shell 於 1989年4月22日首次刊登於講談社的【周刊Young Magazine】，導演押井守於 1995年把它改編成為系列中第一部動畫電影，廿八年後由 Rupert Sanders 執導，Scarlett Johansson 主演，成為了系列中首部真人電影。
1995年的《攻殼機動隊》動畫使用了大量的電腦動畫，分鏡到透視帶給了觀眾全新觀感，一時無兩。電影中採用了不少「實境」作藍本，相比神作《亞基拉》AKIRA 更加有說服力！日本動畫歷史中，把原作修定再推出的，《攻殼機動隊》極有可能就是第一部，在此之後有 2002年重映的《美女與野獸》 及多翻修訂的《新世紀福音戰士》。
1995年的《攻殼機動隊》動畫 LaserDisc
小編可說是由日本動漫養大的，如此佳作又點會無收藏呢？當期時最高級的媒體產品必定是 LaserDisc，線數都有400以上。日版一來只有日文，加上水貨價極貴，退而求其次就是美版，價錢相宜得來有英文字幕及音軌，至少能邊看邊理解劇情，配合字匣還是可以有中文字幕的。較早前 LD機壞了，盤子退出後就不返回機身，幸好有「大師」相助修理好，雖然像素不足，總算可以在入場前，重拾當年的回憶……
∇ 保存狀態良好的美版 LD
∇ 當時在旺角荷里活頂樓購入，印象中花了接近港幣三百元
∇ 片長只有 85分鐘，但附有 30分鐘製作特輯
∇ 以當期時最高規格 CAV 格式製作，單面只能收錄 30分鐘內容，故此用盡了四面的儲存資料空間
∇ 當期時最大的 LaserDisc 發行，就是 Pionner (The Art of Entertainment)，音聲收錄只有 STEREO
《攻殼機動隊》「創作」及「影響」
後生一輩必定看過《廿二世紀殺人網路》，但假如你還未看過《攻殼機動隊》的話，看罷新電影預告，必然會說《攻》是向《廿》致敬，實情剛好是相反。《廿》片中的「以數據線接入身體作連線」、「主角因洗腦被蒙騙」，「綠色的數據影像」，不就是《攻》原來的名場面嗎？
∇ 以數據線接入身體作連線（真人版）
∇ 綠色的數據影像（1995年動畫版片頭）
假如你的電影閱歷夠長久的話，你會了解到《攻殼機動隊》是啟蒙自 Harrison Ford 的經典科幻電影：《Blade Runner》，正式港譯名稱為《2020》（現時的媒體大多跟隨臺灣名稱《銀翼殺手》，完全聯想不出為何喚作「銀翼」，汗！）。今年較後時間亦有其續集上映，由 Denis Villeneuve 執導的《Blade Runner 2049》，能否與 Ridley Scott 前作互相呼應，就真的要拭目以待！
∇ 電影的世界觀相當接近，均充斥了不少「外牆影像廣告」（上：《攻》，下：《2020》）
∇ 電影中的主角均不是百份百的真人，一般人是無法分辨出來（上：《攻》，下：《2020》）
對真人版的預期
真人版除了主角沒有起用《悍戰太平洋》中的菊地 凛子外，在看罷電影的首5分鍾片段後，基本上沒有太多投訴。
e4EM_Eiq4LU
∇ 真人版 與 1995年劇場版造型比較，相信影迷都會收貨！
戲院的選擇
跟據 IMDB （按我進入），音效有 Auro3D 及 Dolby Atmos，畫面是 1.85 : 1，據了解本片是以 2D畫面進行後期 3D合成。看科幻電影的話，大銀幕是必要的，可惜在港上映只有 IMAX 3D版本可選，個人還是會選擇具備全景聲的大幕戲院。
攻殼出過嘅動畫當中我淨係睇過第一套. 呢套真人版視覺上就好似幾好, 值得期待吓. 正, 老實講, 本身真係冇咩興趣睇呢套, 睇完LARRY兄的分享同頭5分鐘, 似乎又好似OK喎~~ 我見係SJ做女主角所以無興趣睇, 可能因為之前d ironman, avengers果d唔多唔少都睇佢睇到厭了. 另外就係動畫本身都無追開, 所以可睇可唔睇. gashapon 發表於 2017-3-28 13:52
我見係SJ做女主角所以無興趣睇, 可能因為之前d ironman, avengers果d唔多唔少都睇佢睇到厭了. 另外就係動畫 ...
科幻大作，合哂你口味呢！ alleelarry 發表於 2017-3-28 18:50
科幻大作，合哂你口味呢！
我自己一向對"日本動畫改成"美式"真人電影"興趣不大, 加上都係唔算太喜歡SJ. (不是討厭她, 只係睇佢個樣睇到悶) 所以唔會睇了. 我寧願睇生化危機個娜姐~~ XD 一直冇時間睇過呢套動畫，不過呢套真人版出首次預告片即叫朋友借左套動畫bd睇左，幾好睇不過動畫版好像冇尾，可能冇追開唔太清楚劇情，希望有時間入場睇下真人版拍得如何 我有另一個睇法。這些年頭 SJ 年紀都不輕了 (雖然原來只係卅出頭)。14年前看《迷失東京》, 相當省鏡 ; 《LUCY》、《UNDER THE SKIN》都仲頂得住。但去年看《CA3 CIVIL WAR》和 OSCAR 頒獎禮便老態畢現。
這部有 CG 作粉飾一吓, 女神重現。{:6_184:} DVD迷 發表於 2017-3-29 10:32
一直冇時間睇過呢套動畫，不過呢套真人版出首次預告片即叫朋友借左套動畫bd睇左，幾好睇不過動畫版好像冇尾 ...
又唔算無尾既，只係留多一點空間了吧！{:6_175:} gashapon 發表於 2017-3-29 09:08
我自己一向對"日本動畫改成"美式"真人電影"興趣不大, 加上都係唔算太喜歡SJ. (不是討厭她, 只係睇佢個樣 ...
本來以為另一原作崩壞，但睇左個五分鐘，又真係無咩好投訴{:6_142:}