又係oppo 203開箱
本帖最後由 Versa 於 2017-1-22 14:48 編輯人就係咁犯賤，明明同自己講唔急於玩4K，等技術成熟及有其他品牌選擇先入手都唔遲，oppo 203唔係我杯茶，而且小第睇戲以內容為先，畫質聲效係bonus，1080p畫面我都滿意的... 但返到屋企，對住部4K電視、4K投影、4K碟，唯獨欠4K player，忽然魔鬼講：點解差一步都唔行埋佢？玩住先啫～而且作為一個有計劃的人，好應該為快將來臨的新年假期作好準備，買定新玩具等假期有得玩。可惜自己又窮又唔想花錢，於是把自己唔再需要的物品二手賣掉，換返來的錢夠買的話，一買又何妨。結果終於達標了（真係粒粒皆辛苦）{:6_125:}
上代理試機，眼見舖頭貨源堆積如山，老闆正忙於替其他客人JB，已知生意唔憂做，但老闆非常友善，無因為我寒酸而趕我走，當我表示想試機看效果（只是試機，唔一定買的）老闆即放下手頭工作，播段《交叉人》BD+UHD片段比較我睇，仲擔埋櫈仔我坐定定，睇完仲開心吹水，咁既服務，真係無理由唔磅水。
廢話講完，我知好多師兄已經入手多時，但鬼叫自己窮，好耐無開過箱，就容許我打編廢話，分享下開箱+終於在自己家中睇到UHD BD既感動啦{:6_136:}
咁多箱203，唔知我拎一箱走，老闆會唔會發覺呢？{:6_134:}
終於執左個紙箱返屋企，無J過的，暫時仲係處... 無錯！係暫時{:6_167:}
oppo又無改packing，開箱圖都係果D，相信大家都睇到厭
每次見到新機後面D鍍金插，心中不其然就哼起：「金光閃閃多美麗，金光閃閃叫人迷...」我係咪有病？
買機當日岩岩出新firmware，著機第一件事就係更新
畫面截圖都係果D，up張640x480又壓縮過的jpg俾人睇，話呢張圖係4K幾sharp幾detail，HDR顏色幾艷麗，又係slient gas，所以分享少少setting就算了...
電視用LG OLED65E6P，出畫＋聲照舊用番兩條AQ vodka，HDMI埠deep color支援設定為開，203 color depth則設為auto，順利輸出並認到BT2020 4:2:2 12bit畫面
當食到HDR signal，電視會轉用另一組HDR專屬的設定播放，所以沒遇到其他用家「播HDR時顏色好淡」的問題
反而LG既HDR預設太光太colorful，喜歡清淡的我要㩒返低D setting... 又初時覺得畫面暗位太黑，lost左detail，卒之發現「黑階設定」設為「高」，畫面立即正常返，暗位出返晒黎
廢up完... {:6_162:} 靠晒你地撐住個市呀真, 多謝晒呀老細 點解唔係4:4:4 12bit? 正呀 Congratulation!{:6_195:} 正呀 {:6_195:}恭喜 本帖最後由 chhanthony 於 2017-1-22 18:02 編輯
又4k projector又oled ,話窮說服力差啲。{:1_343:} 恭喜師兄，想請問邊間入有咁好服務，小弟出咗B仔所以週身痕 恭喜Ching 又多一位ching有203啦！