呢幾日假期有日去左太古 UA睇《俠盜一號》.......間戲院...
其實小瑟係果間戲院都好多回憶, 咁聖誕果日有小小時間可以蛇去睇場戲, 就貴貴都買飛入場睇下啦, 依家原來睇戲都幾貴, 一張2D門票都要$105蚊, 諗住聖誕流流, 貴少少都OK啦, 不過如果咁睇, 其實買隻BLU-RAY碟都係2百幾, 幾時囉返來睇又OK, 又成隻碟成家人睇都OK, 其實真係唔貴.....{:6_150:}講返正題先, 比左$105蚊, 一條友買左 4號院, F11號位, 諗住都中間位置, 應該都OK啦, 點知一入到去, 一坐之下, 張櫈已經"LOVE"左落去, 又洗, 老實講坐時已經要輕輕用力坐返正個位先坐到, 如果唔用力就成個人"線"左落個"LOVE"位度.....心諗唔X係下馬..點捱呀~~~~{:6_136:}
之後4:35分開場, 原來依家D戲院開場咁多廣告, 15分鐘廣告之後開正場, 畫面咁既......暗到不得了, 一開場咪好多光暗對比場景既, 女主角個樣都睇唔清楚, 黑人個面同背景痴埋一起......跟本睇唔清楚做緊咩, 俠盜一號頭半個鐘本身已經有小小悶(自知不是星戰迷), 係咁既環境下仲難推, 好難得開始入戲肉, 但現場來講音效唔覺好明顯之餘, 仲要成個場一D低頻都冇, 小瑟唔係要求高了, 不過連基本既低頻都冇埋, 淨係聽佢"招招招"咁激光來, 死光去....真係........
總結來講呢次呢 $105蚊真係白比......好失望!!!!
大皇正明你腰力好{:6_193:} 但頂左成場真係好難!!! 現在入戲院看戲真係要度清楚, 你話租金貴, 人工高, 燈油火蠟都係錢, 所以戲飛貴都算喇,
戲飛錢唔係唔想比, 但間間戲院改到間格細一細, 完全無左以往入戲院睇戲的大銀幕感覺,
更加上細場的音效未必好 (係未必,不是必定, 但試過好幾間都瀨野),
講真, 以在戲院位對銀幕的距離, 相比在自己屋企的影院, 視覺畫面寬度隨時大過好多細院, 音效又可自己調教,
現在入戲院都只想先睹為快, 亦只會揀有大場會播的場次, 細場免問.
其實太古城UA己內籠已好舊, 唔好比個場外表呃咗............. 大王你個情況出現好耐了, 太古城已在我 blacklist 內多年, 係港島不如去金鐘(新裝修),Time Square, 或海怡(又新又唔貴). 本帖最後由 kowkow 於 2016-12-29 12:23 編輯
所以有要求的電影，我只去星影匯一院及圓方六院，其他免問.... 平心而論，THE SKY我都收貨慨⋯⋯
(當然去過日本的一流戲院，就會發現香港的戲院真是好流) 聞說UA太古來年可能唔做, 不過是路邊風, 唔似真.
不過可能張櫈LOVE你所以"LOVE"(凹)左落去 {:6_134:}
我都有提過我去的地方...我只去 JP 老銅或者皇室堡. 前者有大銀幕, 後者價位相宜.
無特別事都唔會去太古/ KH 睇.
我搬走左太古之後都無乜點去過了.
kl122002 發表於 2016-12-30 13:52 static/image/common/back.gif
聞說UA太古來年可能唔做, 不過是路邊風, 唔似真.
不過可能張櫈LOVE你所以"LOVE"(凹)左落去
太古UA我真係好似未入過去, 反而剛執冇耐的MCL康怡, 呢一兩年內都算有去過.
自從搬離港島東後, 我都好少係個頭睇戲了, 東區長大的我, 除了太古嘉年嘉華, 榮華, 柴灣同杏花村都有去.
頁:
[1]
2