<爆漫> 分開2-3集拍一定好過依家...
上星期日因為唔想咁快睇復仇勇者但又想搵套戲睇下, 本來諗住呢套戲等出碟至睇架啦, 但... 算啦, 都係睇左先.
漫畫故事改編做電影一定有個必然既通病, 就係唔會跟得十足, 好彩故事本身個原意都叫做出到黎, 咁其實已經好足夠, 否則呢一世都真係唔駛睇改編故事會好D.
有時候同朋友傾開都會問我: " 呢套戲好唔好睇 "
我第一句答佢一定係咁講法: " 你有無睇過漫畫先 "
因為無睇過既話, 出黎既效果同接受程度一定係差天共地.
故事上好簡單, 其實係以JUMP呢間公司作背景, 以激勵及搞笑帶出漫畫家既辛酸.
相比起漫畫黎講, 兩位主角既選角都叫合格, 尤其是做真誠既佐藤健都幾相似, 但以我角度黎講, 如果女主角可以搵個正氣小小既女仔做會更好, 因為呢位女角對眼成日都覺得邪邪地兼瞓唔醒咁, 靚唔靚就見人見志, 起碼配合下始終爭D.
至於其他角色方面都相近得黎有D搶鏡, 不過呢樣都叫做好事黎, 因為咁至可以互補各方面既不足, 化學作用就係咁產生出黎.
故事內容方面, 好認真咁講的確係太過濃縮, 如果將佢分為2-3集, 好似20世紀咁做既話一定會好好多, 但... 諗係咁諗啦, 因為漫畫中好似關於家庭同社會帶黎既問題, 對呢套戲黎講其實好重要, 就好似寄生獸男主角既媽媽一樣, 如果CUT左媽媽嗰段既話, 咁套戲就一定係好差, 甚至唔會有兩集添.
呢套戲我會俾7.5/10分....
老實講，我接受唔到男女主角果結局囉，漫畫一路睇，眼淚就一路流！ 阿定 發表於 2016-1-15 09:34 static/image/common/back.gif
老實講，我接受唔到男女主角果結局囉，漫畫一路睇，眼淚就一路流！
就係濃縮得過份囉.
好明顯個老細唔肯俾錢拍多1-2集...
頁:
[1]