到我到我, 大執位整到我隻野咁, Pioneer LX88+LX89一套西裝到著.
尋日下午, 趁老婆未放工, 拿拿林請左半日假, 返屋企同呢抽野來個了斷, 而之前7200WA時, ATMOS都係玩ENABLED, 玩左一年, 做SHOW成日聽人地D真天花喇叭出黎效果真係同反射好二個世界, 所以一直向地政處申請天花喇叭加建工程, 申請一年有多, 一直不得要領, 什至多次退回申請, 萬念俱灰之下, 睇埋DTS;X同AURO 3D既喇叭擺位方案, 同各方高人請教過, 最終以皇帝位40度向上之喇叭位置, 說服左"自己"接受呢個40度擺位的方案......再向地政申請, 竟然一入紙即批, 只係地政處長連同佢既近身妹仔(我個女), 連日精神轟炸我, 話佢地其實用TV喇叭睇戲都睇得好開心.......小瑟有你冇你, 既然批得工程, 小瑟怕處長突然玩野駁回申請, 所以尋日就即時開工!!!!而今次除左喇叭之外, 小瑟一係唔郁, 一郁就整鑊大大鑊既, AV AMP, POWER AMP, BDP, 全部HDMI線, 加多對喇叭一起攪, 直頸當新做咁玩呀!!!
老實講, 攪單咁既野其實都真係幾Q辛苦的, 真係小D腰力都唔掂呢~~~~
{:6_207:}{:6_178:}
今次小瑟好開心, 終於可以清一式用哂 KORDZ既LUX同EVS-SE版, 冇計, 一直以來我都好想BDP用LUX, 而AMP出TV我都想LUX好耐, 只係懶得蚊來蚊去, 依家既然攪希望工程, 煩就一次過勒!!!
LUX除左12%銀之外, 佢個頭仲係鍍鈀, 比鍍金傳真度更高, 最正仲有終身保用, 我早前手上係未來網買D XXX玩左幾年都瓜左都掉哂了, HDMI有保用其實都幾緊要!!!
玩得西裝, 又點可以少得佢呀????
登登登登, 大腦出場, 近日比MDLP兄引到死死下的小瑟終於都有解藥勒!!!!
雖然係平野, 但聽歌冇左呢條同小瑟出生入死多年的TARALAB M3 RCA又點得呢, 89聽歌有咁好表現, 當然要對佢好D呢.
老實講,機背既線我次次都想整得靚仔D, 但插多幾樣野已經......放棄了!!!
除左大腦同前峰之外, 小瑟一直都諗緊今次仲玩唔玩後級, 因為家中二件女士(細仔未識比意見{:1_333:} )已經多次表明, 小瑟佔用家中客廳位置太多, 因為佢地好多玩具, 大女上左小學又好多書, 佢地想佔用我既AV櫃......我當然係唔肯啦, 所以一定要玩POWER AMP, 而且今次仲係友人手上執到平野, 神一代5CH, 貪佢好力之外仲有埋音樂感, 而小瑟用開既 EMOTIVE XPA-5 就等緊有心人接手呢.
大家可能都會以前上年小瑟只可以玩ENABLE SPK, 今年應該可以玩天花喇叭勒掛........經過多月既努力, 同地政處方面多返周旋, 點知近年處長仲增加左一名副處長, 對我既申請百般阻撓, 最後只係批出前置頂喇叭呢個申請(FH), 係呢個情況下, 小瑟就心中暗暗起左一個計劃.....
大家睇睇小瑟家中, 係咪已經有齊FH同RH??? 咁欠既咪就係一對EAR LEVEL既喇叭囉???{:1_338:} 小瑟會借機會整多對蛋仔同腳架放好埋佢, 到時咪就係一個完整既5.1.4囉, 哈哈哈哈哈哈{:1_344:}
經過了半日時間的努力, 搬來搬去, 插來插去之後, 終於都可以坐定定睇下成品, 放好哂D位, 不過就只係好簡單咁做左一次FULL AUTO MCACC PRO先, 之後就開埋最新的MI5來欣賞一陣, WOW, P記既直接性同埋身感真係好正, 以小瑟一套KEF+MK SB12咁玩, 已經好滿足, 非常非常之開心, 而且由ENABLE SPK到玩 FH 呢度, 天花頭頂既音效比之前真係明顯同實在左好多好多, 包圍感好好, 好充實, 只係有D位小瑟覺得應該再調校一下應該會更好, 不過我諗都要等多陣先有時間攪勒, 依家都係開心影D相比大家睇下先啦!!!!!
小瑟係換左電視之後, 其實都有人問過我你個中置阻住左TV既紅外線點攪, 呢個位其實小瑟都頭痛左一排, 因為老婆真係鬧左我好多次, 最終小瑟係TAOBAO搵到紅外線轉發器, 好易用, 插USB同指返去TV個紅外線位就可以, 依家唔洗再比人咀啦!!!!
PIONEER的設定其實都幾多野攪, 雖然話MCACC PRO去到呢代已經非常之精準, 但口味既野又點會係MCACC PRO一定FIT得哂自己呢?? 小瑟黎緊希望可以多小小時間同大家分享一下LX89內的設定細節比大家多多了解一下呢部功能強大又先進既AV AMP啦.
*係度真係要特別鳴謝指導過小瑟 MCACC PRO內的細位的 MDLP兄先!!!!{:1_351:}
二樓留位!!!! 正呀 大王 有批文出玩天花喇叭{:6_193:} 我都好想呀{:6_187:}
(Post76 Android 手機版送出) 查實稍稍指向天花，紅外線就會收到，如果只係開關同大細聲，直接用藍牙版本既REMOTE就得啦！ 大王Ｄ架生正到呢{:8_403:} {:6_139:}大王勁{:6_138:} 都係 FH + RH 當 ATMOS 易攪啲~小喇叭易攪啲~恭喜恭喜~~就等DTS:X UP 埋齊將 星期二去咗"望聞問切"後我決改建,唔要對R50,想試試FH+RH,不過只可以諗細隻既KEF蛋仔/b&W m1{:9_412:} 正都暈.....! 咁正!!! 其實你仲有冇朋友架. {:6_174:} qq66 發表於 2015-11-20 14:45 static/image/common/back.gif
星期二去咗"望聞問切"後我決改建,唔要對R50,想試試FH+RH,不過只可以諗細隻既KEF蛋仔/b&W m1...
如果同類型聽過又好聲既~~~~我會揀 b&W m1
https://c1.staticflickr.com/7/6036/6348470043_764f79f3af_b.jpg
或裝得更貼牆嘅 DALI FAZON SAT
http://www.minhembio.com/bilder/bild/?pic_id=431355.jpg