gashapon 發表於 2015-10-5 00:35 static/image/common/back.gif
如果唔介意我劇透, 小說版結局是有少少分別的 (雖然結果都是相同), 簡單來說電影版比較"dramatic"~~ ...
快d 講小說結局，哈哈！話時話，小說有無中文版
(Post76 Android 手機版送出)
阿定 發表於 2015-10-5 17:56 static/image/common/back.gif
快d 講小說結局，哈哈！話時話，小說有無中文版
(Post76 Android 手機版送出)
小說版有中文版呀, 我都係買中文版的~
http://www.cp1897.com.hk/bookinfo/image/450/9789863421559z.jpg
小說之前講mark幫車鑽孔時唔小心令current overflow, 連通訊器材都整壞埋, 所以只可以用石仔砌出字句等NASA知道. 佢就照計劃拆除戰郎4號的東西, 最後在升空時暈了, 之後一直在船內. 而ARES 3就引爆閘門減速來修正兩者距離同相對速度. Lewis一直只係控制住飛船, 而游繩去救Mark的係另一人Beck. 基本上beck漂到mark架船, 就馬上扣起佢, 之後2人就被拉回ARES 3了.
小說講d隊員同Mark拍掌之後就馬上走開, 因為佢成年幾無沖涼太臭~~ Lewis就命令佢治療好傷勢就馬上去沖涼~
ps: 電影加o左最後mark在講學同其他隊員之後所發生的事, 令結局更完美~
不過我留意到個任務叫戰神5號, 唔知是戰神4 被取消 (因為飛船被Mark用了) 定直接改名做戰神5 ? (電影都加了一個中國太空人, 因為是NASA為了救mark向中國借用推進器而俾一個中國太空員上火星而交換~)
本帖最後由 radhk 於 2015-10-5 23:05 編輯
gashapon 發表於 2015-10-4 17:40 static/image/common/back.gif
其實我又唔覺有咩不合理情節, 因為故事設定是在未來, 已經有2隊人去過火星, 今次已經是第3次了. 如果講不 ...
只係感覺上戲中係火星生活比想像中易, 環境唔太惡劣 (個生活倉蓋張膠布就頂得住). 而最後返轉頭拯救決定, 好似有d草率, 之後既緊張情節亦說明對情況估算不足.
anyway, 套戲的確幾正面. 所有野都是maths and science, 對讀理科既人幾鼓舞. 整體套戲亦都幾好睇.
radhk 發表於 2015-10-5 22:44 static/image/common/back.gif
只係感覺上戲中係火星生活比想像中易, 環境唔太惡劣 (個生活倉蓋張膠布就頂得住). 而最後返轉頭拯救決定, ...
始終電影設定是20年左右的未來, 當時已經有人去過火星而且做好個 Habitat (居住的地方) 俾太空員長期居住, 所以唔係每樣野都好危險. 當然始終是在火星, 好多意外可以一下子令所有人死亡, 所以當時佢地一知道有風暴就馬上離開就係咁o既原因.
其實塊膠布是有名堂的, 不過電影無解釋佢有幾勁. 用佢可以防止倉內失壓漏氣等(細的地方就用樹脂物料) , 唔似我地用開一般的垃圾袋咁易爛的~
至於最尾的拯救行動, 始終從未有人試過, NASA又好, ARES 3又好, 講真都係搏一搏, 沒有十足把握. 所以嚴格來說都唔係估算不足, 而係根本無法估算. NASA發訊息過去又要12分鐘先到達火星, 來回就要24分鐘, 因此當時只可以"執生". 當時戰神4雖然已拆除了大部份的東西, 可惜推進力唔夠, 因此飛得唔夠高無法同ARES 3成員接合. ARES 3 可以用佢地的燃料加速令雙方距離接近, 不過就會令相對速度太快, 等於要在一架開緊90km/hr的車上接住一個人, 所以最後先至搏一搏炸o左個氣閘減速. 呢段明顯是賭博了, 因為爆炸可能令成架飛船停o左都唔定.
情況等於拯救人質, 好多時雖然已有晒訓練同計劃, 但都唔包補每次都成功, 忙亂之間令人質死亡的事件都唔係無發生過. 但又唔可以講成是估算不足, 因為現場太多變數, 唔同做simulation可以reset.
同樣係麥迪文, 同樣係一個人孤獨係外星生存, 但態度就兩個極端,
一個係先理解件事, 唔去責怪或埋怨自己畀人掉低係火星, 而係盡量去求生.
另一個係呃人返黎救自己, 再重想盡辦法去掩飾自己的大話, 甚至不惜去殺人滅口.
個對比好強烈, 個人認為呢點好有趣 XD
mike384 發表於 2015-10-6 09:39 static/image/common/back.gif
同樣係麥迪文, 同樣係一個人孤獨係外星生存, 但態度就兩個極端,
一個係先理解件事, 唔去責怪或埋怨自己畀 ...
我只知道將麥迪文一個人留在太空係好危險的~~ {:1_253:}
麥廸文的確好戲
其實就咁睇我反而感到好艱辛， 睇就好似一個幕就蓋得掂， 但好似爆左個倉佢用布包住就算（因為無野好包） 其實佢表情話到大家知佢都好無耐同擔心強烈風暴起勢咁吹好得人驚， 擔心爆左或者日後或爆左就無得再整返
(Post76 Android 手機版送出)
Hon 發表於 2015-10-6 13:42 static/image/common/back.gif
麥廸文的確好戲
其實就咁睇我反而感到好艱辛， 睇就好似一個幕就蓋得掂， 但好似爆左個倉佢用布包住就算（ ...
小說中好多時佢做每樣野都有一種一失敗就會死的結果, 所以後期其實都無咩好驚. 反而佢最怕係唔夠食物捱到救援來, 所以其實佢有預備d藥物令自己可以安詳咁走的~(必要時用)
gashapon 發表於 2015-10-6 13:59 static/image/common/back.gif
小說中好多時佢做每樣野都有一種一失敗就會死的結果, 所以後期其實都無咩好驚. 反而佢最怕係唔夠食物捱到 ...
你咁講完真係仲無奈....
Hon 發表於 2015-10-6 17:28 static/image/common/back.gif
你咁講完真係仲無奈....
成件事講真係好無奈, 因為就算要救都唔係即刻可以去救佢. 如果發生在我身上, 講真都未必捱到咁耐. 其實有時認為死都唔可怕, 反而可怕在"都唔知幾時會出事"果種恐怖.... 好在Mark的性格是比較阿Q同樂觀, 所以好多事明明生死一線佢都可以攪下gag安慰自己, 加上佢剛好是植物學家同機械維修方面好掂 (故事中每個隊員每人都要有至少2項專長才可成為隊員), 因此佢先可以無事.
當然logic上來說, 無論電影又好小說又好, 如果主角好快死o左咁根本唔會有呢個故事發生, 所以其實都知佢一定無事啦~ (即Gravity中如果Dr. Stone第一下已經死了咁成套電影15分鐘就可以完~)
