《Mission: Impossible - Rogue Nation》觀後感：友情無價！
本帖最後由 jayjay 於 2015-8-1 00:01 編輯第1集《職業特工隊》(Mission: Impossible)喺1996年推出，當時Tom Cruise飾演嘅Ethan Hunt被設定成機智過人但武功低微嘅特工，但勝在故事夠峯迴路轉，觀眾頗為受落，喺商業上取得十分亮麗嘅成績，令電影喺日後發展成為一個成功嘅系列。第2集喺2000年推出，由香港大導吳宇森執導，電影自然加入咗不少港產片元素，Tom Cruise嘅角色被設定成武功高強嘅特工，如果齋計算動作場面，呢集係整個系列最出色嘅一集，但係如果論劇本，反而係最平庸嘅一集；不過點都好，作為本系列嘅影迷，我都應該多謝吳宇森，因為佢切底地將男主角打造成身手了得，唔再好似第一集咁手無縛雞之力。第三集喺2006推出，由家將《星空奇遇記》(Star Trek)拍得出神入化嘅J.J. Abrams執導兼寫故事，呢集嘅故事開始着重人性刻劃，並以團隊精神作為主題，改變咗以往頭兩集嘅英雄主義，動作場面以爆破為主，埋身肉搏嘅場面雖然冇第2集咁出色，但都非常精釆，雖然票房成績遠較第2集為低，但已經贏盡口碑，為日後第4、5集奠下故事成熟扎實嘅基礎。第4集喺2011年推出，片名叫做《職業特工隊：鬼影約章》(Mission: Impossible - Ghost Protocol)，除咗加入咗Jeremy Renner、Paula Patton，並加重咗喺第三集着墨較少嘅Simon Pegg，由拍開動畫嘅Brad Bird執導，J.J. Abrams寫劇本，我相信呢集上畫之前已經有唔少人質疑佢嘅能力。結果，Brad Bird竟然能夠大放異彩，將電影每一個部份都拍得恰到好處，動作場面雖然冇第2、3集咁令人嘆為觀止，但都十分有創意同有心思，驅使呢集成為系列中評價最高、票房最標青嘅一集。
好嘞，終於嚟到第5集，《職業特工隊：叛逆帝國》(Mission: Impossible - Rogue Nation)，由三年前已經喺《烈探狙擊》(Jack Reacher)同Tom Cruise合作過嘅Christopher McQuarrie
執導。一開頭已經嚇到腳軟，我並唔係畀電影嚇到而係畀一大堆簡體字嚇到，心諗:「大陸公司又有份投資？咪玩啦，一陣好似《變形金剛4》咁咪PK！」；好釆，成套戲冇被扭曲成為政治工具，只係有少少中國裝束。唔講政治啦，呢度係電影版，我唔想畀人hi。今集嘅風格趨開黑暗，但係故事明顯冇第3、4集咁有張力，動作場面都幾敗筆吓，攝影師Robert Elswit採用太多close up鏡頭，令到有幾場原本可以好可觀嘅打鬥都令人睇到眼花撩亂，飛車場面雖然拍得好過年頭嘅《救參96小時3》(Taken 3)，但係已經冇晒前作嘅風馳電掣，死因係鏡頭搖得太勁。除咗動作場面令人失望，導演喺分配演員戲份都出現咗好大嘅失衡，Jeremy Renner除咗戲份少，竟然仲慘到一啲動作戲都冇，其他演技精湛嘅演員如Ving Rhames、 Alec Baldwin都冇乜空間發揮，飾演大反派Sean Harris亦都被輕輕帶過，似閒角多，認真大嘥鬼！不過電影都有可取之處，起碼導演懂得參考《狂野時速》(Fast & Furious)系列着重嘅兄弟情，喺今集主角們已經開口埋口話大家兄弟缺一不可，兄弟情呢個元素亦填補咗故事嘅空洞，令主角嘅任務變得更有意義。總結，《叛逆帝國》雖然故事冇新鮮感、動作遠較第2、3、4集為差，但演員表現極佳，加上角色比前作更重情義，彰顯友情，簡直係令人動容，絕對值得一看！
評分：70 /100
溫馨提示：《職業特工隊5》並不是官方電影名稱 好似冇乜人睇過今集{:1_343:} jayjay 發表於 2015-7-31 07:34 static/image/common/back.gif
好似冇乜人睇過今集
暑期開始，日澳元新低，識玩一定而家玩，不足為奇！{:6_183:} 禮拜日睇{:1_338:} 睇左, 自問唔係MI粉, 從第一集就唔太鍾意, 二真係為了睇吳宇森, 但發覺阿湯佬的自戀度比一更利害.
二係全系列中, 最多動作, 尤其係格鬥, 不過老老實實, 冇練開的阿湯佬認真麻麻, 好多鏡頭就到出哂位, 而最唔滿意的係個位女主角...冇錢搵個靚D的?
去到三都一般, 又唔係太難睇, 四係令我有少少驚喜的, 好多大場面, 拍得唔錯, 加上新隊員[鷹眼]加入.
至於尋晚睇了的第五集, 老老實實, 唔係好睇但又唔係難睇, 一切係平均線度, 可惜的係個位英國的可愛女出場唔夠兩分鐘就...成套片冇太大型的槍戰, 但D暗殺都拍得OK.
MI系列的LOGO=湯佬偷電腦, 今次都係一般, 冇乜特別驚喜, 類似橋段太多了, 結局呢...都幾王晶XD mike384 發表於 2015-7-31 09:23 static/image/common/back.gif
睇左, 自問唔係MI粉, 從第一集就唔太鍾意, 二真係為了睇吳宇森, 但發覺阿湯佬的自戀度比一更利害.
二係全系 ...
當成了電視劇的《特別篇》咁去睇{:6_177:} 呢次一定睇 IMAX 2D, 睇過 IMAX trailer 畫面非常正 第6集會喺下年開拍{:1_343:} 成套戲喺武打場面方面，唔多滿意
最後英國特工同「組織」奸角單對單打靠剪接{:1_336:}
最可觀係喺摩洛哥場飛車戲
個終極大佬最後自己親自落場打Tom Cruise
Simon Pegg演出小弟覺得仲突出過Tom Cruise
喺中情局打機{:1_253:}
Tom Cruise呢集又玩命，上集去杜拜爬摩天大廈夠震撼
今次玩擒飛機{:1_351:}
故事方面都唔失禮