《Predestination / 逆時空狙擊》如果命運能選擇? *內有劇情討論
本帖最後由 gashapon 於 2015-3-27 09:00 編輯《Predestination / 逆時空狙擊》
用最簡單的形容來說, 佢係一套關於時空穿梭的電影. 時空穿梭一直是個十分有趣的話題, 而且更加有不同的理論.
英文中的 Predestination, 在中文來說我地多數會講成 "宿命論", 或是"命中注定". 簡單來說即係已發生的是已發生, 無法改變. 再詳細d講, 即就算真係有方法回到過去, 事件的結果都唔會因此而改變. 例如就算我抄低了今期六合彩號碼, 跟住回到上星期去買, 都會因為"命中注定"而令我買唔到飛.
電影一開始講一個agent (Ethan Hawke) 在一次行動中受傷, 休養好之後佢再接受了另一次任務. 佢所屬的組織(姑且叫住"時空局"先) 佢呢個局係會派d agent回到過去而阻止大型罪犯的發生. 例如今日有人在廣場放炸彈而炸死好多平民百姓, 咁時空局就會派人去阻止爆炸的發生了.
個agent被派回到過去, 化身成為一個酒保, 目的就係要招攬一個人成為時空局的新agent. 而呢個人就係叫John (Sarah Snook), 在談話中John開始講出佢o既過去, 有什麼不幸的事情發生了等等. 而其中一段回憶就係講某一年有個神秘人出現, 大家一見鍾情成了愛人, 可惜最後呢個神秘人無啦啦消聲匿跡, 再搵唔返佢. 其後生活及工作上接連發生壞事令佢生活跌落了低谷. 點知傾傾下計, agent同佢講呢個神秘人極有可能是佢地時空局一直找尋唔到的"炸彈狂徙 Fizzle Bomber", 佢係一次事件中令到超過一萬一千人死亡. 可惜時空局一直都比佢慢一步. 當agent同佢講佢都搵緊呢個人, 希望搵john幫手, john最後都答應了. 不過當john進行了第一次時空穿梭, 回到佢當時仲係學生的時代時, 在不知不覺間埋下了一條無法解釋的伏線....到底命運是一早已經設定好, 還是其實係有得揀? 睇完成套電影的我都無一個好確實的答案. 但更令我不斷思考的, 就係時空穿梭下所引發的一連串"無法解釋的矛盾"
由於所講的理論或多或少都會變成劇透, 而我深信如果想有"最高享受"去睇呢套戲, 應該知得越少越好, 因此我會在下一個留言先至再討論劇情, 如果未睇的巴打絲打記得唔好睇下個留言住~~
ps: sorry昨晚太眼瞓, 都唔記得打最重要的部份: "推介指數"~
我一直都對科幻電影比較有興趣, 所以有時明知故事麻麻都會照睇. 講時空穿梭的電影都唔少, 例如《回到未來》系列, 甚至是《未來戰士》等. 另外仲有較新的《Deja Vu》, 《Looper》, 《source code》,較經典的有《timecop》(個時空局同呢套性質差不多), 《12 monkeys》等, 每套都有佢背後所支持的理論. 而《逆時空狙擊》本身所"玩"的理論, 雖然唔算好新, 不過我認為是十分之正! 而且幾乎搵唔到一個位置去"攻擊"佢呢個理論是否正確, 因為佢個理論本身充滿矛盾 , 卻又是唯一的解釋. 電影無太刻意賣弄深奧的理論, 故事結構基本上是一環扣一環, 所以盡量唔好去洗手間~ 而且主角Ethan Hawke真係好入戲(同埋佢把聲) 令人更投入. 我會絕對認為喜歡科幻電影的人唔好走雞. 而情侶都可以去睇, 睇完記得同對方講, 我地o係埋一齊係predestination, 係天意~ XD
本帖最後由 gashapon 於 2015-3-26 22:19 編輯
終於有時間討論下~
掃興預告: 以下內容可能令人掃興, 無晒mood, 同出現想坐時光機回去叫自己唔好睇呢個留言, 敬請觀眾留意~
.
.
.
.
.
.
.
.
.
.
.
.
.
.
睇完呢套電影, 可能大家都會有一個問題: 究竟有雞先定蛋先? 如果有雞先? 咁即係雞唔係由蛋黎? 如果有蛋先, 咁又邊個生隻蛋出來? 呢個問題可以無限咁loop而得唔到任何答案. 雖然有雞先定蛋先呢個concept係有矛盾, 但現實世界又的確有雞喎, 所以有時真係無法解釋唔代表無可能出現~
呢套電影的其中一個時空穿梭的concept, 係根據1959年一個短故事"all you zombies"改編成的. 原故事是講一個男子在一次回到過去, 令到一名女性懷孕而生了一個小孩. 而呢個小孩最終原來去佢自己. 而最神奇的地方係果位女子原來正正係後生時的佢自己 (因為主角是一位"雙性人"), 因此形成了一個"close loop", 佢父,母其實就係佢自己.
而《Predestination / 逆時空狙擊》就係以上的故事的加強版. 主角John (Ethan Hawke) 本身是一名時空特工, 可惜在一次行動中佢燒傷了自己, 因此連容貌都改變了.好返之後佢其中一個任務就係回到過去招攬返自己. 當時o既佢已經"變"了性做男人 (佢一出世是女兒身, 不過同時擁有男女的性徵) 主角一直都在追查一名叫Fizzle Bomber的恐怖份子, 呢位人兄佢發動過好幾次炸彈襲擊, 做成好多市民傷亡. 細節上唔講太多, 不過主線就係:
女主角Jane本身是一夠孤兒, 長大後在"太空公司"受訓, 可惜因犯事被踢走, 失業o既佢開始寫專欄小說, 用筆名"unmarried mother"去寫自己的故事. 佢當年讀書的時候認識了一個神秘男子, 大家愛上了對方, 更令到jane懷孕. 可惜呢名男子突然間消聲匿跡, 再無出現過. 而生了小孩o既佢, 更被發現原來佢同時係男女身, 由於健康原因, 因此生了小孩之後被迫變性做男人. 之後就在酒吧內同John(Ethan Hawke) 傾談. 最後發現原來Jane的小孩其實係佢自己, "佢"出世無耐就被John抱走送回過去變成孤兒的"佢". 而變成了男人的"佢" (後生版) , 在酒吧見到將來的佢(即係酒保John), 之後後生的john同酒保john雙雙進行了時空穿梭, 最後後生john仲正式成為了agent (酒保john就決定退休), 而後生john又因為一次行動燒傷了自己....(一直咁loop), 而最後真相係: 其實Fizzle Bomber就係佢自己的年老版...
故事中John/Jane的身世其實是一個close loop, 即係無法去搵出一個起源點, 因為無論你睇邊個John, 佢都係由"未來"的自己抱走而送回去過去的. 而主角雖然有講佢其實係有得揀, 但始終都係走唔出呢個loop
BB-->長大-->相愛-->生仔(個仔變成了過去的自己)-->成為agent-->出了意外-->招攬後生的自己-->退休-->查出bomber原來是將來的自己-->殺了"bomber"--> 由於長期time travel令自己精神出現問題而變成了bomber-->被後生的自己殺害.
除了呢個close loop的時空矛盾之外, 另一個最出名的理論就係"grandfather paradox", 意思係指如果如果我回到過去殺死了自己的祖先, 咁就唔會有自己的出現. 但如果我唔會出現, 就唔會有可能回到過去殺死自己祖先, 因此祖先就唔會被殺, 而自己又會可以順利出世.
以上可以見到其中的矛盾 1) 如果自己是存在, 是否代表我就算回到過去都無法殺死自己祖先? 2) 或是當我殺死了祖先後, 時間會改變, 變成了另一個時間線? (即以發生的事將來變成未必會發生) 1) 同 2) 分別代表了2個不同的理論: Close loop同 open loop理論 (如果用電影去代表, 1)就係12 monkey, 2)就係back to the future~)
另外我覺得到時空局個阿頭應該知道bomber就係John, 而且佢唔想John走出呢個Loop. 因為我見佢唔止一次暗示過john係局中一個出色的agent, 佢令到個局更強勁. 而且某程度上都係因為有呢個bomber先至令呢個局得到重視. (即係天下太平的社會就唔再需要警察了) 再講, 我懷疑局長是否明知個時光機(小提琴?) 無退役到, 令到John佢雖然離開了時空局, 不過都可以keep住使用時光機去"旅行". 最後因為時空穿梭太多而令到自己精神出現了問題而最終變成了Fizzle Bomber.
電影中只講了2個不同時代的john, 不過有幾幕見到佢有好多部錄音機, 或是幾份報紙咁, 因此我估其實呢個loop已經走了好幾轉, 而唔係第一次係咁. 至於如果john佢有一個loop係做了不同的決定而走出了呢個loop hole (例如佢決定唔加入時空局) 咁個結局會否改變? 又或是到底佢會唔會出現呢個決定的時空, 可能同電影名稱一樣, 一切其實都係命中注定的.
一套電影會令我睇多幾次的話，不管票房如何，個人來說已經是不錯的電影！ gashapon 發表於 2015-3-26 00:58 static/image/common/back.gif
終於有時間討論下~
掃興預告: 以下內容可能令人掃興, 無晒mood, 同出現想坐時光機回去叫自己唔好睇呢個留 ...
「二樓」更精彩，竟然解答了我的疑問，再睇多幾次（即係LOOP）都無問題，還有這一篇不應歸類影評或者觀後感，而是實實在在的「解讀」。
硬去給「它」一個「解釋」就係，未來既人發明了「時光機」，但並不是完美的，每一次時光旅行都會有「副作用」，就是另你身體慢慢改變，女的會增添男的特性，相反亦會如此；改變了的就變成了「不同」，因而就可以在同一時空「共存」。
整套電影的每一句對白，都是之後或之前的伏線或者解釋，每看一次會明白多一點，相反亦會增加疑點！ 好精彩的解讀
我想不會買飛入場睇了
等出藍光碟買回家慢慢睇先得呀！ kongchai 發表於 2015-3-27 00:42 static/image/common/back.gif
好精彩的解讀
我想不會買飛入場睇了
等出藍光碟買回家慢慢睇先得呀！
縱使睇完這篇「解讀」，仍然要LOOP（睇多好多次）才能理解，買藍光是一個名明智的選擇，{:6_193:} ！
美版藍光都已經推出了：《Predestination》逆時空狙擊 : Blu-ray / DVD
http://post76.hk/forum.php?mod=viewthread&tid=207924&fromuid=82199
kongchai 發表於 2015-3-27 00:42 static/image/common/back.gif
好精彩的解讀
我想不會買飛入場睇了
等出藍光碟買回家慢慢睇先得呀！
睇完篇「解讀」, 記得睇埋套戲「解毒」~~~XD
blu ray/ DVD我都會買, 因為有d細節位都想再睇真d~ gashapon 發表於 2015-3-27 08:51 static/image/common/back.gif
睇完篇「解讀」, 記得睇埋套戲「解毒」~~~XD
blu ray/ DVD我都會買, 因為有d細節位都想再睇真d~ ...
睇一次都可以理解咁多，真的好厲害，版主都係靠gashapon版友的「回憶」加深了認知{:6_181:} {:6_182:} ！ alleelarry 發表於 2015-3-27 09:08 static/image/common/back.gif
睇一次都可以理解咁多，真的好厲害，版主都係靠gashapon版友的「回憶」加深了認知！ ...
其實成套電影個故事又唔算好深, 所以唔難明. 加上我睇之前同事講o左少少資料比我知, 所以睇之前都大概知道要注意d咩. 當時我以為香港無機會做, 所以睇完就上網搵料等自己更加明白成個故事講咩 (睇下有無睇錯睇漏etc), 所以依家仲記得下~ gashapon 發表於 2015-3-27 09:25 static/image/common/back.gif
其實成套電影個故事又唔算好深, 所以唔難明. 加上我睇之前同事講o左少少資料比我知, 所以睇之前都大概知 ...
我係近孚「零」去睇，所以睇個陣好多唔明，但諗落又好似明，的確主線並不複雜，反而是「三」個人的關係就唔一定能夠理解！