惡有惡報，因果循環《一夜狂逃》Run All Night 觀後感
本帖最後由 jayjay 於 2015-7-20 16:12 編輯嚴格嚟講,《一夜狂逃》(Run All Night) 係我今年內第一套入戲院睇嘅戲。上一次入戲院已經係喺上年最後一日, 睇《救參96小時3》(Taken 3) http://post76.hk/forum.php?mod=viewthread&tid=205527,雖然係爛片,但係有得欣賞我偶像Liam Neeson嘅精湛演技, 我仍然唔覺有乜損失。
執導本片嘅西班牙國寶級導演Jaume Collet-Serra簡直係我近年來最信得過嘅導演之一, 雖然佢同Christopher Nolan比仲尚有不及,但係功力已經拍得住Matthew Vaughn。導演自從喺2005年憑驚悚片《House of Wax》成功確立佢喺美國影壇嘅地位後, 再喺2009年憑同樣係驚悚片嘅《孤疑》(Orphan) 更上一層樓, 更變得聲名大躁, 但係產量並冇因此而變得好似Ridley Scott咁多產, 果然物以罕為貴。
《一夜狂逃》已經係第三部導演同Liam Neeson合作嘅動作片，之前已經喺《無名殺機》(Unknown)、《直航殺機》(Non-Stop) 合作過, 呢兩部前作口碑極佳， 而且都係低成本製作，平均耗資4千萬美元，兩套加埋已經喺全球收咗3億5千萬美元，認真刀仔鋸大樹！
《一夜狂逃》應該係導演目前嚟講處理得最多大牌演員嘅作品，演員陣容非常強勁，除咗有Liam Neeson孭飛做男主角，仲有同Liam Neeson年紀相若嘅金球影帝Ed Harris、新版「Robocop」Joel Kinnaman、Vincent D'Onofrio,仲有啱啱先攞完奧斯卡最佳電影原創曲嘅Common, 簡直係星光熠熠。
選角適合已經係電影嘅成功嘅第一大步，因為就算編導寫個劇本寫得幾龍飛鳳舞都好，如果角色唔啱演員，電影一樣會一敗塗地。呢點真係要讚導演眼光獨到，難怪佢每次拍動作片都只會放心揾Liam Neeson孭飛。
雖然《一夜狂逃》故事極之簡單，並冇好似《無名殺機》、《直航殺機》咁有懸疑性，但係人物關係刻畫得細膩，劇情爽快淋漓，追迫力十足，証明一個簡單嘅劇本亦都可以炮製出好電影。而且，本片亦有不少感人位，有一幕更加令我大受感動：老豆Liam Neeson同阿仔Joel Kinnaman講:「Once you pull the trigger, you're no better than I am.」; 老豆Liam Neeson雖然係殺手，但係都唔想個仔步佢後塵，踏上不歸路。故事寫得合情合理又有教育意義: 職業殺手Liam Neeson同黑社會大佬Ed Harris之前做咗好多傷天害理嘅嘢，即使金盤洗手，報應仍然會揾上嚟，不但報喺佢哋身上，仲會禍及親兒，亦令到我聯想起近日某位香港領導人嘅千金小姐。此外，編導極有心思，將黑幫同警察寫成同一類人，完全切合香港現今政治環境, 令我即刻產生共鳴。電影結局非常震撼，簡直令人黯然神傷，完全印證本片海報標題「No sin goes unpunished」。
由於《一夜狂逃》嘅動作場面遠較導演前作多，我入場前真係有啲擔心導演駕馭不來，結果，導演冇令我失望！導演處理動作場面十分出色，鏡頭功夫亦架功十足，打鬥場面雖然唔算美觀，但勝在夠真實，已經拍得住《叛諜追擊三部曲》(The Bourne Trilogy), 飛車場面雖然遠不及《狂野時速》(Fast & Furious) 系列，但係已經狠狠揮低去年《極速激戰》(Need for Speed) 嘅造作!
個個演員都做得好稱職，Liam Neeson同Ed Harris演技無需置疑，對手戲非常有火花，Joel Kinnaman演技亦成熟咗好多，Vincent D'Onofrio亦將佢辣手刑警嘅角色演得入型入格，Common對白不多，但勝在夠震懾力，完全成功演繹出殺手嘅冷血無情。
總結，《一夜狂逃》係我近年來睇過最好睇的黑幫片！
評分：85 / 100
dq4dzuJWSTE&feature 本帖最後由 kh22 於 2015-3-24 22:34 編輯
kh22 發表於 2015-3-19 14:35 static/image/common/back.gif
師兄講得咁正,有時間都要去睇下。
今日睇左啦,Jay兄無介紹錯,全片文戲和動作戲都幾出色和平衛,情節發展流暢和逐漸緊湊. Liam呢次內心戲比較有得發揮,是近年表現最好的一次,導演比之前三部作品有進步, 壞人片中全部死哂,包括 Liam 在內 (佢好似好耐冇死過,除了"Batman"),帶出正面訊息,作惡沒有好下場。{:6_193:} 本帖最後由 jayjay 於 2015-5-14 15:41 編輯
得閒入戲院睇吓{:1_340:} 本帖最後由 jayjay 於 2015-3-24 14:36 編輯
粗人敵卡 發表於 2015-3-19 13:54 static/image/common/back.gif
得閒入戲院睇吓
{:6_193:} 我睇救参96先至留意LIAM兄，好幾套電影好肉緊，故事都吾錯 師兄講得咁正,有時間都要去睇下。 本帖最後由 jayjay 於 2015-4-28 14:18 編輯
kh22 發表於 2015-3-19 14:35 static/image/common/back.gif
師兄講得咁正,有時間都要去睇下。
多謝kh22兄俾面
其實我呢篇嘢只係個人感受，到時你覺得唔好睇就千祈唔好怪我XD 本帖最後由 jayjay 於 2015-4-28 14:18 編輯
lawzelda 發表於 2015-3-19 14:09 static/image/common/back.gif
我睇救参96先至留意LIAM兄，好幾套電影好肉緊，故事都吾錯
其實係Liam演技好同好彩遇到好劇本
好似Colin Firth自從靠《King's Speech》攞完金像影帝之後都拍咗幾套爛片，係今年靠Matthew Vaughn嗰套《皇家特工》先翻到身 jayjay 發表於 2015-3-19 16:45 static/image/common/back.gif
其實係Liam演技好同好彩遇到好劇本
好似Colin Firth自從靠《King's Speech》攞完金像影帝之後都拍咗幾套 ...
今日去圓方睇{:1_343:} , 琴日睇Divergent imax{:1_331:} {:1_331:} {:1_331:}