大阪之旅 (1) 環球影城攻略 Express Pass & Cool Japan
本帖最後由 阿定 於 2015-5-8 12:23 編輯小弟係最近呢半年去左兩次環球影城，分別去左玩正常的 Express 7 同 Cool Japan 5 ，簡單點講，即係玩晒3月頭之前出的遊戲，以下為經驗之談，有興趣大家可以研究下，分享下玩法！
寫住簡介先，因為唔知大家想知咩，不停更新就是了
門票
1. 最平一定官網買，生日月及生日之後果個月都有10%off，同行亦有10%off，可送門票到酒店代收，或直接e-ticket用QR code入場 (要指定入場日子)
2. 其次去到日本用Yen買，即場、便利店，旅行Counter都有得賣，不過小心留意有分去到再換飛，同直接入場的飛，有無指定入場日等
3. 香港買定，無Fix死日子，不過有有限日期，以旅行社公佈為準，直接入場，無需換飛，價錢比日本買貴10-20蚊
4. 耐不耐日本會有特別買飛優惠，例如便利店做期間限定特價，但我相信正常人出發前唔會特別發現到
Express Pass
呢期有兩隻 Cool Japan 4,5 Express 同 傳統3,5,7 Express ，不建議買晒兩邊Ticket，因為一來你玩唔晒，二來有Fixed死時間，所以有機會重複時間，你跟本玩唔到，Express Pass 不建議去到先買，因就算你最早入場，都好大機會賣晒，上網買吧，連門票買，一次過送去酒店或用E-Ticket最好
先講講咩係 Universal Cool Japan，太詳細就唔講啦，總之就係期間限定1月23日～5月10日(延長至6月28日)的特別主題活動，
包括【 新世紀福音戰士·THE REAL 4-D 影院】即係睇4D戲，唔買Express大約排3-4小時
【進擊的巨人·THE REAL】唔買Express，要一早入去拿指定時間入場卷，排隊預約都要1小時以上，活動主要係睇真人臘像
【魔物獵人·THE REAL】唔駛特別排隊，有3DS MH4G的特別任務，有大巨龍同道具睇，仲有另外比錢的小遊戲，買Express會送包野比你飲
及 【BIOHAZARD THE ESCAPE】要獨立買門卷，或買Express 5先會包，解迷逃脫遊戲，玩足兩小時有多，期間不能離開，所以買飛時注意唔好同其它遊戲撞時間，四人一組，一組一平板電腦，有繁中揀，同一時間大約有40-50組，我自己經驗係兩人都可以一組，前提係佢找唔到人同你合組，但規則寫明有權幫你組隊，有機會被拆開，亦有機會同日本人一組，會變成睇唔到中文，所以如果你眼見有香港人或台灣人，自己開聲一齊組隊比較好，否則就試著支唔以對，扮唔明，搞到日本人唔願同你一組吧！
無論你買 Cool Japan 4 或 5，都會包你哈利波特入園證同哈利波特禁忌之旅遊戲，如果無入園證，係入唔到哈利波特場區的而入園證亦有指定入園時間，入園證如果無買Express，就要一早去抽入園證，問題係你唔買Express，咁你去抽哈利波特好定巨人好呢？
4同5的分別，就係一個包BIO HAZARD，一個唔包，如果你打算玩BIO HAZARD，無論你唔想買Express，定買唔到Express，都建議你預訂入場卷，因為即場係99%未開園已經賣晒的，而且預售係平500Yen的，Express5亦會更平！
P.S.: 執筆之時，Cool Japan Express 4 同5 都已經網上預售晒的了
然後再講就係Express 3,5,7，即係除左Cool Japan外，其它的遊戲，357都有指定遊戲同指定遊玩時間，並唔係有3/5/7張express任得你揀來玩，由於3,5,7官網有詳盡中文解說，所以就唔介紹3/5/7分別可以玩咩，以下為幾個重點同個人遊玩後感受！
首先，要去哈利波特，你只能揀買5或7，因為只有5同7包哈利波特入園卷，唔買就早點去排隊抽入場卷都得，聽講唔難抽到
哈利波特區比較新，所以講多兩句，入面玩的唔多，但好多野睇，超迫人，預唔玩機動遊戲都玩到個幾鐘，推薦餐廳邊食邊睇風景，好靚，有明信片賣，可以寄番香港，有特別郵Chop
1. 哈利波特禁忌之旅™ -- 必玩，唔買express有機會排兩粒鐘或以上
2. 鷹馬的飛行™-- 有d兒戲，適合小朋友，唔買express都要排粒幾鐘
3. 蜘蛛俠驚魂歷險記 - 乘車遊 4K3D-- 存在已久的遊戲，大家都話必玩，但以前有玩過的話，我個人覺得無必要重複，但未玩過就應該要試！
4. 太空幻想列車 -- 類似Space Mountain
5. 荷里活美夢乘車遊 --即係過山車，有向前同向後(荷里活夢幻過山車逆轉世界)比你揀
芝麻街4-D電影魔術™ 或 史瑞克4-D歷險記™-- 即係睇戲，同EVA同一個場，所以好睇時間表播咩戲，要特別注意
6. 大白鯊-- 坐船出海，有大白鯊嚇你
回到未來 -- 坐車搖來搖去，飛來飛去
7. 侏儸紀公園 - 乘船遊-- 坐般仔周圍行，之後向下急跌濕晒，海洋公園再大規模d咁囉
魔鬼終結者 2:3-D -- 無玩，聽講唔錯
浴火赤子情 -- 當自己去左片場吧，扮火警
以上都係Express有機會包的野，老實講，除左頭三樣，其它排隊都唔係好長龍，而Express唔包的水世界，唔錯，我無睇過日本呢個，但睇過星加波果個，真係唔錯，我睇唔到日本果個係因為我去果時同期改左做One Piece期間限定水世界Show！
最後，就係夜晚睇魔幻星光大遊行，自己早d係街頭坐底等睇Show就可以
場內有幾間Shop可以退稅，唔係全部都得，請留意地圖，滿一萬Yen就可以退，但因為唔同Shop賣唔同野，未必咁易夾到一萬Yen，而且要另外Pack實，不能即時使用，其實都唔係太方便，有去過日本的朋友就知，佢地包野好大件
最後，錢可以解決的問題，唔係問題，排隊係日本來講，係文化，場內亦唔多人講國語，所以都唔係話排得好辛苦，不過我自問就無心情排幾粒鐘玩遊戲，玩就得一日，當然玩得越多越好，而且你肯排，你老細未必肯排，買Express的錢，買條好少少的HDMI線都唔止啦，做咩要慳呢？好多人都怕買飛要睇日文，不過你只要裝番個CHROME，開番果自動翻譯，其實無咩難道，E-Ticket除左唔駛比郵費外，仲可以自己Print多一兩張或直接save係手機，唔駛怕唔見左張飛，Why Not...
三月尾又有新機動遊戲同壞蛋掌門人園區，等緊你的遊玩報告比各位師兄知啊！
咁啱有嘢問, 定兄太好啦{:8_389:} 咁橋要去，咁橋今個月又係太太既生日，下個月係我，點都有折扣，嘻！ 上網買咗express pass 5, 算唔算已有咗哈利波特魔法世界園區{入場確定券} ?? SonSon 發表於 2015-3-19 14:17 static/image/common/back.gif
上網買咗express pass 5, 算唔算已有咗哈利波特魔法世界園區{入場確定券} ??
Yes, 包埋，留意有指定入園時間 亞定好詳細喎， 正呀， 想問有冇影相呀？？ 相當然有，因為臨時起稿，相要回家才上到來，仲未收工！
(Post76 Android 手機版送出) 阿定 發表於 2015-3-19 20:36 static/image/common/back.gif
相當然有，因為臨時起稿，相要回家才上到來，仲未收工！
(Post76 Android 手機版送出) ...
呢期真係好忙喎~~~~ Thanks for sharing ! Just bought express 7 last night. Require to refresh the screen many times and catch the moment when the ticket is available.{:8_380:} 好可惜我 5月尾先去大阪, 玩唔到限定的 BIO {:6_125:}
想請問係咪最好預一日全日玩 環球影城 ?(夜晚個 show 值得睇嗎?)
如果睇埋出返心齋橋果頭大約幾點到?
唔該