「PlayStation羊年新春預覽會」實況 &《Bloodborne》試玩後感
本帖最後由 @肥狗仔@ 於 2015-3-1 10:18 編輯中國人的農曆新年十分周到，皆因過年後總是遇上遊戲旺季，大人買靚衫之餘，小朋友又可以攞利是錢去買遊戲機或者心宜遊戲，達至家和萬事興的最高境界。昨日Sony Computer Entertainment Hong Kong就舉辦了一場名為"PlayStation羊年新春傳媒預覽會"的試玩活動，展出了一系列叫人引頸以待的PS4大作，當中包括唔少未推出的中文化遊戲。
當日場地經過大會的飾心打扮，牆上掛滿了PS4遊戲掛畫。
在C3展出的人中之龍0 中文版與夜總會小姐也到場打氣。
Again, 同場亦有FF零式HD，可惜不見FFXV demo的蹤影。
DQ Heroes現已推出，場上展出版本也是日文版而已，睇黎漢化仲未完成呢。
20周年版PS4。特製版DS4手掣配上PS1主機都毫無違和感。
史上最長遊戲系列回歸，《魔界戰紀5》早前已宣佈推出中文版本。
近幾日的"話題作"《The Order 1886》，如果大會安排完整版遊戲，@肥狗仔@唔介意即場爆機。
與《高達無雙》齊名的動漫改編無雙作品《海賊無雙3》現已接受預訂。
儘管整個樓層擺放著琳瑯滿目的遊戲大作，但當中卻唔難搵到萬綠叢中的一點紅。全場最為觸目的要數到分別於未來兩個月推出的PS4獨佔遊戲 — 《Bloodborne》還有多平台賽車遊戲 — 《Project Cars》喇。見活動一開波冇咩人，@肥狗仔@嗱嗱臨走去體驗一翻。
《Project Cars》
賽車遊戲永遠係全場最搶眼的展台，有邊位男士唔鍾意揸跑車在社區中飛馳呢? @肥狗仔@理所當然地快人一步搶先霸佔了《Project Cars》的”司機位”。事先聲明，賽車game本人有玩開但未去到好精的地步，要講的說話自然唔多。可是這款《Project Cars》的確幾失望，因為第一眼的感覺，畫面上佢比唔上《DriveClub》甚至XONE的《Forza》系列(車身/車內視點)。不過睇得出開發小組在調色上落咗唔少功夫，畫面的每一寸色彩都貼近真實。尤其是晚間賽道，車頭燈有效範圍﹑車手的可視距離，還有場上的黑位都還原得非常到位。讓@肥狗仔@第一次感覺到晚間飛車的危險性。今次的體驗令我對該遊戲喺GT/Forza的爭雄下，會對市場帶來點樣的衝擊非常有興趣。
《Bloodborne》
由《Demon Souls》及《Dark Souls》原班人馬傾力打造，本作不再以"Souls"命名，卻繼續以高難度作青睞。事前片都睇唔少，但@肥狗仔@仍然好期待原創新作及高難度兩者會產生點樣的化學反應。是次demo內容與E3 2014的差不多，一開始玩家要從四種主要武器中選擇其一進行遊戲。除了"雙刀"之外，其餘"鐮刀"﹑"斧頭"及"大鎚子"都唔會改變角色造型，但用起上黎就真係天壤之別 (後話)。
遊戲開始時，玩家可以自行切換左右手的武器。右手為一般武器，demo只有起始武器及沙煲咁大個拳頭可供選擇，其中R1鍵控制普通攻擊﹑ R2鍵則負責重擊。左手手持副武器，可揀選短炮或火把。L2鍵為使用副武器，而L1鍵則可釋出主要武器 (玩家一開始在標題揀的主要武器)。
一款新遊戲，玩家最關心的，首當其衝係畫面。1080p 30fps已經成為PS4遊戲的標準 (第8代機只有佢做得到 so9sad)，本作亦不例外，只係某啲霧氣較多的地方會偶然出現明顯拖慢，但總體比Dark Souls的要好得多了 (@肥狗仔@冇玩過2)。而一系列哥德式建築亦為遊戲帶來非常獨特的感覺。不同於《The Order 1886》的steampunk風格，《Bloodborne》更貼近19世紀維多利亞色彩的黑暗街道，而玩家就係叫人聞風喪膽的開膛手傑克，配上一身神秘的獵人造型，你永遠唔知邊個先係真正的邪惡根源。
雖然係全新作，但基於本作的各個設定，粉絲們照樣將《Bloodborne》和Souls系列拉上關係。根據製作人的講法，本作的難度仍然屬於"不會妥協"的級別，demo的難度並不作準。@肥狗仔@當時都玩咗超過二十分鐘。死上接近六七次，由小卒﹑ 喪屍狗﹑雀仔到中頭目一路殺上去，亦未能成功過關。"因死成癮"的情懷依樣存在，感覺上唔係難度有變，而係節奏快咗，特別係全新的HP回收系統，敵人對你所造成的傷害就好似放貴利咁，只要在一定時間內反擊就可以完全收返返黎，換言之愈怕死的玩家愈快死。角色的回避功能在冇護盾的情況下更加強了每次戰鬥的張力及戰鬥範圍，沒有大盾牌，沒有重重的盔甲。本作可謂Souls系列的精神續作，但不論係視覺上還是玩起上黎比Souls甚至市面上一般核心動作game還要帶感。
在數十分鐘的地獄之旅入面，@肥狗仔@試暈哂遊戲起始提供的四款武器。"鐮刀"與"斧頭"感覺分別不會太大，都有單手武器的速攻及雙手武器的慢攻 + 大範圍。"雙刀"係最好用的一把武器，其攻擊力不及前者，但速度上有壓倒性的優勢，其中最大魅力係使用雙刀必殺後主角會馬上往後移，與敵人保持一段距離，有利遊擊同時，又可確保安全。"大鎚子"係"斧頭"及"雙刀"之間的一個平衡點。普通武器為小劍，主武器為鎚子，但卻是所有武器中最弱的組合。此因鎚子對普通小兵也不能一鎚一件，使用後步行速度更會顯著下降。唯一可取係其對付手持盾牌的敵人時可以起破盾作用。
今次的"PlayStation羊年新春傳媒預覽會"展出遊戲雖多，但試玩過後感覺《Bloodborne》的質量明顯跑出。誇張啲講，@肥狗仔@甚至認為本作係自PS4發售以來最值得為此出機的Killer software。若果你有PS4，本作會令你走出1886的陰影，冇PS4的朋友，《Bloodborne》或者會係打通你同PS4之間的一道橋樑。 詳細嘅報導！正 本帖最後由 大佬John 於 2015-2-28 18:54 編輯
唔好講咁多. 回覆左先睇下bloodborne如何
之後先睇女
20分鐘可以對隻game既基本machanic如此了解.
換著係我去, 玩完20分鐘, 再叫我寫返玩過D咩, 我會只係拾下拾下, o徒9氣 本帖最後由 @肥狗仔@ 於 2015-3-1 02:00 編輯
大佬John 發表於 2015-2-28 18:44 static/image/common/back.gif
唔好講咁多. 回覆左先睇下bloodborne如何
之後先睇女
大佬過獎了，其實哩隻game好簡單，兩三隻雜兵加一個錯誤的決定，咁又一條好漢喇。計落要玩哂所有武器角色唔會花太多時間，自然可以玩得透小小。我同相入面兩位內地記者都算玩得耐喇，平時5分鐘趕你走。
好彩佢唔係咩動漫節發佈會，否則《Bloodborne》多數得model有得玩，幾十支閃光燈不停閃。 本帖最後由 @肥狗仔@ 於 2015-2-28 23:11 編輯
少少補充:
1. 唔知係咪個demo放水，玩到某個位(checkpoint?)戰死後，重新入game之後每殺一個敵人都會有補血藥水執。
2. 火槍唔代表散彈，發射時明顯出現一條細小的彈道，玩家要控制好方向否則擊中目標比起朝早屙尿仲要難。遊戲會有持槍敵人，但佢打你一下屬致命，你開火打返佢一下似搲痕，最多用黎搏敵人硬直而已，著草之選。
3. demo可以執到類似汽油彈之類的消耗品，威力勁到冇朋友，可一發燒死所有煩人狗隻。 前作見太多人不斷舉住盾打圈走, 頭都暈, 只守唔攻。今次佢地要轉打法, 大佬John 發表於 2015-2-28 23:52 static/image/common/back.gif
前作見太多人不斷舉住盾打圈走, 頭都暈, 只守唔攻。今次佢地要轉打法,
可能變本加厲: "盾啊，我冇盾啊..." 個個變哂搞笑youtuber。 本作會令你走出1886的陰影,哈哈{:1_352:}
我對呢隻野都幾有信心,上UTUBE 睇片都似幾好玩
其實之前我玩XBOX 360 都有玩隻INFERNO DANTE 中文叫旦丁地獄好似依家呢隻玩法, 好多人話垃圾因為抄戰神,但我覺得好好玩
不過無出續集了.......... ^見好多回覆都用DMC同坦丁來比較, 話BB慢,同冇連招. 玩落就知係唔同既野來, 諗住出連招會死得好快 momolee 發表於 2015-3-1 09:57 static/image/common/back.gif
本作會令你走出1886的陰影,哈哈
我對呢隻野都幾有信心,上UTUBE 睇片都似幾好玩
Bloodborne我會用ARPG版魂斗羅去形容，抱住Dante's Inferno的心態去打等同一黎就玩最高難度...動作仲要係冇咁多元。
其實抄野唔係問題，最緊要抄完變得返做自己嘅野啫。Bayonetta何嘗唔係吸收咗DMC/戰神的元素，起碼感觀上係全新遊戲。
印象中Dante's Inferno的野心唔算十分大，只係將戰神的手感用其他主題去包裝。好唔好玩另計，但珠玉在前，好難唔令人比較兩款遊戲。
頁:
[1]
2