新車兩年入廠五次 寶馬嚇怕車主
http://hk.next.nextmedia.com/article/1271/17317866新牌仔李小姐（化名）一二年三月以三十八萬購買寶馬新車 118iA，「朋友話寶馬零件較好，所以買嚟代步，又可以送小朋友返學」，惟僅駕駛一個月，該車防盜系統突然誤鳴，嚇得李小姐立即把車送到原廠維修，經大半個月的檢驗，寶馬終完成維修，李同意取車。
但兩個多月後，該車又再發出另一種警報，李小姐致電寶馬的服務熱線求助，「職員話個燈係指無水，加水就 OK，加咗真係無着個燈，所以之後有呢個燈都做呢個動作。」然而此後，冷卻系統警報不但未有減少，反而愈來愈頻密，最初李小姐每月只須加水一次，到後來每個星期已要加一次。李詢問朋友，才驚覺做法不尋常，遂兩度送車入廠，惟寶馬兩次均表示並無問題。
至今年三月，李小姐於高速公路駕駛期間又響警報，並指示她立即停車，事後飽受壓力，不敢再駕駛該車接送家中小孩，兩年內第四度送車入廠，今次寶馬聲稱已換走出事零件，又着她取車回去。但取車僅一個月，又輪到引擎發出警報，令李小姐信心盡失，大感困擾，「作為買新車嘅消費者，我唔應該承擔咁多，佢哋講到個問題好輕，令我超級無信心，我再買車都一定唔會選擇寶馬。」
跟進 三種警報輪流響
李小姐兩年前以三十八萬購買寶馬新車，怎料兩年間出入車廠五次，該車又不時響警報，猶如計時炸彈。（曾春南攝）
記者查閱李小姐過往兩年的維修單，該車共入廠檢驗五次，維修項目包括防盜、冷卻系統及引擎。其中冷卻系統問題最離譜，李小姐初發現時即致電服務熱線，但職員居然叫她自行加水，入廠兩次檢查更找不到原因，結果第三次才發現冷卻系統水喉有滲漏，前後花了兩個月更換零件。最新一次又輪到引擎發出警報，並須同時維修水泵和冷氣系統。
記者上週陪同李小姐到寶馬於沙田的維修中心了解，李小姐質疑該車明顯出廠時已有問題，故今次決不會簽收汽車，並要求寶馬回收該車。但職員強調該車已完成維修，又自願延長保養期至下年三月。李小姐追問是否她駕駛習慣引致問題，職員坦言「當然唔係你整爛啦」，卻未能解釋壞車原因，亦拒絕回收汽車，事件一直膠着。
專家話 疑品質控制出事
寶馬職員雖向李小姐力證該車已無問題，惟李已對該車再無信心，要求寶馬回收該車，但廠方並不接納。
香港汽車工業學會會長李耀培直指，落地僅一至兩年的新車，引擎和冷卻系統一般都不會發生故障，明言新車「咁快有咁多症狀唔尋常」，可能是品質監控不足所致，與日常使用無關，因「車主都唔識去整着呢啲燈號」，他又批評寶馬職員叫事主加水做法並不恰當，如遇類似問題應立即找技師檢查。「正常車運作都唔需要加水，肯定有地方不穩定先要加水。」
他又提醒車主若遇到李小姐的情況，應保存每次入廠維修的記錄，保養期內亦不應到其他車房維修，以證明「架車唔係車主整爛」。他又指，過往出現類似爭拗，的確有部分生產商會以折扣價回收問題汽車，但折扣多少及是否回收並無客觀標準，坦言要求廠方收車或換車是非常困難。
回應 或商討折扣價回收
寶馬發言人堅稱叫事主自行加水並無不妥，又表示正跟進事件，惟專家質疑新車無理由要頻密加水。
寶馬發言人承認，該車於兩年內曾作五次檢驗，而其中三次都涉及維修服務，但堅稱三次維修所處理的均屬小問題，廠方已即時跟進。對於不停發出警報的問題，發言人指警報為其產品設計，用意是令客人更安心了解車輛狀況，並不反映其品質有問題所致，又強調叫車主自行入水屬正常做法，「叫佢入水都係一個好正常嘅答覆，因為個引擎話佢個 cooler不足」，她強調該車款並無普遍問題，因此不予回收，但事主欲以折扣價回收，或可再商討。（李詠珊）
壹判官
新車兩年來整極都壞，顧客點會有信心?寶馬應該以折扣價回收問題汽車，展示大廠器度！劣劣劣劣
（五個劣為最嚴重）
壹路監察
名牌車刀甘攪法 買車都要睇彩數, 好似馬仔出名無咩大問題(但小問題不嬲都好多)但我老友用咗9年都唔大問題, MINI同AUDI好多人都話好多問題, 但小弟算好彩都無咩大件事.....{:8_395:}
不過個人嚟講都唔建議去原廠整, 搵相熟車房睇好好多~~!! {:9_423:} ykluk 發表於 2014-7-17 14:22 static/image/common/back.gif
買車都要睇彩數, 好似馬仔出名無咩大問題(但小問題不嬲都好多)但我老友用咗9年都唔大問題, MINI同AUDI好多 ...
馬仔幅N剪好似流油出名{:6_136:}
紅豆老豆有無相熟車房{:6_131:} 做下日常保養 買二手車要睇彩數, 但買名牌新車都搞成咁{:6_136:}
頁:
[1]