今鋪真係正之 VentureCraft SounDroid Typhoon R627 !!!
之前大王無啦啦急call小弟出黎,又神神秘秘,咁都唔知咩事. 然後大王一見到我就塞左舊野比我話有好野益我，望真啲竟然係venturecaft最新既限量一體式amp+dac： sound droid typhoon R627!今鋪真係正!{:8_386:}對於有留意開便携發燒音響既朋友, “炸彈"依個字一定唔會陌生. 為左靚聲,將四五部機札埋一樣大有人在. 而Venturecraft 以多人用蘋果產品為中心推出一體式dac+amp ,等對音質有要求既玩家唔洗再買多部訊源都可以有札到炸彈,貫徹發燒精神！
Venturecraft已經為idevice推出過唔同類型既產品，有只有解碼功能既go dap, 有專為iphone4而設既unit4.0,甚至出過idevice 用既膽機go dap tt. 今次既R627係建基於普通版typhoon再換上OPA627AU同TCXO時鐘等發燒零件希望渣乾iphone既潛力呀
廢話少講，講翻今次既主角R627先，首先要講一句，好靚仔呀！！！一拎上手，紅卜卜咁，真係忍唔住問一句隻角去左邊XDDD 搞到小弟即刻幫佢影翻幾張沙龍先呀,依部627好完美咁演繹左"唔打得都睇得"，淨係個樣都要加分比佢。另外除左顏色之外外殼既造工亦非常唔錯。不過做得咁靚都有個問題，就係搞到小弟用起黎成日驚整花佢。如果花左一定好心痛。。。
雖然R627個樣真係幾得，不過入得黎既朋友都係想發燒友，最緊要梗係想知把聲點啦。所以小弟都即刻進入測試階段。今次小弟揀左三對iem，分別係Audio Technica im50，Phonak Audeo PFE 012同AKG K3003。耳筒方面亦用左比較易推既便攜耳筒王之一既Ultrasone ed8r。由入門級去到旗艦都有，一於玩盡依部靚仔耳擴！至於訊源當然是iphone咯。
一開聲typhoon比我既感覺係好乾淨，可能係歸功粒靚時鐘呱。經過r627既每一粒音都清清楚楚絕對冇拖泥帶水。另外R627既背景亦都要一讚，以便攜黎講做到咁既效果，真係唔錯。雖然背景未有黑房咁黑，不過都有少少唔知自己去左邊既感覺呀XPPPP 用GLAY既Diamond Skin黎測試, 一開始既結他掃弦一粒粒音射過黎，wow，成個人醒哂！ 有一樣值得留意既係，雖然R627出黎都算粒粒音都清晰，不過佢既速度又唔算快喎，在R627之下既ed8聽Skrillex- Dirty Vibe的話，可以感受到果種清晰卻又可能會想佢再快啲。如果中意聽快歌既朋友對R627有興趣又有機會試的話，不彷拎堆快歌試下佢，如果你聽落唔會覺得條氣"扯住扯住"既就no problem啦～～
跟住就到人聲啦。用Kalafina既星の遥, storia測試。R627本身既聲都幾埋身，橫向音場幾唔錯。。。咦。。。唔係講人聲架咩{:8_365:}係呀，對小弟黎講R627既人聲既表達有少少特別，所以要講少少其他野先。人聲既距離一向係其中一個女毒既指標，不過R627既人聲又唔算前喎，可能令大家失望啦，哈哈。不過雖然R627既人聲對比背景唔算前，但主導性都算幾強，小弟既注意力都成日去左人聲，而且人聲算有棵粒感。聽完星の遥就好似同kalafina一齊去左古代既戰場一樣，同豪氣萬千既武將一齊戰鬥呀 。主力聽古典既朋友，如果好室樂之類既小品，可能R627都比到新既印象你呢～
唔知係咪用得多發燒零件既關係，部機用落會越黎越熱，不過又唔會去到可以煎雞蛋既程度既～呵呵～另除左ipod iphone之外，R627仲有得接電腦玩cas，連DSD都解到，勁！可惜我都冇架餐試齊R627既光纖輸入輸出，唯有睇下會唔會師兄入左又出報告啦～{:8_403:} 好似仲有隻全黑限量{:1_344:} scene030112 發表於 2014-6-25 17:27 static/image/common/back.gif
好似仲有隻全黑限量
ching, this one?
http://www.e-earphone.jp/shopdetail/000000041596?top
我朋友都等緊它先再決定.
(但我個人覺得會炒到好貴...) 搵日試吓
睇吓係咪啱自己口味 20120820 發表於 2014-6-25 19:34 static/image/common/back.gif
ching, this one?
http://www.e-earphone.jp/shopdetail/000000041596?top
我朋友都等緊它先再決定.
yes
講到限量100部又點點點..
應該好快賣晒{:1_330:} 無錯, 我同我朋友都講過100部日本一陣就賣晒,正常係無機會.
叫他唔好等他又唔聽... 20120820 發表於 2014-6-25 20:13 static/image/common/back.gif
無錯, 我同我朋友都講過100部日本一陣就賣晒,正常係無機會.
叫他唔好等他又唔聽... ...
其實我成日都好懷疑，話就話限量⋯ 部紅色夠話限200百部,香港得30部，咪又係仲有貨賣⋯ 利申：上星期五買左紅台風⋯ 本帖最後由 20120820 於 2014-6-25 23:06 編輯
roychong2401 發表於 2014-6-25 22:56 static/image/common/back.gif
其實我成日都好懷疑，話就話限量⋯ 部紅色夠話限200百部,香港得30部，咪又係仲有貨賣⋯ 利申：上星期五買 ...
咁就唔知道, 如果唔係限量, 希望我朋友買到. 我上次想買紅色春日 MUSES 02 又確實買唔到，賣鬼晒。 最後買左黑色MUSES , 我已經有 TT , 無理由再買627, 但又好想玩 1PPM 鐘。。。。 20120820 發表於 2014-6-25 23:04 static/image/common/back.gif
咁就唔知道, 如果唔係限量, 希望我朋友買到.
6 月 28 日 （今日） 日本開始發售 wor...