BDP-120 取貨事件.....
大家好，小弟剛剛開始參加o左食樹皮o既大家庭{:6_181:} ，就“非常好彩”咁遇到o的奸商。小弟星期日o係沙田新城市廣場6/F續間電器舖格下部 BDP-120 個價，睇下邊間比較底買，最後問到“CxK”賣 $23xx 有分期又有HDMI線送，其他店舖最少都要 $25xx 冇分期但同樣有線送，所以打算同“CxK”分期買﹝如果唔分期我連樹皮都冇得食﹞{:6_194:} 。雖然呢間舖頭唔算好出名，但我個心諗住點都唔會差得過旺角o的樓上舖。之前睇過好多師兄o既經歷所以我都有所警惕，每樣o野我都問清楚，個 Sales 都好 nice，我就同佢講我星期一o係銅鑼灣分店攞貨﹝因小弟住港島區﹞。好喇，咁小弟星期一一放工就懷著又開心又興奮o既心情去迎接我o既第一部 Blue-Ray 機{:6_208:} ，去到o既時候o的 Sales 一樣都好 nice，但o係佢一攞o左個盒出o黎我一睇，跟住我心諗唔o係呀o化{:6_121:} 、冇咁“橋”掛.....{:6_200:} 。
我見到個箱底好似開過再用膠紙重新封好.....，跟住個 Sales 就講全新貨十日內有問題都可以攞番比佢o地。跟住我就即刻同佢講我住好遠所以都係 check o左先好o的，咁佢就只好開箱比我睇{:6_161:} ，一開箱我就見到用o黎包住部機o既o個o的白色海綿好似好鬆咁，重露o左小小部機個面板出o黎，再睇真o的個面板竟然有手指模係上面，我就即刻同佢講我話呢部唔係新機，佢話佢從個箱入面攞出o黎o既時候唔小心印上去o既，跟住重一手“渣”番落去個手指模個位到攞部機出o黎，﹝嘩...咁都得{:6_206:} ，今次有麻煩喇...﹞明明我話有指模o既時候部機都重係個箱入面未攞出o黎，我一講佢就即刻“渣”番隻手落去，好、我忍。
跟住我話麻煩佢攞個另一部比我，第二部重明顯，個箱同樣肯定比人開過再封番，機面重有一條好明顯o既膠紙痕跡，我諗都唔諗就同佢講呢部都唔係新機“麻煩佢”再比過另一部我，佢就話冇貨淨係得番呢兩部“新機”，咁我話麻煩佢﹝其實我條氣巳經好唔順{:6_164:} ，好、我又忍，攞番部新機緊要o的﹞再幫我 check 下邊分店有新貨，等我再過去攞。
佢 check o左一陣話有幾間分店都有新貨﹝其實都唔記得佢講邊幾間分店，因為我都巳經好“火興”{:6_124:} ﹞，我就再“麻煩佢”安排送部機送o黎番呢到，我會再o黎攞。佢話o聽日覆我，然後我就走o左。
一般o的奸商都係，第一賣 demo 機，如果個客唔中計就第二，拖得就拖...，第三迫你買貴o的o既o野........家陣越諗越唔知點算好{:6_123:} ，希望佢o地唔好再比o的 demo 機我喇...... 希望你可以買到(新機),不過希望唔好有人中招 你真係唔好彩, 希望早日取機開心番... 係我既話 ... 會直接去另一間最近而又有貨既鋪 ... 即 check 即攞
{:6_136:} 退錢走人弟度買過啦 1# antteam
Ching, 明白你的心倩...Lee度都好多"過來人"...{:6_148:}
PS: 有好多時因HK用13A英頭, 所以好多廠機到HK後, 全部開箱換/加線, 才可出售...
Pioneer 有$300 回, 你知嗎? 我都收左la...打去問la...
另 Pioneer BDP-120 係Lee 個月 Best Buy... Don't worry...enjoy...{:6_157:} 張毛X呢間野唔差架喎,我買鏡頭都係幫襯佢地,係個別有D人既態度麻麻地! 多謝提醒...小心小心{:6_150:} Pioneer packing 係差少少(服務仲差) 係我既話 ... 會直接去另一間最近而又有貨既鋪 ... 即 check 即攞
{:6_136:}
kingleecm 發表於 2009-9-1 01:41 http://www.post76.com/discuss/images/common/back.gif
我都會咁做, 唔係點知佢幾時打比你, 到佢打比你又話冇貨咪大獲!{:6_168:}
不過都希望ching你可以快d攞到新機, 快d有得玩{:6_208:}