[定の影評] Lego Movie is AWESOME (劇透位回覆才能觀看)
本帖最後由 阿定 於 2014-2-7 12:35 編輯基本上成個小學時期我都係玩Lego為主，每到放長假，就會鋪到成地都係Lego，到宜家人大左，都會耐不耐買盒Lego番去玩下，所以當知道會拍成電影時，已經非常期待，直到最近呢兩三個月，各式各樣的Trailer，Behind the Bricks的短片出現，熱情就更加高漲，戲都未上就買左佢地的minifigures(人仔)番去了(上圖為其中少部份主要角色)，所以昨晚第一日上畫就迫不及待去睇了！
自己買左3D英語版，有不少中文字幕其實無跟英語來翻譯，所以有d位，唔係成場人都識笑，睇Trailer會令你好期待，但實際電影可能會同部份人的期待有少少出入，套戲唔係大家想像中得談笑咁簡單，套戲其實有野想講 (其中包括洗你腦睇完去買Lego)，有d訊息帶比你，有嚴肅的一面，講笑料，我個人覺得唔會比"壞蛋掌門人2"少，不過入面好多場境，其實你要有玩開Lego才會識笑(不過我唔認為入得場的人會有可能完全未玩過Lego)，同樣亦有不少對白，你要有睇開電影才識笑(魔介都無睇，BatMan都無睇，抵你唔識笑啦)，當然就咁當卡通片睇，仍是一流的，華麗的場境，搞笑的Stop Motion Lego加後期加工，一流的配音(英語版配音星光熠熠)，淨係大長老(Morgan Freeman)的配音都笑得死你！
電影主線好普通，不過其實笑位就係呢個普通設定上，傳說中的救世者，好打得的女主角，一個智慧老人，再加一個好多野講的配角(第二主角)，再送多一大推經典角色穿穿插插，成個故事非常之 Lord of the Rings，，戲情推進發展唔難估，但尾聲結局位老實講，我完全估佢唔到，但真係好合情合理，好值得大家深思，電影唔係太長，100分鐘，千奇唔好去廁所，戲情去到好快的，快到呢頭講緊點去打大佬，果頭已經打緊大佬！
成套戲無咩特別音效，3D效果一般，但絕對值得一睇，大人細路都一定鐘意，如果對Lego有熱情，我唔推薦你都會睇，如果對Lego無熱情，睇完包你想買兩盒返去玩，呢套戲放唔到賀歲檔真係非常非常可惜！
強烈建議睇晒片尾才走人
以下有少量劇透，不建議未睇戲的人閱讀
**** Hidden Message ***** 我唔玩LEGO都會去睇{:9_407:} {:6_193:}
會睇DVD . cc sin look look sin
但老闆話無興趣...唔陪我入場睇... see see {:8_403:} I watch yesterday
It is awesome
look look sin
頁:
[1]
2