特工第八發 – 超細的神秘5單元耳機
本帖最後由 muffy 於 2014-1-3 09:59 編輯好耐無見啦各位熱愛耳機既師兄們! 唔知大家既聖誕過得開唔開心呢? 小弟都有一段時間無寫開箱文啦! 並非潛左水, 而係最近無咩新目標, 而荷包又流曬血…所以花左一段時間重整裝備, 賣得既我都賣左…而keep得既都係小弟既摯愛…
好啦…話說某日收到消息, 知道唔少品牌都會係Black Friday黎一個大減價 (其實根本就係藉口黎…黑色星期五關減價乜事…根本就係聖誕前既大清貨…)
小弟Target左幾個品牌同型號, 其中一個就係之前好想入既Heir Audio 5.0…
有一次偶遇朋友既情況下 (其時係突登約哈哈!!!) 試左對5.0, 當初我未有好少少既前端, 加上只係用原裝線, 但我都覺得幾好聽, 果陣只係覺得groove好強, 好暖, 好耐聽, 所以今次趁住大減價希望可以入番對真正屬於自己既5.0…
見到佢開波賣, 全線產品有8折, 其實已經覺得幾吸引, $3xxx可以買到對5單元動鐵耳機其實都真係唔算話好貴…話曬我之前對6單而家香港都賣緊過萬…
當我徹夜難眠而掙扎入唔入既途中, 第日訓醒居然發現佢變左7折!!! OMG!!!
二話不說, 馬上落order, 咁樣..個多星期後我就終於收到呢樣新玩具啦!!!
好啦…次次都係要講一大段廢話先入正題, 今次又係講外觀先!
一開盒有個黑色既紙皮包住個盒, 個logo幾靚
二話不說馬上打開! 即刻見到密麻麻既配件同埋耳機本體!
哇!!! 真係好細!!! 講真你叫我估我肯定估一單/二單, 好難想像佢地係呢對咁細既野入面放左5個單元…
配件非常慷概! 除左有個盒之外有超大量耳膠, 膠圈X2, 清潔棒, 夾等等…
由於我無乜耐性, 同埋已經等左個多星期, 所以非常饑渴!!! 即刻做我既幾樣指定動作
1. 換耳機線 (測試會用Siltech Duchness Crown)
2. 換Ortofon耳膠
3. 插住部Player煲番幾小時
以下聽感係經過大概100個小時runin後既評語, 希望大家用作參考, 聽感純粹個人感覺, 不喜勿插…
先講配戴感先! 由於佢真係好細, 換左耳膠後我會用fit爆黎形容!
小弟耳洞比較大, 所以成個單體可以放曬入去! 戴得超舒服, 個人覺得可以同westone比美, 訓係度聽都一樣無問題!
今次測試主要用左一部最近小弟入手既MA9+平衡卡!
呢部機討論既人唔少, 但基於昂貴既價錢 ($6XXX+$1XXX)而且又係大陸機, 所以用家真係唔多, 而我小弟呢部既Serial Number都重係1XX…
由於有幾位師兄都話MA9要runin 好耐先發揮到真正實力, 小弟非常慚愧, 只係得100小時到就寫文, 希望大家原諒!
一開聲…哇!!!!!!!!!!!!!!!!!! (完)
講笑je! 哇既原因係好似同我之前聽果次唔同左聲, 當然係好左啦!
先講低頻, 有量有小質, 我覺得恰到好處, 不適合bass head, 但佢個bass幾平均, 又可以話無乜特色, 但聽得好舒服, 唔會轟耳
中頻算係佢既強項 (定siltech既功力, 我都分唔到…), 聽唔少男聲歌都好好, 我主要用左eason既歌黎試, 唔識形容但非常耐聽, 聽得好鬼舒服, 係小弟其中一隻可以好容易就聽到訓著既耳機
高頻就係我哇既地方啦, 明明記得之前聽過, 高頻+人聲絕非佢既強項, 而且有小小難聽…但而家聽番覺得好好! (我絕對相信有重新調過音黎) 佢有種好強既包圍感, 暖底, 同埋好立體…總之係我喜歡既聽感黎!
分析力我覺得好高, 定位都好好, 唯一係音場未算係好闊, 可能我聽得多SEM-6遼闊既音場, 但我都收貨有突, 好彩無買錯!!!
如果要我用幾個詞語黎形容5.0, 我會用: 細, 舒服, 耐聽
以上係小小個人既聽感, 不喜勿插…呢對野以USD599再7折既價錢我絕對收曬貨! 小弟認為大家可以一試, 比起市面上好多4單元既旗艦耳機我覺得表現更加全面, 唯一係如果你偏愛冷聲底, 咁5.0就真係未必適合你!
最後, 聽朋友講Heir Audio係香港有代理啦, 大家可以自行search 下, 遽聞有幾對IEM都有得試聽, 大家不妨自己去試下, 始終聽感既野好個人!
預告下先, 由於最近出售左好多玩具, 所以手頭鬆動左, 另外既玩具應該好快會收到…請大家密切留意啦…
03/01/2014 更新一下
話說又換左setup同線, 有圖有真相
呢條係labkable出既silver galaxy, 隻顏色幾特別
對比原裝線而言, 而加個bass實左好多, 唔散, 比起之前好多好多
至於高頻係銀線既幫助下細緻左唔少, 人聲又近左, 而音尾延長左, 整體upgrade左唔少
由於小弟對於siltech有獨特偏愛所以唔作進一步既比較啦
話說聽左朋友對5.0+, 係佢既wagnus cable幫助下, 整體又更上一層樓
大家快D試下啦~
本帖最後由 muffy 於 2013-12-28 13:03 編輯
To be continued... 支持開箱分享 而家 D 新耳機越來越「進取」，1000USD真係話過就過，呢對 USD599再7折 有咁既表現真係有 so 喎！
stevenyu2000 發表於 2013-12-27 10:33 static/image/common/back.gif
支持開箱分享
多謝支持!
你快D去試啦, D聲我覺得幾arm你 Andykong 發表於 2013-12-27 10:37 static/image/common/back.gif
而家 D 新耳機越來越「進取」，1000USD真係話過就過，呢對 USD599再7折 有咁既表現真係有 so 喎！
...
係呀4000樓下買得到, 我都覺得自己好好彩! 恭喜 muffy 大大入手新玩具! 支持! {:6_195:} 恭喜ching
Heir5.0 用家check in
這對加amp推爽
Envious of your siltech cable >.< 多謝米神 分享。期待試聽好野! 恭喜師兄以好價買得好貨 ... 一定好開心過新年了