經一事長一智， Case Study......
本帖最後由 stevenyu2000 於 2013-8-9 20:24 編輯二手買賣請小心，分享下自己之經歷，請自行理解及體會！
前言: 聽左朋友部960mod後的確令人中毒，而佢又怕我唔死，借左比我返去聽，一借就成個月。。。。。。都仲未還，攪到我心思思想入返部960去mod做後備。 反正要mod就唔打算買新，所以收部二手算數。
過程: 有日收到有位師兄pm放機，有盒有單有保齊件，見啱就約左交收。 交收中果位師兄都好nice, 最後約左係果位師兄果邊之MTR站內交收。 當時check配件，都齊晒，無左個原裝牛，有另一隻火牛，賣家話原裝兩腳唔安全，所以掉左，換左隻三腳火牛。 OK 呀，我都想咁做！ 再試部960, 有聲出，仲幾好聽添！點知。。。。。。
Event Log :
八月一日晚交收
八月二日早上發現火牛有問題
八月二日中午message左賣家火牛issue.
八月二日深夜發現optical out有問題。
八月三日早上message賣家。
問題一: 返到屋企同隻原裝牛對比下，先發現原裝牛係2a output, 賣家跟比我果隻係0.3a output ! 雖然都叉到電但會耐好多咁解。 而佢原裝牛又無左。。。。。。
http://i39.photobucket.com/albums/e192/stevenyu2000/960/2013-08-09-18-53-46_zpsedcadabf.jpg
http://i39.photobucket.com/albums/e192/stevenyu2000/960/2013-08-09-18-53-58_zpsf740d01d.jpg
睇法: 你無實物對比，其實無可能知咩spec, 可能要到叉電先知咩事！
問題二: 死左optical out ! 夜睌返去諗住用部960 optical out出去部家用dac聽下啦。點知。。。無聲。 即時用朋友部960mod試就正常有聲。。。。。。仲唔係死optical out.
睇法: 我認為賣家未必有心賣部壞optical之機比人，始終optical未必有人會用得着，只係我有哩樣用途而咁唔好彩又死左。。。。。。
感受: 火牛事件都算數啦，都可以自行配返，但到死optical, 我好難受，問題接二連三，最慘係哩兩樣唔係我即時係MTR站內可發現，好自然想要求退貨！
付上對話内容！
http://i39.photobucket.com/albums/e192/stevenyu2000/960/2013-08-09-18-47-03_zpseeb4d6fb.jpg
http://i39.photobucket.com/albums/e192/stevenyu2000/960/2013-08-09-18-47-44_zpsdbeb81e5.jpg
http://i39.photobucket.com/albums/e192/stevenyu2000/960/2013-08-09-18-48-07_zps0578cc59.jpg
此對話後我無再message賣家，只係自己經一事長一智！
心得:
第一，唔使吹水，唔使同賣家有交流。 以我case為例，佢可能無借口屈我話換佢野！我唔識做任何DIY, 只係揾人做，而部960mod我仲未還。
第二， 唔怕做驗屍官，有D少用之功能，請自求多褔。 又或者預備定點試機。 例如 ak100 個 optical in / out function , 有幾多人試過！
後記: 本身無coxial線試唔到同軸，後來去買條coxial cable去試下，好在無壞，正常！亦好在仲有保養，等遲下得閒拎去整啦。 其實佢咁講又真係冇錯,唔計佢有心昆你話
不過opt/coax out的功能又不便在街試
實在係不幸 其實都小事
有保養唔怕
可能佢真係唔知壞左? 買二手野一定要事前做足功課同檢查清楚,錦就唔會比人揾老襯
小弟亦試過比人水過,收部二手ipod video壞line out,結果也損失金錢去維修
只怪交收當時冇詳細檢查.... 多謝你既分享
其實我買賣二手野都遇到過唔少問題, 好彩你部野有保, 如果唔係超級頭痕!
如果有保有問題我都覺得重好彩, 但放飛機果D最討厭, 講真你唔要/唔買可以隨時講聲
試過有次個師兄send whatsapp話電話無電之後就block左我... 此終都是二手貨,其實都只能說不幸吧。 Yup , be smart next time 我上次賣部wii 比人，個買家話隻牛用十分鐘就自動死機，我真係無用好耐，自己試機果時又無煲咁耐，完全無心想扼佢。咁個買家都係實事實辦，佢話自己配番隻最平既牛，四十幾蚊。咁佢send番張單比我，我影番張入數紙比佢，咁就攪店左件事，我就可以心安理得。 的確係唔好彩！我亦認為賣家無心，所以從無公開過果位師兄ID / 資料。 只係其事後態度有點兒那過，惡意指責，只要好言相説，陳説其亦不知情，反正有保咪好好地lol. 唔通我又屈佢話有心賣壞野咩，幾個月係佢手，有咩証明佢無乜点用過？係咪！
我分享下都唔係想插佢，只係分享下有部功能唔易測試，買二手要好小心。 亦非人人交收後肯負責任，可以反被插。
仲有物品有部份功能你未必用得着但一定要試！唔一定指二手，包括全新品。 以我case為例，賣家可能買貨時已壞，但佢無試optical out.
又例如你買dac, 有單端及平衡出，你只有單端，好自然試single out only, 請死都要店接好名樣輸入輸出試好晒名樣功能，唔係日後要用或者要賣就煩！
Thats what I learn this time. 我撐你呀Steven, 真係經一事, 蔡一智
頁:
[1]
2