論壇 › HiFi音響 › on99買旦記

awckin 發表於 2013-5-6 00:54

on99買旦記

本帖最後由 awckin 於 2013-5-6 00:54 編輯

舊年一口氣買咗十幾支旦旦。雖然都係平均2舊水一支到，但係一炮過俾唔係好舍得一次過換晒佢。而且諗住好多野都未攪好，唔想浪廢咗d旦旦。所以收到d旦旦之後，插咗落部機試咗一兩首歌冇問題就收埋咗。{:6_149:}

上個月見買咗d新線效果好好，諗住豪一次換晒d旦。身水身汗，張d機搬出搬入換晒d旦之後，諗住坐定定聲吓有咩驚喜，點知發現有d沙沙聲。好在之前都試過因為咁要攞部前級去整，老闆教我只要清潔吓個volume同source制就攪掂。跟住又攪一輪，又再坐低聽，效果真係唔錯。人聲暖厚咗，樂器都好似分開咗d，細節都清楚咗小小。不過好似有d濛濛地，諗住煲佢一牌睇吓有冇改善。

點知再聽咗個零鍾就有d拍拍聲係一邊喇叭。初初以為d線插得唔好，就由頭到尾check一次。chec大完再試，初初聽都係冇事。點知再聽多個零鐘又有拍拍聲。{:8_385:} 咁唯有打電話問吓老闆知唔知咩事，要攞前級定後級去整。老闆聽完話應該係d新旦有事，叫我換返晒d舊旦再試睇吓仲有冇拍拍聲。如果冇就逐對新旦換睇吓邊隻出事。

我問點解會係旦問題呢，我隻隻都試過同埋要播個零鍾先有事。老闆話d旦係要run一輪先知有冇事，同埋一試到拍拍聲就唔好再用唔係會燒機。聽完先知自己on99，唔問清楚以為d旦插咗有聲出就冇事。好彩部機冇事，同埋最尾試到係得一隻旦有事。

咁有旦壞咗就梗係再買過對啦。{:9_407:} 今次只係需要買一對細旦俾前級，諗住試d千零蚊對嘅睇吓自己分唔分得出有咩轉變。請教過76旦皇呀ADA兄之後就決定買對STC 6SN7 Valve Tube。

4月頭買一路等到上個禮拜都未收到，走去trace 件貨原來4月中就已經送來但話冇人收。我係royal mail個網搵極都搵唔到佢地香港個辦公室，唔知件貨去咗邊，又冇email address聯絡佢地。咁我咪即刻搵個買家幫手check law.點知同佢來回幾次，佢剩係識話叫我聯絡local distributor，佢個邊冇野做到。我最尾㷫㷫地覆佢話你最小都問吓royal mail, 佢地香港有冇聯絡電話俾我問吓件野去咗邊同可以點攞返呀。佢先講件野應該係hk post office叫我用個寄件編號check吓。{:9_406:}

原來件野真係係郵局，又係我on99以為royal mail係速遞公司。件野其實係寄普通空郵來，郵差唔知點解派唔到信又唔留低張卡叫我去郵局攞，等我怪錯個賣家唔幫手。{:8_386:}

最後星期六終於攞到對旦啦，一插落去部前級到終於體會到咩叫人聲浮晒出來，好有音樂感，又有返d bass. 再次多謝ADA兄嘅好介紹{:6_193:}

awckin 發表於 2013-5-6 00:59

唔識用文字表達D聽感，希望打多幾隻字分享自已D on9 經歷，會幫到其他同我一樣係新手嘅CHING{:8_387:}

corolladv 發表於 2013-5-6 01:12

恭喜曬啦，可以慢慢嘆。

awckin 發表於 2013-5-6 01:18

corolladv 發表於 2013-5-6 01:12 static/image/common/back.gif
恭喜曬啦，可以慢慢嘆。

多謝CHING，呢對旦真係聽得好舒服，好鬼好嘆{:8_403:}

beerboy 發表於 2013-5-6 01:21

awckin 發表於 2013-5-6 00:59 static/image/common/back.gif
唔識用文字表達D聽感，希望打多幾隻字分享自已D on9 經歷，會幫到其他同我一樣係新手嘅CHING ...

唔好水蛇咁長啦.....下下論文咩.....{:8_403:}

ADA 發表於 2013-5-6 09:18

英國的老膽點解咁貴 {:1_342:}
師兄現在應該知道了. {:1_253:}
講真千多蚊有呢把聲其實已經超晒值. {:1_351:}

這支應該係NOS, 師兄煲耐D, 煲到支膽開聲, 到時重過引呀. {:1_253:}

marantz 發表於 2013-5-6 09:55

有無試過6sn7 5支鋼骨.

喜喜天使 發表於 2013-5-6 12:42

一次買十幾支蛋{:6_193:},聽唔哂等升值刀得

leo25 發表於 2013-5-6 13:12

打左咁多隻字, 一定要加分 {:6_174:}

zoneaudio 發表於 2013-5-6 14:12

插落去咁9好聲咩野都底番啦

查看完整版本: on99買旦記