新舊電影大雜匯小評 (含內容)
呢排都睇左一堆既電影，新舊港西乜都有d，唔逐一開個post黎介紹，一次過同大家分享下：GI JOE 2
睇GI Joe 2係因為覺得第一集都唔錯 (雖然有人會覺得首集都唔掂啦，不個睇戲既野好個人，咸魚青菜各有喜好嘛) ，雖然睇前已經知道唔係係上集原班人馬full team黎拍~~~ok我接受，雖然知道女主角無上集咁吸引~~~~ok我接受，雖然知道謠傳套戲要做3D延期比佢昆多幾兜野~~~~ok我接受，但最接受唔到GI Joe竟然無高科技武器，喂~~咁我不如睇雷霆救兵啦，咁同睇普通"蘇o者"片有乜分別姐，成齣戲人丁單薄，套戲玩old school都唔使咁過份嘛，李生個角色玩由奸變忠又兒戲到爆，唯一可取叫做同上集有關連，我個人覺得唔睇無損失。
百星酒店
賀歲片胡鬧就預左，志在乜鬼都笑一餐，不過硬食左鳴哥幾年既賀歲片，真係選角同新鮮感全無，加上又係咩千島湖黎做背景，聽到都覺得悶，呢d我唔覺得算合拍片，但當中夾雜d不知明\名既內地演員，一貫佢既風格，個人覺得唔睇都係無乜損失。
2013我愛香港恭喜發財
到志偉既賀歲片，睇Trailer或者睇開佢既片都知好似同TVB掛鉤一樣，裡面既演員8成都係無線d人，好聽d就有親切感，講得唔好聽就同睇劇集無分別，故事老老土土打溫情都無乜所謂，但選角搵卿姐真係敗筆，演技無唔緊要，但最弊連個樣都乾到嚇死人果隻，做老版子珊真係投入唔到，仲要拍落Alan度，真係Alan個造型點醜化都彌補唔到個差距，唉~~都係算把啦！仲有Bosco個造型，無疑係幾似Alan，但睇佢縮住條死人頸黎演譯，佢做得辛唔辛苦我唔知，但我就睇得好唔C服勒。
月黑高飛
呢套戲既bluray都買左段時間，而之前戲院上時亦都無緣睇過，果日心血來潮開黎睇真係不得了，齣戲初段略為平淡，但原來留既伏線o係結尾至係導演既神來之筆，真係精彩到無朋友，千其唔好因為套戲既色調感覺好舊而錯失一套好戲，絕對絕對值得收藏。
U-571
又一套大部份版友應該已經睇過，甚至乎擁有不同版本既影碟電影，好無奈我都係近期至有幸排到期o係屋企"上畫"，故事就唔多講勒，估唔到o係一個大部份時間處於咁挾小既潛艇內部拍既電影，加上音效同鏡頭既搖晃黎拍攝，竟然能夠拍出咁緊張兼扣人心弘既情節，因為我屋企個woofer比較雞，雖然未能感受到掃腳既感覺，但如果過左11點先播既話，相信比人撳門鐘既機會都幾大~~~XDDDD。之前聽呢套戲既碟評都係話裸黎試聲無得頂，但我覺得千其唔好忽略套戲既內容，緊張程度唔會比其他大片遜色。
總結：真係無論中西既電影，始終都逃唔出新不如舊既衝擊，希望電影人爭氣加油，唔好一味靠續集黎保住票房賣錢，拍多d特別題財既電影，等我地呢班戲迷唔使齋~~~~~懷緬過去，常陶醉............................ 都幾認同gi joe，d成本去晒名星度？得幾條友做成個高科技組織，如果唔叫gi joe睇就勉勉強強，節奏可以，唔算悶，但劇情十分牽強。
反而百星酒店有些驚喜，谷德昭拍出來的屎尿屁可以笑下，或許是零期望+抱住負分的心情入內觀看所以有驚喜吧，註：是免費票 呢五套我都睇過，感受同CHING差不多
月黑高飛的確係好片(雖然睇時要有點耐性)，我就係呢套片開始欣賞morgan freeman{:6_193:}
頁:
[1]