神獸降臨~ASUS Xonar Essence One DAC Muses版 短評
本帖最後由 odin1983 於 2013-3-11 15:04 編輯近日，無咩多餘錢買野玩，但又好鬼身痕，於是就打電話問下小瑟，
小弟︰「喂！小瑟，近排有咩玩呢?」
小瑟︰「呢期有隻DAC可以比你試下?玩唔玩呢！DAC呢家野可能你有興趣！」
小弟︰「DAC wor！梗係玩啦，聽慣左屋企部北極星，玩下其他野都好！」
就係咁就問佢拎左隻DAC返去玩，後來先知，DAC原來係指ASUS 神獸DAC，拎上手即時R一R頭，為這個產品做評測，其實有難度，因為小弟本身係ASUS嘅 Fans，好容易會被人話我係打手，最後都係一貫作風，用返自己d爛文字，修詞都唔鬼用既直白風格去出分享啦！老老實實，小弟電腦用左十幾年都係華碩底板，甚至Eee pc都有捧場，點解?因為人本身係「經驗主導」，唔知黑仔定係點啦，小弟底板用過好多牌子都爆電容lor，應該好多人試過呢！好啦又我越講越遠，可能近得小瑟太多，自己開始「九唔搭八」，好彩我無學佢亂講野者！嗱，我講笑JA，大王唔好BAN我Account呀！
講返隻DAC，未試果時都已經有驚喜，一方面比佢個重量嚇親，比我預期重手，如果有認識小弟的朋友都知道，小弟音響路係玩耳機起家，當時就係用一部平價的電腦DAC開始發燒，一般的電腦DAC都係細細部，有前級功能，有埋耳擴，力求簡易兼百搭，另一樣驚喜係原來呢部野係最高規格既Muses版，外型上面同普通版接近一樣，只係隻神獸個顏色由金色變左黑色，同普通版唔同之處係佢「塞」左六粒MUSES opamp入去，至於牛同綫路應該同其他版本一樣，不過又聽聞話線路有小改，機器野我唔熟，只求好聲，其他野唔深究啦！
近排多左新會員，順便介紹一下什麼是opamp，全名叫Operational Amplifier (op amp)運算放大器，簡單黎講係IC一粒，用係DAC度可以達到改變音色效果，至於粒MUSES opamp呢，好多人都認為係最強opamp，MUSES係JRC 新日本無線株式會社既商標，係主力做音頻半導體器件，唔玩開opamp的可能未聽過，旗下opamp算係幾出名架，雖然opamp係價廉物美的玩意，不過呢粒野呢一粒叫價大約$250，依家日元下降可能會平少少咁啦！
由於小弟玩耳筒起家，於是決定先試耳擴部份，但近年已經將D耳牛賣走晒，留返隻B家的T5P出街用，試聽張敬軒PINK DAHLIA的<<值得>>，第一個感覺係空間感充足，音牆非常廣闊，上網搜尋ASUS Xonar Essence one的普通版Review，未見有此評價，相信是Muses opamp的威力，小提琴聲音順滑不刺耳，琴聲有跳躍感，人聲密度高，有感染力，沒有一般電腦DAC的數碼感，聲音亦沒有生硬及呆板的感覺，朋友話呢隻DAC個耳擴推力非常好，推HD800都推得唔錯，加埋親身試聽，個人覺得係萬元以下的一體式DAC入面，呢隻DAC耳擴算係數一數二，如果我無估錯，ASUS開發時係以Grace Design m903，Benchmark DAC1 等機種為對手，以個人喜好黎講個人覺得呢隻MUSE版比M903同DAC1好，不論音牆，人聲密度都比兩者突出，當然M903同DAC1較偏向鑑聽多少少，分析力，清晰度，聲音還完度都對得住佢身價，可惜M093越賣越貴，入門玩家都幾難負擔。最後都駁左隻DAC去ROKSAN M2再用同一隻歌測試，聲音與耳筒測驗時頗為一致，論分析力可以與小弟的北極星媲美，音樂空間感比北極星更好，但係高頻既順滑度輸返比北極星，不過都正常，呢種滑不溜手既高頻聽感係北極星廠標準，品牌效果黎，亦都係小弟非常鐘意既一種「音染」。
試完之後，發現成部野都接近萬元級DAC的格局，ASUS非常用心去設計，以用料同設計去睇可以肯定呢部野係以音響為開發目標，亦都有唔同價格既版本比大家去選擇，當然，如果你係「中產」，玩親都係50-60K產品，咁你可以唔駛試啦，但如果你係入門玩家仲要係玩耳筒，呢隻「神獸」應該好岩你，不妨搵個機會聽聽佢，嫌貴既話其實買普通版都ok，三千幾有環牛又有多種輸入/輸出，足夠送你上路。
優點︰
1. 音質不錯，端子齊全，可與萬元級DAC一較高下，唔敢講完勝但一定唔輸蝕。
2. 耳擴音質不錯，推力足夠。
3. 保養期頗長，有三年，要讚丫！
好啦！講左咁多優點，係時候講下不足啦，作為用家，如果產品再出新版本，我會有以下期望
1. AES平衡輸入，方便一D人接駁USB DDC或者CDP
2. 出Bit Perfect要行ASIO Driver，如果可以將討論區的教學加埋去說明書，簡單講下幾種熱門軟件點設定ASIO，如foobar
或J River media player
3. 平D啦！平D啦！MUSES版價錢如果可以再平少少就好啦，好多人又養車又供樓仲要養兩個女添，要平dd佢先肯落搭架
(小瑟呀！小瑟！係呀我講緊你，我知道你你未買DAC架XD！)
{:6_193:} 分析得好好,呢個價有呢D級數…{:6_237:} 好正師兄 {:8_368:} 老DIN好正REPORT, 不過點解我聽到既版本係大王借咗機比你追你出REPORT, 你猛叫扮忙掛住玩唔出既~~??!! {:8_379:}
問返正經嘢先, 老DIN你好似聽過XDAC, 2隻比較如何~~?? {:9_419:}
BTW, 大王係一仔一女, 唔係2個女, 況且佢應該決心買DAC喇, 睇佢賣嘢就知啦~~!!! {:8_368:} 咦....我都好似有隻CHEAP DAC喺佢度.... 好正的分享 {:6_193:} 我都想搵部DAC黎推我隻耳機...
師兄可否PM小弟邊到會有得買?? ykluk 發表於 2013-3-11 09:46 static/image/common/back.gif
老DIN好正REPORT, 不過點解我聽到既版本係大王借咗機比你追你出REPORT, 你猛叫扮忙掛住玩唔出既~~??!! {:8_ ...
我係真係好鬼忙，唔係扮忙，我份成人工係有返工無收工，早前有個政府既官黎參觀，我成個星期日日做到十二點，真係叫晒救命。
老老實實，兩部野價料用料都唔同，我試下比較
1. 價錢
視乎你咩版本，最貴係神獸MUSES版，跟住到X-DAC，再到神獸普通版。
1. 用料
神獸用料好DD，就算普通版都有環牛，加上每個PART都有OPAMP控制 (雖然音響野唔一定用料好就等於好聲)不過作為用家，都會對呢個部份有d眼緊
2. 質素
晶片野一定係新既好，個人覺得個USB輸入係ASUS好d，佢做開電腦野，呢方面熟D都唔出奇，好多音響大廠DAC都會死係呢個部份，因為自己對USB介面唔熟，好多時都係同人買USB 控制晶片，令到唔少DAC個USB唔好。
3. 聲音
兩部都係走溫潤路線，用神獸MUSES 版去比較會顯得X DAC聲音有D乾，收得快，少左d餘韻咁，不過神獸MUSES 版有六粒貴價OPAMP，所以又比起X DAC貴
其實X DAC係果個價位都唔錯架，佢出果時係果個價位係好出色，不過DAC依期發展好多，晶片日新月異，似乎都係新既好，另外我近排試左DAC唔直入底板而係用張USB3.0 PCI卡去出(火牛獨立供電而唔用底板電)，又真係背景靜左DD，效果好似好DD，六爺可以試下，反正張野不過一舊水左右。
至於小瑟呢，雖然神獸個耳擴都好好，我唔建議佢賣左個耳擴，音響野始終分開玩好d，太多綫路係會干擾架，點都避唔到XD。
我都想要,
師兄可否PM小弟邊到會有得買 和大約多少錢? odin1983 發表於 2013-3-11 11:59 static/image/common/back.gif
我係真係好鬼忙，唔係扮忙，我份成人工係有返工無收工，早前有個政府既官黎參觀，我成個星期日日做到十二 ...
有你隻耳仔做證, 咁我唔會亂咁問大王借部神獸去試, 費時中毒又出事....唔好話忙, 家下小弟仲儲緊錢買齊屋企啲玩具....用隻DT880插落3020到聽歌真係好痴根.....我自己都接受唔到自己呢個行徑... {:9_440:}
獨立USB3.0咭我一早有喇, 不過我用USB3.0入部XDAC出唔到聲......終有一日會UPGRADE, 不過小弟諗緊另一隻好嘢.....{:8_395:}
至於小豪大王, 佢又多心又多負擔, 都唔知佢玩得幾多嘢~~!!! {:8_379:} LEE個衰仔, 我都冇得玩比你玩先, 仲要串我九唔搭八!!!!{:6_197:} {:6_197:} {:6_197:} {:6_197:}
呢隻野太貴, 我要好好試清楚先可以再決定, 依家先比你同NICKNICK兄玩下先, 之後就要比返ASUS了~~~~{:6_203:}