黑店!!!!!!!
本人今天20/12下午約5:30到皆旺商場地庫e35號鋪（出樓梯左轉後，左手邊第２間鋪，該店沒有店名及店舖編號）買了一盒特撮41 ironman，事情詳情如下：買野都會去check，個人話要比錢之後先check，無問題，好似買衫或者其他玩具鋪都一樣。如是者，本人比左錢，之後check，一check，唔係顏色問題，而係左邊膊頭位合唔埋，會自動彈出黎，呢個好明顯係零件問題。因為本人係新手，太多細位唔會識去整，唔會識去研究，咁我問佢，佢拎黎睇。佢拎上手，當時所有接駁位依然係連住所有膠紙。但連住膠紙時，佢整左一陣都仲係合唔埋，咁佢就話要拆左左手膊頭位的膠紙去睇，於是係佢親手拆左ｄ膠紙。拆左膠紙後，佢再睇都係唔得。
如果係個別問題，佢可以即刻幫我tune到的話，大家都好。結果，佢整唔到，咁既然係零件問題，就係可以退返廠，亦即係件貨係壞品。
本人並唔係因為色水有關的問題，完美主義，而提出退款，而係因為零件問題。但係該店主（店員？）提出，話因為本人拆開晒佢賣唔出，唔會退錢，而且聲大大話係本人拆爛。（而請看上文，我係一開始check左發現問題就無再掂過）佢堅持唔退錢，然後幾經爭論，由佢拎住盒野，一齊去搵隔離鋪幫手。（版主如果覺得當時２位老闆（店員？）幫我睇，幫我整，結果發現原來係荀位問題，佢地幫我教左一教，整多兩整，就整返好，合得返埋。
今次，好彩有隔離鋪幫我睇，發現原來可以整返好。（上文已提到本人是新手，唔識整，唔識研究）但呢間鋪，擺明係有問題，都依然會聲大大話唔會退錢，而且在呢間鋪買野係無單比你。下次如果真係係壞品、係次貨、係零件問題呢？如果大家無當面check呢？又無單佢可以賴皮，明明係壞品都唔會退錢。
請大家小心呢間黑店！（請見附圖認清間鋪，圖中男人就是該店員！）
以後唔好同佢買野{:6_199:} 本帖最後由 大佬John 於 2012-12-20 21:59 編輯
勁無奈香港地消費環境, 成日都係話要俾左錢先驗貨, D舖頭永遠覺得收左你錢, 有問題就係消費者既問題, D錢o係佢部收銀機你就奈佢唔何咁...
我明白有D老實舖都冇辦法要用呢招, 因為發行/ 廠都唔會同佢地換壞貨...
最搞笑係一大班消費者都會啞忍, 以為呢D規矩係任得佢地商家佬定, 縱壞晒...上網會聽到好多不成文規定, D網民仲會覺得, 你唔識呢D江湖規矩就係你錯...
遇著係有名'正'舖都話可以同佢地理論/人情/乞... 遇著D攞明黑店就真係法律都吹佢唔漲....
我自己有單野o係身, 唔涉及黑店, 只係黑仔, 已經解決左, 對方肯換貨, 過兩日post去game版講 開佢名...做得好....{:6_193:} 唔好同佢買野. {:6_124:} {:6_199:}{:6_124:} 多謝你提醒 !!! {:6_124:} 咁下次在任何一間舖在比錢拆合前應問明 - 驗完件貨有問題--點先？ 樓主建議你再去有關玩具既網站再分享呢個情況
e.g.玩具日報,玩具迷團 blacklist{:6_193:}