[定の影評]哈比人 - 不思議之旅 (IMAX 3D HFR Ver.)
本帖最後由 阿定 於 2014-2-7 12:45 編輯上星期五專登去左睇 IMAX 3D 高幀率版，全港得一間戲院有又IMAX，又HFR，亦係小弟第一次睇咁高規格的電影，無理由唔分享下感受！
先講講高幀率版比我的感受，可能亦係大家考慮緊睇唔睇 HFR的小部份問題，以下都係我個人感受，唔等於你體質同我一樣，呢點大家一定要注意
頭暈問題？老實講，會睇到嘔我覺得真係有d誇張，除左初頭好小部份因為畫面係咁轉，即係天空睇落去陸地時果d轉動畫面，會有少少吃力外，完全無頭暈的問題，而所謂的有點吃力，同行的人只有我有少少吃力，仲要係因為報紙講會頭暈，我特登去用心跟著畫面去轉動才會有，基本上，我相信絕大部份人都唔會有問題！
以往3D會有頂唔順的問題，我一向感受唔到，但平時睇得耐，真係會搞到眼睛會累，今次HFR ver，真係感受唔到會累，比平時睇3D更加舒服，畫面亦更自然
電影感方面，睇開24P，沉迷電影感的話，我唔建議睇 HFR ver.，成套戲，明顯係靚左好多，Sharp左好多，Clear左好多，似睇高清拍攝的旅遊節目，對我來說，我好buy呢種高清，否則我唔會成日睇戲時，有個揀都揀IMAX，感覺即係家中睇Projector或電視仲清過戲院，3D過戲院果種，而之前睇IMAX，成日自稱Crystal Clean，我個人認為今次才有資格配上呢個名詞，不過睇呢d史詩式大片，無左電影感，係會失色不少的，可能大家要考慮一下改唔改變呢個睇戲習慣，雖然未來的日子可能會變晒做HFR 48P，無得你揀，但今時今日仲有得揀，要靚？要電影feel？真係要自行決定了！當然睇兩三次的人大有人在就是了！
好了，我們講番套戲吧，音效不多講了，呢d大製作，無需多介紹了吧，對於超喜歡魔介的我來說，今次哈比人可以話係無投訴，當然，大戰場面其實並不多，由於係第一部曲，說故事，交待故事的戲情亦相對較多，但169分鐘入面，完全無悶場，戲情雖然係非常老士，但橋唔怕舊，最緊要受，一開始接軌番魔介第一集的戲情，同埋途中交代咕嚕、魔介等人和物，對魔介迷來講，特別開心！
由於唔想戲透，所以唔講太多同戲情有關的評語，加上我亦不是一個專業影評人，所以就不多講了，總結來講，魔介比大家的震撼非常強大，而今次以故事為先，戰鬥畫面為次(不代表戰鬥戲少)，而且不同於魔介，主線只有一條，就係主角比爾博巴金斯的旅程，電影成功把大家帶到中土大陸，相對於魔介，可以說是更成功以畫面說故事來震撼大家，不是排山倒海的畫面來滿足大家！期待加長版 Blu-Ray的來臨！
Thanks forssharing 多謝分享...{:6_193:} 睇左啦, 3D 效果一流. {:6_193:} wait BD........{:1_253:} {:6_193:}{:6_193:} 睇完師兄咁講，真係要去睇睇 {:6_193:} {:6_193:} 我都睇左，內容就麻麻，算ok喇，室外畫面正好多 我昨晚在I square 㖒咗, 覺得中段估嘢太長及有d沈悶. 畫面近鏡高清ok. 字幕在3D下有重影{:6_238:}
頁:
[1]
2