Dx100 Mod 簡單聽感
本帖最後由 yurble1995 於 2012-11-12 22:37 編輯小弟就聾耳陳既傳人黎既！而且小弟就係極度亢奮下打出黎既！如果師兄們有唔滿意勿插！以下用詞你可能會覺得我好誇張！但我照我耳仔聽到既打出黎的！
http://farm9.staticflickr.com/8486/8178654856_011b9a044f_k.jpg
Dx100被喻為地上最強都有一段日子啦！
佢配置係點，各位發燒友都好清楚啦！佢9018既解碼chip係佢最大賣點！
另一樣最殺食既相信就係佢一部過帶黎既方便啦！
佢代替到其他Player+amp呢個選擇令到好多師兄都會買呢部超過半萬既器材！
相信有呢部野既師兄都好清楚佢既聲架啦！但未聽過既唔緊要！
我俾個幻想大家！................幻想緊我俾幅美女既圖畫你？
正正相反！佢係一個彪形大漢！結實既肌肉但又唔係有好明顯既線條！未太懂溫柔既男人！
係........我一開始都有啲失望！？佢大大推力加上比較粗聲，低頻有小小肥腫又唔爽快，高頻頂住頂住上唔到既又唔通透！！呢種聲音有小小唔滿意啦！但其他都唔錯既
粗獷既聲音加上上唔到高音！
心諗，呢隻野雖然方便，但都不乏進步既空間！
就係一次機緣巧合下見到有師父改Dx100，見佢改既方法唔係改個突哂出黎既頭咁核突就算咼！都變得好期待！
咁師父就約左我某一日去試下佢部demo機先！佢話可以試岩先改咼！
佢重提我記住帶自己聽開既歌入落sd card到！話咁樣先試得最真咼！重有自己用開既耳機！同埋自己部Dx100！咁就萬無一失啦！
去到吸毒既地方！師父二話不說抽出神器！我就聽左三首自己平時聽開既歌............大叫一聲！Shit ！我部機就咁要放低俾師父做手術啦！
=================我係分隔線==============================
等左兩三個禮拜！師父打黎話手術好成功！佢變左身啦！
http://farm9.staticflickr.com/8488/8178623935_80835b710c_k.jpg
好啦.....我吹左咁多水呃你入黎睇 又唔會無新機既聽感既：P
我用既器材有Ts433 Dx100 mod
Phone out直出！
好！講一講試既歌先！（就係果日試既歌）
（1）Kimiko Itoh Follow me
（2）趙鵬 外婆的澎湖灣
（3）Battlefield 2 – London Philharmonic Orchestra
(1)呢首Follow Me 係試女聲！佢唱得好high架！越唱就越高！好易試出部機個高頻上唔上到！
未改時聽就聽得唔太開心！上到？上唔到！而且唔通透得黎又帶點蒙！
真係聽到一頭霧水！而呢首歌可試埋個音場既！佢有個定音鼓係右手邊既！但就偏左中間！個音場窄左小小既！
.....................改完再聽返呢首歌又有唔同左睇法！我以前會係以為係佢錄音唔好搞到佢人聲咁鬼蒙！
但依家係清徹明亮！好有清泉既感覺！一開聲俾到咁大分別我已經好開心！再聽返佢叫Follow Me既時候.........佢上到呀T•T。 我好感動呀！
佢一上......我差啲跟住佢一齊Follow me〜〜果種高頻係上得盡又唔標！好舒服！而且佢重好滑好柔順！有一種聽完全身都酥軟既感覺！
再聽返個定音鼓！咦？食神歸位？！佢去返佢所屬既右手邊！即係話佢既音場係闊左兩個碼以上！開揚左好多！
個鼓既下潛度用copper聽既話真係一絕！佢每打一下！又潛又彈！爽快左好多！可惜我今次主力係Ts433！佢有下潛既...
但唔深而且唔會彈....反應唔夠快！咁你講到佢無缺點咩？
又唔係咼！佢個低頻其實應該再潛多啲好！差小小到位！但部機去到咁已經好叻！始終係Phone out
（2）聽下呢首趙鵬先！呢首外婆的澎湖灣係試男聲同鼓既！有聽過都知趙生超厚聲！重低頻！加埋佢個鼓聲！
試低頻既佳歌！未改前聽佢可能會幾有感覺架！蒙蒙地加上佢低沉既聲音就好似好有韻味！但啲鼓聲就唔得潛同聚焦！
但佢返黎之後，把聲唔同左，無左蒙！得黎既係還原度高既聲音！佢既歌聲周圍再無雜音！係好透徹既聲音！
但又不失雄厚咼！好野！個鼓就潛深左！包圍感好左好多！而且好震撼！
（3）去到最後一首啦！師兄們可能會奇怪點解無，提及過分析力呢？！好戲在後頭！
呢首係管弦樂團作品，有弦樂群，有銅管既，有敲擊樂既！你部機或者耳機分析力唔好既立刻摺埋！
咁部機未改前分析力亦已不錯！對付小品無問題！R&B已經吃力，去到呢啲大澎野！即刻會亂！但當時我覺得phone out有咁算唔錯啦！點知返黎後！
佢真係滿足到我咼！啲野分開哂！有層次咁演奏出黎！定位準確！係未試過phone out都俾到咁既聲音！
後記：說實的......我點都估唔到原來phone out都可以出到如此準確同高低頻伸延咁好既聲音！但聽感呢家野好個人既！我聽既同又會唔同！都係耳聽為實啦！而任何mod機資料你可以自己搵下！
我聽感就到呢度啦，小弟就聾聾地既，如有錯，請見諒，
多謝收看 咁長都叫簡單{:1_332:} 師兄請問去邊度改可pm我嗎 看見此POST,睇黎師兄已經袋番$500{:6_238:} PM埋我呀 收番$500啦?!?!?!
恭喜曬!!! 有無咁誇張呀,我就唔怕毒既,反正我都唔係咁滿意呢舊磚頭,
麻煩 ching pm 埋我. 恭喜{:6_195:} 師兄，請pm埋我 C兄，可以PM給我嗎？謝謝
頁:
[1]
2