我啲CG特效公司朋友睇首映時，看見這無械可擊的CG即刻無話可說，對自己面前的工作簡直無心機再做。
我啲CG特效公司朋友睇首映時，看見這無械可擊的CG即刻無話可說，對自己面前的工作簡直無心機再做。
劉一舟 發表於 2009-12-21 01:31 http://www.post76.com/discuss/images/common/back.gif
Avatar D CG係我暫時睇過做得最好既電影之一,James Cameron應該push到Weta team人去到最盡;
另外Fox官方公佈話Avatar成本2億8千萬美金,係史上第2高
今日睇左, 強烈建議一定一定要去 IMAX 3D 睇!!! {:1_335:} {:1_335:}
可能我之前(近年)冇睇過 3D電影
俾到我最驚喜既係"字幕",
好似浮o係中間咁... 好得意,
又會跟返講野果個人既位置出字幕, 唔會釘死o係中間, 好貼心. {:1_258:}
我要一月先有時間睇，到時再分享。
立體影院身臨其境
3D阿凡達掀搶飛潮
金像大導占士金馬倫（ James Cameron）繼 12年前《鐵達尼號》（ Titanic）後的科幻巨製《阿凡達》（ Avatar），上周已在全球多地同步上映，香港的票房截至前日大收 1,600萬元，並掀起了 IMAX戲院撲飛潮，本地網民更在討論區內議論紛紛，尋求最佳入場攻略。
網民揀皇帝位
《阿凡達》以高科技的 3D立體拍攝技術作招徠，不說不知，在本地上映的版本其實共有 4個，包括 IMAX 3D版、 3D數碼版、 4D數碼版以及傳統電影般沒有立體效果的 2D版。當中以九龍灣 UA MEGABOX內的 UA IMAX及尖沙嘴新落成的 UA iSQUARE上映的 IMAX 3D版最為搶手，香港討論區內的網民更詳細比較兩院銀幕，甚至挑選院中尾二至尾四行中間的座位為皇帝位，是欣賞《阿凡達》的最佳位置。
至於在赤鱲角機場 4D超立體巨幕影館放映的《阿凡達》 4D數碼版，雖然院內的銀幕不及 IMAX版巨型，但卻加多了風、雨、雪及泡泡的效果。
破港開畫紀綠
《阿凡達》自上周四開畫，至前日累積 1,600萬元票房，遠遠拋離同日上映、累收 600萬元的《吸血新世紀 2新月傳奇》（ The Twilight Saga: New Moon）及累收 358萬元的華語片《十月圍城》。
《阿凡達》除打破《鐵達尼號》當年在本地的周末票房外，也成為香港史上最高開畫周末票房的霍士電影，以及香港有史以來 12月份最高開畫周末票房的非續集電影。影片在美國的周末票房達 7,300萬美元（約 5.7億港元），預計全球首周票房達 2.322億美元（約 18億港元）。
4個版本票價
放映版本： IMAX 3D
放映戲院（部份）： UA IMAX、 UA iSQUARE
院數： 2
票價：$160-170
放映版本： 4D數碼版
放映戲院（部份）： 4D超立體巨幕影館（赤鱲角機場）
院數： 1
票價：$90（非假期有學生優惠）
放映版本： 3D數碼版
放映戲院（部份）：百老匯院線、 UA院線、嘉禾院線、 MCL院線、 AMC院線、 The Grand
院數： 33
票價：$100-150
放映版本： 2D版
放映戲院（部份）： UA東薈城、影藝、華懋、元朗戲院、粉嶺戲院
院數： 7
票價：$60-70
資料來源：霍士電影公司
訂飛都要預早一個星期先可以坐到較好既位置
係星期二 29日睇左, 係新既 iSQUARE
套戲既故事講真一定冇魔戒咁精彩
不過都叫幾好
但最正真係莫過於 IMAX 3D (我都係第一次睇 IMAX, 之前聽人講都係某D 部份十零分鐘先有 3D效果)
呢套AVATOR 真係由頭到尾都 3D
畫面真係華麗到無野講
港鏟片大陸片日本片係永遠睇唔到 (得罪D講句)
係天空個幕D 畫面, 令我諗起好多年前宮崎峻既天空之城
真係都幾似, 好估個情景 JAMES 都係個度諗出來既 (估佢有睇宮崎峻D動畫)
成套片所構造出來既世界, 真係好犀利
有想再睇多一次既衝動 (唔係因為個故事)
因為見證左AVATORIMAX 3D 真係勁到爆
本人好希望 PETER JACKSON 可以拍一套全片 3D 既大片
小弟想問吓有喺數碼港睇3D版ge ching，有無發覺套戯每隔一小段就黑一黑好似斷片咁樣{:6_141:}我上星期五睇9：30就有咁情況{:6_124:}
直逼鐵達尼
阿凡達連番過關全球收 80億
導演占士金馬倫歷 12年時間開發的「 3-D Fusion」技術拍攝出來的《阿凡達》，掀起了 3D電影熱潮之餘，在全球也造成極大震撼，在這股熱潮下，截至前日，《阿凡達》在全球上映僅 17日，便錄得 10.2億美元（約 79.5億港元）票房，也是史上最快衝破 10億票房的電影，在全球票房榜排第四位（詳見附表），暫時僅次於占士金馬倫舊作《鐵達尼號》（ Titanic）、《魔戒三部曲：王者再臨》（ The Lord of the Rings： The Return of the King）及《加勒比海盜：決戰魔盜王》（ Pirates of the Caribbean： Dead Man's Chest）。據票房走勢，加上 3D電影的戲票較一般電影昂貴，《阿凡達》甚有望超越《鐵達尼號》（ Titanic）成為全球票房 No.1。
《阿凡達》在香港同樣氣勢如虹，截至前日上映 18日，已錄得過 8,000萬票房，遠遠拋離同日開畫、收 1,400萬的《吸血新世紀 2：新月傳奇》（ The Twilight Saga： New Moon），由羅拔唐尼（ Robert Downey Jr.）和祖迪羅（ Jude Law）主演的《神探福爾摩斯》（ Sherlock Holmes）上映 11日約收 1,700萬，成績已算不錯。
內地午夜場全爆
港片方面，甄子丹主演的《十月圍城》上映 17日，截至前日收約 1,400萬，相信會超越上映 25日、收 1500萬的《風雲 II》。另一方面，周杰倫的《刺陵》上映 4日收 150萬，成績差強人意；張藝謀的《三槍拍案驚奇》 11日僅收 65萬，名副其實贏口碑輸票房。
此外，《阿凡達》昨日凌晨也正式登陸內地，在深圳開放的午夜影院，幾乎全部爆滿。有業內人士認為《阿凡達》因為有 3D版本，平均票價逾 100元一張，加上內地電影市場正高速發展，故預測《阿凡達》可衝破《 2012末日預言》的 4.7億最高內地票房紀錄，甚至錄得 5至 6億人民幣。撰文：林妃
十大全球票房
1《鐵達尼號》
（ 1997年）全球票房： 143.7億港元
2《魔戒三部曲：王者再臨》
（ 2003年）全球票房： 87.3億港元
3《加勒比海盜：決戰魔盜王》
（ 2006）全球票房： 83.1億港元
4《阿凡達》
（ 2009年）全球票房： 79.5億港元（上映中）
5《蝙蝠俠—黑夜之神》
（ 2008年）全球票房： 78.2億港元
6《哈利波特神秘的魔法石》
（ 2001年）全球票房： 76億港元
7《加勒比海盜：魔盜王終極之戰》
（ 2007年）全球票房： 75億港元
8《哈利波特鳳凰會的密令》
（ 2008年）全球票房： 73.2億港元
9《哈利波特混血王子的背叛》
（ 2009年）全球票房： 72.5億港元
10《魔戒二部曲：雙城奇謀》
（ 2002年）全球票房： 72.2億港元
資料來源：《蘋果》資料室
香港票房一定破硬 "鐵達尼號" 維持十二年的紀錄，但北美還要看看佢仲有冇後勁，全球票房雖然已達十億美金，過咗 "黑夜之神" 榮登第四位，仲要捱七億七千多萬美金才能自破金身，真係要加把勁了，因為北美唔同香港，香港嚟緊冇乜大片可以同佢爭一日長短，但北美嚟緊仲有好多大片上........
之前youtube洗太平地冇得睇，家陣官方供應任睇！
<object width="640" height="505"><param name="movie" value="http://www.youtube.com/v/OJ1JzYPjcj0&hl=en_GB&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/OJ1JzYPjcj0&hl=en_GB&fs=1&" type="application/x-shockwave-flash" allowscriptaccess="always" allowfullscreen="true" width="640" height="505"></embed></object>
