聽hifi之路, 要搵多d錢先掂(老麥MCD301+MA7000+826)
本帖最後由 bigair 於 2013-11-21 13:16 編輯幾個月前，我仲係一個聽歌用AV機放就ok既人，自從架用左十年既AV機壞左之後{:6_194:} ，諗住終於可以升級買部好d既AV機，去了旺角試左部安橋809，除左睇戲，仲試埋聽歌俾我，我問個sales聽歌好唔好架？佢話都ok架，不過聽呢到d ching講，聽歌用兩聲道會好好多，然後個sales介紹左馬仔既15S2俾我，當其時試音用左Elac 247，感覺都好滿意{:6_182:} ，但因為新AV機要下個月先有新貨出，所以等了一個多月.....好開心終於有新貨了，試音都無試就買左返屋企{:6_178:} 。
返到屋企接返我d喇叭，就咁用部DVD機聽下歌仔，感覺好聲左好多，好開心{:6_138:} ，無幾日後，又係聲ching講用cdp講歌會好過用DVD，所以咪買左一部馬仔試玩下，效果同dvd差唔多，只係好了少少，當時係到諗邊到出錯呢，無理由無唔同架{:6_141:} ，然後又上呢請教ching，原來要用好d既電源線，出去睇下線材，閒閒地都過千{:6_192:} ，對我呢d初哥呢講，千幾蚊可以買到hifi仔啦.....胆粗粗去鴨記diy一條三百蚊到既電源線試下，一試之下，效果真係有明顯改變{:6_237:} ，呢一下，令我明白電並唔係電咁簡單。
係屋企用av機聽左個幾月既歌，再出去搵真正聽歌既兩聲道hifi，去旺角試馬仔15S2 + TT = 同屋企差唔多，再試15S2 + Dyna Audio，效果好d，但都未有難忘既感覺，感覺唔太好，跟住走去另一間再試{:6_208:} ，個sales介紹Focal喇叭，我唔係好識咩喇叭牌子，只係知道自己喜歡既聲音，都試下啦。老婆喜歡有指針既amp，佢話好細個時已中意有指針既hifi，然後見到安橋部前後級有喎，咁咪諗住試下啦，個sales問我地個預算有幾多，我話兩萬左右啦，佢就話安橋會超過我地個預算{:6_201:} ，但佢都好好人，搬部機出呢試俾我聽，第一次試過後，感覺好正{:6_193:} ，返屋企商量後，始終覺得部機唔夠份量，所以都係唔敢買，同埋部機唔係日本製，三萬幾買東南亞製，老婆話唔想買。{:6_209:}
又過左幾日，又去hifi店浦，老婆見到有一間有指針既hifi買，一睇之下，$4xxx x 24個月{:6_200:} ，咁即係十萬一部，我叫老婆唔好睇啦，唔係我地要買既野，然後同個sales傾下計，傾傾下，佢知道我地有興趣，我老婆話將間車賣左，有十萬可以玩hifi{:6_202:} ，算啦，我都唔諗啦，咁個sales介紹左部麥景圖MA7000 + MCD301 + Focal JM Lab 826，入左房試，房入面放了一套100萬既HIFI，感覺好似VIP咁{:6_174:} 。接好晒線，開機，無乜咩形容詞可以用，只係知道好正，好好聽，聲音好甜美，好乾淨{:6_127:} ，真係同屋企唔同啦，最終真係將佢地買左返黎，依家老婆仲玩得pro過我，仲話下一步係十萬既喇叭......要努力d搵錢啦。
由兩萬睇到十萬，呢d野真係有毒，真係隨時中毒身亡，要做返多d野搵多d錢先掂。多謝各ching收睇{:6_223:}
https://fbcdn-sphotos-d-a.akamaihd.net/hphotos-ak-ash3/s720x720/577101_4168983916946_1728458426_n.jpg
https://fbcdn-sphotos-c-a.akamaihd.net/hphotos-ak-ash4/388801_4168984236954_1142847871_n.jpg 幾個月前，我仲係一個聽歌用AV機放就ok既人，自從架用左十年既AV機壞左之後 ，諗住終於可以升級買 ...
bigair 發表於 2012-9-22 02:30 http://www.post76.com/discuss/images/common/back.gif
師兄勁, 你太座更勁~!!{:8_372:} 我女人有咁識諗就好啦. {:6_196:} {:6_195:} 恭喜有個知情識趣, 趣味相投嘅太座!! 回復 2# siukit_siuhan
我女人有咁識諗就好啦. X 2 {:6_212:} 我女人有咁識諗就好啦. X3 {:6_195:} 我女人有咁識諗就好啦. X4{:6_146:} 回復 1# bigair
師兄，恭喜恭喜。
你幾生修行，有賢妻又有靚HiFi ? 願聞其詳。 很贊成這個題目：聽hifi之路, 要搵多d錢先掂。。。。
但如我咁既普通打工仔，又點樣搵多D錢呢？{:6_203:} 女人多數鐘意 cut cost， 極小會加注.