分享譚仔記米線點滴
大約1994年譚仔嚮長沙灣永隆街開左第一間米線.果時小弟年紀尚小,同一般後生仔一樣鍾意食香口野,味精野, 但係譚仔米線本身係以清湯料鮮係主.平時去餐廳食既只會係濃味既味精野,只有阿媽煮果D先唔會落味精,如果自己係覺得唔好食,冇心機食,但係試過譚仔既清湯後,米線同湯既感覺夾得好自己,令我好有食慾,材料亦睇得非一般超市街市既貨色,就算係都係屬於靚果D.而黑柏葉就更加唔係時時食到,好多時都賣到冇貨,或者留起來做套餐.而自己覺得最有特色既係麻辣湯底,果時只係分大中小辣三類,而我本身係怕辣既,成日見到D人食到話頂唔順,出哂汗,加水溝淡等情況. 但係去左好多次之後,覺得D麻辣味先係好香好開胃,於是就試左個小辣, 第一次試完,D鼻水係咁流,後尾枕辣到標哂汗,而且咳左多次(本身喉嚨敏感).之後就上左癮,不過就由小辣叫叫下叫到5小辣,譚仔個MENU由慢慢因應客人口味改到去10小辣. 過左一年到,譚仔逢星期二五晚會親自嚮門口做搵麵,當時佢叫蘭州拉麵, 你可以叫粗/幼既搵麵, 但係個人覺得並唔係太好食,好多時佢D伙記都煮得唔夠透.口感唔夠好.而麵本都都係有粗有幼,唔係太平均.
小食方面我最喜歡係香草雞中翼,果時如果雞翼細隻,佢係會比夠六隻,本身係五隻既.D香草你食到係一種香料味,咬到一粒粒既感覺.而且好香.雞翼皮亦都好煙韌.當時係得油菜同雞翼.野飲得荳漿.
過左幾年,舊既店只去左長發街自立門戶. 味道都有保持到78成,但係其實係食得到分別. 譚仔既米線由頭食到尾個味道係唔會相差太遠,而新果間食到尾你會覺得好似浸到D味變哂,有種唔想再食既感覺,點解會有咁既分別真係唔知道.
譚仔可能因為覺得有比人背叛既關係,開始有所改革,小食方面佢加多左幾樣野,例如雲坭白肉,紅油青瓜,而且重有鴨舌食,飲品方面,茶餐廳有既,佢大至上都有, 老實講,佢沖既野飲真係唔錯,算係中上, 有時我地嚮一間餐叫野飲,隨時都會水多,冰多兼淡茂茂,懞水/茶就酸而唔甜, 而佢果D就絕對合格.
到左而家,譚仔已經好多間分店.而譚仔亦冇再出現嚮任何一間店(或者我唔知,因為我冇可能試哂咁多間). 食物方面,雞翼變到好乾好LOAN,次次我都叫佢唔好咁LOAN,但係分別都不大,D香草冇左原身既香味,食到既只係一堆黑色野,D肉有D鞋同乾,我覺得似係先烚後燒既原因. 而家叫開既九菜牛肉米線.個麻辣湯底比D九菜沖到淡哂,因為D九菜佢用清湯烚完就加落碗麻辣米線到而唔係九菜連麻辣一齊煮.有時真係會有D扯火.
一間本幾好既米線舖(其他自稱米線既舖,我覺得同煮公仔麵既方法冇分別). 攪到而家開始差哂,個心真係有D唔舒服.但係以而家既水準其實仍然係好食過好多餐廳.只係我覺得好既野點解好似好難維持到, 如果有機會見到譚仔,我會同佢反影下.不過都有D驚(譚仔本身都你惡,我見佢都有鬧過客,因為同個客講養狗意見上不合.就只係呢D原因).
最後.大家唔知有冇同感呢. 如果冇試過都可以去試下. 真係唔錯的,起碼都算健康衛生. 我以前唔多鐘意食米線既, 不過食左譚仔記呢間野之後, 真係唔錯, 依家有時都會買外賣返屋企慢慢食!!!! 營盤街有一間叫"雲南米線", 做左成15年咁上下, 早過譚仔好多, 早期係好好食既, 我差唔多一個星期都捧場3次; 不過呢幾年出品就直線向下, 俾譚仔追過頭~~~~~ 本帖最後由 aegysd 於 2009-5-14 13:09 編輯
我曾經食過佐敦嗰間，又好似麻麻哋喎！
不過，口味嘅嘢好個人嘅！ Where is 營盤街? 本帖最後由 雷因 於 2009-5-14 11:17 編輯
深水, 元州街老麥附近 營盤街有一間叫"雲南米線", 做左成15年咁上下, 早過譚仔好多, 早期係好好食既, 我差唔多一個星期都捧場3次; 不過呢幾年出品就直線向下, 俾譚仔追過頭~~~~~ ...
雷因 發表於 2009-5-14 10:48 http://www.post76.com/discuss/images/common/back.gif
食氣鍋雞果間?
呢間D米線湯底好普通.我食過一兩次就冇食了.
米線如果太林係唔好食.真係要煮到O岩O岩透先係最好食 Where is 營盤街?
ronaldlaw 發表於 2009-5-14 11:04 http://www.post76.com/discuss/images/common/back.gif
應該係美居中心麥當勞對角果度,五金舖隔尼.舊樂聲戲院(而家好似變左教會)對面
食氣鍋雞果間?
呢間D米線湯底好普通.我食過一兩次就冇食了.
米線如果太林係唔好食.真係要煮到O岩O岩透先係最好食
LAWSON 發表於 2009-5-14 11:34 http://www.post76.com/discuss/images/common/back.gif
係氣鍋雞呢間, 十年前都幾好食架, 而家品質真係差好多, 食一碗差唔多要飲一壺茶先頂得住; 但係好奇怪佢又係旺到死, 一星期七晚都見到人係到等位; 莫非人鍾意食佢味精~~~~~~~~
係氣鍋雞呢間, 十年前都幾好食架, 而家品質真係差好多, 食一碗差唔多要飲一壺茶先頂得住; 但係好奇怪佢又係旺到死, 一星期七晚都見到人係到等位; 莫非人鍾意食佢味精~~~~~~~~ ...
雷因 發表於 2009-5-14 11:42 http://www.post76.com/discuss/images/common/back.gif我記得氣鍋雞個湯真係好大胡椒粉味.不過真係好多年前既事喇.印象唔係好肯定.
不過d配料真係譚仔特別得來材料新鮮,又係自己整.唔係淨係得牛丸,火腿腸仔咁.
其實荃灣都有間幾出名,不過我冇記佢個名,嚮娛樂廣場對面,食小鍋米線果間.湯底本身落左好多酸菜,好鬼大碗,呢樣係唯一覺得好既地方,其他配料又係普普通通,魯水果d送料我完全覺得唔好食. 不過都好過餐廳仔果d.
頁:
[1]
2