當桃姐遇上車手....J J 小評 (含內容)
http://www.myvideo.com.hk/upload/movie/thumb_m/432849723082.jpg見識過許鞍華導演既天水圍的日與夜 ，講真堅有d怕左佢既戲，點解怕唔使我多講！所以無論桃姐幾多獎，葉德嫻同華仔幾咁合拍，口碑幾咁一致讚好，戲院上時真係了唔起我去睇，到而家出碟以一借無妨既心態睇睇，諗住頂唔順最多中途熄機離場，無謂o徒大家時間嘛！
睇完後明白點解葉德嫻會咁多獎 (當中我唔抹殺有部份人係跟紅頂白)，但佢確實係演活左一個老工人由中風到入老人院既心情同態度，當然老人院既綠葉配角都令套戲生色不小，而華仔既角色發揮唔算好大，但如果無佢做既Roger，相信呢套片都唔會有咁多人留意，故事平平淡淡，無花巧無煽情，就算結尾桃姐臨去前o係公園同華仔既戲都係淡淡的。老人院既描寫雖然唔算話好深入，但當中既情節描述，如果真係去過老人院相信感受會較深。
總結：華仔Fans無得講一定要睇，如果乜都唔係既建議租黎一看，始終本地純香港情懷既電影唔算好多，呢套戲絕對值得支持！
http://www.tw-dvd9shop.com/StagePhoto/DescPic/201206/29/13868936-62a9-40d2-b43f-de8c5c00d819.jpg
早排網上 hit 爆瘋警隱形戰車勁追電單車短片，所以關於隱形戰車題材既"車手"非常有興趣，而且仲有秋生同余文樂呢個唔會令人反感既配搭，加上關於港產片警車既電影我印象中無幾多套，所以點都要入場支持下。
故事簡單，講余文樂係一個嗜好飛車既警察，秋生就飾演一個臨退休既差佬，一老一嫩當然唔會岩Key，o係一次追截一部超速車既事件中，唔尋常咁好客易就拉到一個有前科既通緝犯，原來佢個目的就係要入差館羈留所營救一個已經被拉左既兄弟，而呢個犯o係戲描述中只要有部車o係手，無論你有幾多警力都無人可以拉到佢，因為佢曉得一招8000轉兩米車去過一個非常窄既直角彎位，不過呢招老差骨秋生都曉，原來好耐之前就只有秋生佢至可以追貼到呢個通緝犯，但後來點解佢會滑晒牙就好似無乜交代勒，劇情發展落去當然要由秋生教曉余文樂呢招黎個最後一戰啦！
結尾係點就唔多講勒，不過想講呢套戲既犯駁位其實都唔野小，o係咁兒講幾樣，點解個犯過緊既直角彎既時候唔落車打爆佢條呔？點解o係停車場摸黑戰既時候唔o係出口set個Block？點解炒親d車全部都係cheap雞野？點解余文樂d friend咁把炮一搵就搵到初初開場果個有錢仔既白色Z4 (唔sure係Z4定A4) 約佢出黎鍊翻轉？點解余文樂部車明明over heat又可以"火達"翻著？雖然太多點解，但好彩整套戲尚算緊湊無乜悶場，仲有套戲好彩有秋生點綴，如果唔係相信會遜色左。女角方面有葉璇同大S，前者都還好有dd感情戲，後者真係求其搵個無記d藝員仔做都無乜影響，budget多就搵多幾部靚小小既車黎炒好過啦！
總結：唔可以話好好睇，但剔除以上既bugs唔好深究，當娛樂片黎睇尚算ok，我自己就覺得不過不失啦，5分滿分都值3分合格有餘！ 桃姐套戲係值得支持{:9_423:} JJ有冇睇過本書？{:9_425:} Thx Ching Sharing ! 桃姐套戲係值得支持 JJ有冇睇過本書？
stanleykc13 發表於 2012-7-5 19:48 http://www.post76.com/discuss/images/common/back.gif
無呀！ 車手仲有尾場個犯駁位，話中環追到西環拉到個車手，其實係柴灣貨倉 ... {:6_176:} 車手仲有尾場個犯駁位，話中環追到西環拉到個車手，其實係柴灣貨倉 ......
wil-wil 發表於 2012-7-5 22:27 http://www.post76.com/discuss/images/common/back.gif
唔使尾場，之前有場都好似係咁上下！ Thank you Ching 小評...桃姐再考慮再才入... 無呀！
lkljason 發表於 2012-7-5 21:17 http://www.post76.com/discuss/images/common/back.gif
建議睇埋，因為可以補電影不足......雖然我只係睇咗些少{:6_228:} 建議睇埋，因為可以補電影不足......雖然我只係睇咗些少
stanleykc13 發表於 2012-7-6 00:13 http://www.post76.com/discuss/images/common/back.gif
好~~有機會都想睇下，不過話時話邊度有呢本小說睇下呢？{:6_139:} 好~~有機會都想睇下，不過話時話邊度有呢本小說睇下呢？
lkljason 發表於 2012-7-6 09:36 http://www.post76.com/discuss/images/common/back.gif
傷務見過有，衫聯、載眾應該都有{:6_138:}
頁:
[1]
2