我的家訪記 2012-4-14(Report updated)
本帖最後由 ckw3031 於 2012-4-18 00:23 編輯今日好多謝幾位師兄帶咗咁多毒物來玩，仲有matt兄的好聲軟件{:9_428:} ，
玩足六個鐘，開心的時間過得好快，在美妙的音樂下度過一個愉快下午{:6_143:} 。
休息下先{:6_210:} 再寫下今日的過程。
我的組合
CDT: Marantz DV 7600 , Acoustic Zen MC2 Coaxial
DAC: MEL Shuv, PAD Venustas IC, PAD Musaeus
Pre-amp: MEL Ruah II, Voodoo Crystal Vajra PC, Gutwire SI-6SE IC
Power Amp: MEL Nefesh II, Gigawatt LC-Y
Speaker: Fischer & Fischer SN160, PAD Silver + Venustas SC
Conditioner: RSA Duke, Gutwire SP Crystal Edition
小弟的組合如下，今日由中午一點玩到七點先完，時間過得好快。今日玩咗好多線，包括有Vovox Textura PC & IC、PAD Aqueous PC & IC、PAD Purist Canorus PC、Voodoo Evolution SC、小地盒及RSA電處串聯。
一開始時先聽下Matt兄帶來的靚聲版古典音樂。
Matt兄喜歡聽古典，所以對軟件的要求也頗高，對樂手及樂隊演奏表現也有一定的要求。
玩咗一陣，小弟已覺得matt兄有一對金耳朵，對聲音的敏感度好高，好容易便分辨到好壞及改變的地方。
其後，每當轉換線材時，都能指出分別之處，果然係高手一名。
聽咗約一小時後，開始換下線試下。先試下條Vovox PC插馬仔CDT，Vovox textura 的PC身價約$6k，比我的感覺音色自然、清而有密度、音頻優美、中性的中頻，低頻不多不肥，好易夾機，夾落馬仔度好適中。但如果你喜歡高低深闊強的話，呢條狗會未必吸引到你。我自己就幾喜歡狗夾馬仔的效果，所以插住聽。
由於現在只用條Gigawatt入牆散線比後級，身價只是約二百元／呎，所以試下換走佢睇下能改善多小。
先換上Gutwire 6.1，身價約$7k，D聲明顯冇了粗的感覺，及安靜了，深闊了，gutwire的音色較中性真接，因此也小了Gigawatt的小許優美音色。
之後再換上PAD Aqueous PC插後級，身價約$12k，一開聲便時PAD獨有的特性，柔和、滑、舒服，Aqueous比6.1更深闊及幼細，多了音質上的修飾。
再換上PAD Purist Canorus PC插後級，唔計PAD條25週年，呢條都算係二佬，大佬係Limited。呢條二佬身價約$24k，大家都對呢條線好有期望。
一開聲已感受到高級線材的威力，matt兄已經立刻問呢條係乜牌線，我話咪係PAD，matt話乜同之前條PAD Aqueous差咁多，呢條好好多喎，仲有小小貴氣感。
所以話matt兄識聽及要求高囉，聽咗咁多條線都冇乜出過聲，插呢條二佬，matt兄先有反應。
講返條條二佬，呢條一插後，比之前所試的線確實係優勝好多，能使整體得到全面提升。非常靜，背景能做到黑的感覺，細緻入微，幼細度不錯，音色自然有感情，帶小許甜甜地的感覺，立體感及分隔度大幅改善，控制力方面也是好出色，抵頻量多咗好多，但也能收放自如及貼貼服服。
當然要挑剔的一定仲有，我覺得呢條二佬能將低頻的線條收得更好就更靚了，而音場如再廣闊一點就更正。
玩完咁多條PC之後，matt兄除了喜歡PAD Purist外，第二條喜歡的竟然是條入牆Gigawatt，matt兄話條gigawatt除了小小粗聲外，喜歡其平衡度高，自然感好，C/P值高。而我同matt兄的睇法一樣，所以一直都冇換走條Gigawatt，當我物識到一條好線的就換走佢。
玩完一大輪PC之後，就玩近期好Hit的新奇地盒。聽tomc兄講，呢個地盒要放平，等盒內的沙安靜下來才發揮最好效果。今次分別試左兩兩部分別係前級及CDT，前級有Gound位可直接接地盒，CDT就冇Ground位，所以要鬆開機榖的一粒縲絲以作接駁。Tomc兄所用的接線係Oyaide FTV-510 5N Pure Sliver，頭尾用日本ORB純銅6mm叉頭。
先將地盒接上前級試下，接上後一聽明顯有靜了的感覺，畫面立體咗，分析力好咗，高頻多了及申延多咗，中頻小了。
之後再試接上CDT機榖試下，同樣有靜、立體、多了高頻效果，但發覺效果不及直接接Ground時那麼大反應。
由於未加地盒前已tune好三頻的平衡度，一用了銀線接上地盒後，變得高頻多了引致中抵小了，也小了原有的感情。在我的系統上用銀線並不是最好，可能用銅線較合。
我自己估計，如果你的系統是三頻已頗平衡及分析力高，就最好不要用銀線，用了好大機會偏向多高頻及小了感情。如果係偏厚濛，中低較多，欠高頻，用銀線就幫到手。
總括來說，地盒係有正面作用，但要如果使用得好及如何夾線，就要閣下自己去試了。而小地盒加DIY接線的價錢就玩得過，大盒連的package就好似唔多抵玩。
玩完盒之後就到matt兄放IC狗出來咬我了，一直以來我對IC/SC狗都好有興趣，外間的平價也很高，今日有幸能在自己系統上試，真係好多謝matt兄。matt兄帶來的是Vovox旗艦的Textura IC，身價約萬頭。
將條IC狗換走我用開的Gutwire SI 6 SE，一開聲便是自然、舒服、美妙的音樂、低頻的線條感也出咗，前後的分明感也好咗，完全好夾MEL咁。Gutwire SI 6 SE的表現是快、狠、準、力量好、快起快收，合一些厚慢要力的系統，試完條IC狗後，明顯是比Gutwire更夾我的系統。
之後再玩下串聯先，用Gutwire 6.1 將RSA Duke串上Haley，後級插Duke，而其他就插上Haley上。
串上之後有靜D、定D及控制力好咗的效果，但由於個Haley及MEL前級一放電後便要一段時才叉返起，所以聲音好似冇咁放咁，聽感上冇乜太大驚喜。
此外，由於roxxx兄擔心自己部Modwright 100後級有問題，所以今次抬咗來想試清楚，幸好試完之後佢都安樂晒，以前小弟也用過呢部後級，今日從見舊愛，也覺得部100在其以前的價位是抵玩而質好的。
玩到呢度，望一望已經七點了，又係時間歸家，希望下次有空再玩過，多謝收看。 毒蛇黨{:9_407:} CHING等你喇 好多毒蛇{:8_388:} 本帖最後由 rxooo 於 2012-4-14 20:23 編輯
多謝及辛苦CKW兄今日的招待D野要換來換去又要執位, 今日玩足6個鐘很開心聽到好多很美妙的音樂, 又試了不同的線及分別學到咩叫貴氣哈哈{:1_352:} , 加上我的AMP原來不是有問題個心真的舒服晒(因為真的很擔心)及多謝TOM突登再走多一轉來了家借了個電處及地盒給我試, 雖然都是解決不多我家的問題, 不過TOM兄都比了些意見給我, 雖然我家的器材出來的聲音好平同亂在過我會慢慢來 好多毒蛇
minimoai 發表於 2012-4-14 20:14 http://www.post76.com/discuss/images/common/back.gif
唔止毒蛇，我比隻毒狗咬親，呢次慘....要去打瘋狗針{:9_434:} 見ching試蛇都有排玩！{:6_193:} 回復 5# rxooo
不用客氣，試到唔係後級及線材有事咪安樂D。
大家玩得開心，又靚碟聽，辛苦小小也值得的！ 多謝及辛苦CKW兄今日的招待D野要換來換去又要執位, 今日玩足6個鐘很開心聽到好多很美妙的音樂, 又試了不同 ...
rxooo 發表於 2012-4-14 20:20 http://www.post76.com/discuss/images/common/back.gif
多謝ckw師兄出地方，機，CD ,力及熱情招待。
Matt 兄絕版珍藏CD，質數真一流。
Dee 兄咁遠都撘的士黎參予，真俾面！
仲要多謝rxooo回程順風車。
剛啱先返到屋企，夜d再同大家分享。 係喎，唔記多謝Dee兄的曲奇餅{:6_195:}，下次唔好買嘢上嚟喇，帶對耳來聽下歌，吹下水就夠了。