買咗P記上年55’ LED model (TH-55HX900H)，希望裝機順利啦～

williechu

本想入手49’ 但已冇貨，大一個碼嘅55’ 型號就有，內心掙扎過一輪之後就決定入手。老排連所店豐X買$7,3XX.
好奇怪呢個牌子係要自己打電話約嘅（個Sales 話要貨到咗再自已打電話約）。最後一早送咗貨但係都要約幾日後先裝到機..
部機暫時放喺梳發後面，希望順順利利唔會有光點死點啦～
另外我喺第二度買咗佢嘅原廠掛牆電視架（$1240），係可以活動果一款，師傅嚟裝機嘅時候就會幫我裝上牆。

vincent369

恭喜師兄，正常情況下係大型連鎖店親身買唔倒Panasonic 電視，冇佣，唔招呼你好合理，自己試過問問題，即刻剩係見到背脊，而且距離越來越遠。

rach

用活動架, 有需要時畫面變相可以變大過55吋

williechu

vincent369 發表於 2021-11-4 22:56
恭喜師兄，正常情況下係大型連鎖店親身買唔倒Panasonic 電視，冇佣，唔招呼你好合理，自己試過問問題，即刻 ...

我嘅情況有啲迂迴，我首先喺豐澤嘅網上面同佢哋嘅cm用文字對話，問咗幾次問題，後來唔知係我亂咁制定係佢刻意提供俾我，forward左個我屋企附近分店某職員嘅WhatsApp電話號碼畀我，我就WhatsApp佢想要嘅型號問佢有冇現貨等等，冇幾耐佢覆我話有貨隨時可以order，仲問我係咪即日去order，可以通知同事準備定手續. 我本來覆佢當日唔會去，睇吓邊日有時間先再去。點知當晚自己就去咗，我一同個職員講我嘅情況，佢就知道乜嘢事，原來各位職員已經通知咗佢同店嘅同事預備我隨時會嚟。之後成個過程基本上都係好順暢，冇乜唔愉快嘅事，嗰個職員算係幾貼心，提我用易賞錢可以再平$200，我話我冇，佢仲叫我即刻下載個Apps可以即刻用到。仲有消費券嘅操作又係搞咗一輪最後先成功，過程拖咗佢唔少時間佢都完全冇黑面冇比聲氣我聽.
老實講，之前喺度睇到你哋嘅分享話呢啲連鎖店唔鍾意saleP記, 到我自己嘅經歷又咁順利，都有啲驚喜。

williechu

rach 發表於 2021-11-4 23:02
用活動架, 有需要時畫面變相可以變大過55吋

其實係因為地方狹窄，電視機兩邊放咗對喇叭，距離已經冇得再拉遠，如果坐喺正面嘅咁就冇問題，但係如果係坐喺側邊嘅觀看者就會畀喇叭遮住部份畫面，唯一解決嘅方法就係將部電視拉出啲…

oyama

Pana自己有店, 所以我估其他店不會有佢的貨賣?

樓主只係買架架就$12XX? 定係包埋安裝?

rach

oyama 發表於 2021-11-4 23:19
Pana自己有店, 所以我估其他店不會有佢的貨賣?

樓主只係買架架就$12XX? 定係包埋安裝? ...

我喺人氣店買轉活動架包安裝都要過千蚊😗

vincent369

williechu 發表於 2021-11-4 23:13
我嘅情況有啲迂迴，我首先喺豐澤嘅網上面同佢哋嘅cm用文字對話，問咗幾次問題，後來唔知係我亂咁制定係佢 ...

確實，好招呼，難得。

vincent369

有問信興安裝費收取理據，除人工（2位師傅)，還有保險，因為安裝唔好而引致其他家具損毀亦要賠償。

williechu

vincent369 發表於 2021-11-4 23:57
有問信興安裝費收取理據，除人工（2位師傅)，還有保險，因為安裝唔好而引致其他家具損毀亦要賠償。 ...

我約裝機嘅時候問過cs, 講明冇收安裝費喎～只係一定要用佢哋嘅原廠掛牆架，唔係就唔會裝。我仲問佢哋係咪原廠嘅架就得，唔使攞咗單據係喺邊度買？佢答我係.
呢個活動掛牆假嘅魔刀Number我都係問佢哋確認過先至買. 我唔係喺panshop買嘅～