如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 explorerhk 於 2012-8-27 16:06 編輯
6/6 (星期一)
我剛係星期一上左去華強蘇寧買左55" 連1個3D 鏡啦. 但由於果日係假期關係, 佢地倉出唔切貨所以唔可以即日送貨到門市. 所以我就落左訂, 佢地會過2日送部機去門市, 我就星期六會去驗機, 如果check 過無事就可以安排送返香港. 蘇寧都幾好可以安排托運落香港, 價錢平D, 不過要過多1-2日先到香港, 但不過係唔包送上樓的, 但我估你俾返幾條野 D 哥仔, 佢地會肯幫你送上樓. 我就心急D想即日收機, 我估我好大機會星期六安排7人van 連人帶TV返香港屋企, 貴就貴D, 聽師兄講要$800, 但可以即日有得玩.
蘇寧有度好可以講價, 原價 RMB$25999, 我講到$23600, 即係HK$28800到, 但香港仲係賣緊$54280, 我諗香港點樣discount極都平唔到2皮有多掛, 呵呵!!!
好多人擔心保養問題. 有師兄打過左去Sony HK維修部問過, 電話: 2833-5129
回復如下：
1。只要係sony，就會整。水貨都整。
2。淨睇唔整收600蚊。
3。睇完及整機，連人工為1280。之前600蚊已計入在內。
4。如要換零件就另計。
5。如要運回廠就要收多600蚊。
以上係以55“計. 其實如果你落返香港時有報大陸關羅左報關紙, 有事係可以運返大陸整而唔收關稅的. 不過係就麻煩要令返大陸. 所以我當你係Sony HK整, 當你好黑仔勁壞, 我相信你3年點整都整唔到2皮幾野個Diff, 如果真係黑仔到極點 LCD Panel 壞, 你買過部新model 到時都係2皮幾. 不過呢部野係Sony, 唔係大陸牌子, QC差極都有個泡.
如你想知多d可以email 我 tklaw@net-yan.com
11/6(星期六)
今日10:30到上到華強, 其實我約左司機2:00接我的, 但我驚架機有乜大件事都希望可以夠時間換, 所以第一時間就去驗貨先. 我去到Sales哥哥已經準備擺好左我部機係Counter, 跟住我隊左隻有好多幅單色1920x1080的jpg 去驗機. 個sales哥哥見到仲即時同佢同事講話我好專業喎, 但我心諗其實唔係我專業, 因為唔係香港買機, 有事送返上返大陸麻Q煩, 梗係驗屍咁驗啦. 跟住我就逐幅逐幅睇, 有少少唔好彩我發現左有1點"半死點"但無光點, 果點點解叫做"半死點"係因為係藍色紅色黑色時係見唔到的, 但一出白色青色黃色就見到, 係畫面o既左方, 但唔算太明顯, 跟住我睇左1陣大陸數碼電視都唔覺粒半死點, 跟住sales哥哥仲俾左佢部display機我睇有光點. 我見咁就算啦收左貨, 話晒如果佢肯換都有排等, 仲要新黎果部唔知會唔會仲差. 跟住我試埋Remote Control 無事就pack 返盒. 到左1點半到, 我就走返轉頭俾埋條尾數, sales 哥哥就好好人送多盒清潔套裝俾我, 不過你話盒野價$399, 我打死都唔估, 不過唔洗錢照收. 跟手佢D兄弟就幫我搬部野去樓下上7人Van, 我今次租呢架係Alphard, 800蚊包點對點, 新界九龍就$800, 香港就$900. 架車好大放部55"仲有大把位. 如果有師兄想買65"應該完全無問題. 跟住唔洗10分鐘就到左黃岡, 司機哥哥話今日唔多人走, 所以我連人帶車一齊過關, 跟住我同司機哥哥諗住報關, 因為真係驚部野有大wok野如LED panel 死左, 運返上大陸整就可以唔洗俾錢整, 但如果咁大wok, 係香港整佢除時收你1皮半皮. 但點知問左個關員佢話唔洗報, 佢話如果你有買貨單第時入返黎時show張單就可以, 我同司機哥哥都唔係好信. 跟住到關口再問多另一個關員, 呢個就話其實我係要報的, 不過佢好似都費事攪又叫我地唔洗咁, 咁無計啦佢唔肯攪我地唯有照過. 佢臨走時仲串我仲乜會上陸買電視, 話乜香港唔係平D咩, 司機哥哥就好醒水幫我吹水話係大陸有保養耐D. 跟住過埋香港關又順利通過. 我本身住沙田果面, 由2點係華強走, 去到我屋企樓下都係45分鐘, 出奇地快, 我估可能今日唔塞車啦, 仲快過我平時係旺角返屋企.
今晚玩左成晚我真係睇唔出畫質同香港行貨有冇咁大分別, 如果以咁o既價錢買到Sony 頂級Model, 我完全收晒貨. D黑位好好, latency好低, 睇快野完全唔覺有delay, 個on screen menu 反應超快, 可以用內置解碼器睇晒香港所有數碼台, 仲可以上網睇埋YouTube, 仲有個Bravia Network, 可以睇到Now 同BB100 d channels, 我都真係唔知講乜好. 我試埋3D, 睇頭1-2分鐘隻眼係有少少閃的, 其實都好正常因為幅眼鏡真係不過左閃右閃, 不過過幾左1陣對眼tune返正, 閃爍情況差唔多唔覺. 我先前其實睇過LG個被動式3D眼鏡, 佢係好在真係唔閃, 但個畫面會暗左同唔可以打太斜睇, 畫面黑位同details位更加唔洗同Sony比. 我當初買Sony時都擔心眼鏡閃爍問題, 但今日玩完一排, 完全唔成問題. 其實HX920 仲可以online upgrade Firmware, 我已經更新左啦. 其實有得upgrade 我懷疑可以改做香港行貨Firmware, 不過唔識點改, 希望遲D有師兄教路.
講左咁耐好野, 都講返D唔好野啦. 個on screen menu 無繁中, 得英文同簡中, 我本來都轉左英文, 但問題就係 idTV 個EPG都自己轉埋做英文. 第2係個電插係連機身的, 不過剛發現原本都可以換的, 不過要開蓋.
12/6(星期日)
唔知係唔係我好彩, 剛發覺原本粒"半死點"唔見左, 可能warm up左2日掛, 而家成塊panel 全部正常, 好開心, 真係抵玩!!
13/6(星期一)
好多人問我點解上大陸買機, 係唔係平好多. 所以我都想回應下. 其實大陸買機唔係平只係正常價, 如果你睇返美國, 加拿大, 澳洲都係賣緊30000左右就知香港代理食水深到pk. 佢地時時話人工, 舖租, 成本貴, 咁人地美國, 加拿大, 澳洲呢? 人地個生活水平好似高我地仲多, 你可能唔信, 但你睇下人地麥記一個餐講緊HK$50-60, 但我地香港係人地一半到價錢到, 咁你話人地生意水平係唔係高好多. 如果係咁, 點解人地30000 可以買到機, 我地唔得呢? 答案好明顯就係因為代理食水勁深羅. 所以作為一個消息者我覺得要佢地減價只有一個可能就係唔同佢地買, 仲要俾佢地知我地係大陸買, 等佢知市場係有的, 攪到佢地去唔到貨就會落價, 到下次新貨返佢地定價自然唔會咁進取, 到最後我地就係得益者.
16/6(星期四)
我在連鎖店驗機時會帶幾張全色jpg file (請看附件1080pColor.zip) 測試死點及光點, 每播一張時會check晒成個畫面, 無事就會去播第2張, 直至播晒咁多張為至. 跟住再駁天線接收高清電視, 跟住再驗電視鏡面及機身有沒有花痕, 再試所有機身按鈕有沒有問題, 最後試埋Remote Control 所有鍵及check晒所有附件, 如底座, 鑼絲之類. 如果店員可以俾你就 check 晒咁多個HDMI, USB, RGB 之類插頭就最好check埋.
提一提你記住check 埋黑色果張jpg, 唔好以為無用, 果張可以用黎睇下有冇光點.
18/6(星期六)
今日有時間, post 多幾幅大陸版 HX920 o既畫質俾大家睇下, 自己去188#睇
http://www.post76.com/discuss/vi ... p;extra=#pid1142787
25/6(星期六)
今日得閒又上左去華強買野, 又有新資料 update 大家. 我幫大家行晒順電, 國美問55HX920 價. 結果係國美係無折頭, 賣RMB$ 24999, 我仲要係問左2間國美, 答案一樣. 順電就好少少賣24999 不過有95折, 即係23749. 但如果你去蘇寧搵我個sales 可以有23600. 原來我上次真係好彩, 一入就已經係最平果間. 仲有佢地間間都係無現貨, 即係點都要上2次(1次落訂, 1次去驗貨). 至於大家關心的HX920 65", 店員答我一個月到會有得賣, 不過你聽完價錢後, 唔知你會唔會仲有興趣去買, list price 係買RMB $49999 (即係 ~HK $60974), 但我個人黎講就唔會買啦, 因為俾double 55" 價錢只係買多10", 我覺得就唔係好抵玩, 不過各人有自己想法, 留返俾你地自己諗喇.
我仲有幫大家問埋Samsung, D8000 55"賣RMB 22229, 咁多間都係無65"賣. 雖然價錢一樣係好平, 但如果你想買Samsung, 我建議大家都係香港買, 唔知你地知唔知Samsung 出名QC 差, 死機機會率係俾其他大牌子高, 入廠率同投訴率又高. 你要諗下我地係隔山買牛, 有事運返上去好麻煩, 不過都係留返俾你地自己諗啦.
至於其他牌子, Panasonic 30H, 大陸叫30c, 但好似得50", 再大size未有住. 而LG我無問到, 因為香港已經係咁多隻大牌子最平果隻, 返去買唔係差好多價, 意義不大.
希望以上資料幫到大家, 祝大家早日加入3D大家庭!!
最後分享幾個香港同大陸Samsung 用家奶左野o既post....
http://avbuzz.com/bbs/av/av-thread-120593.html
http://bbs.gz.house.163.com/bbs/complaints/181710544.html
http://avbuzz.com/bbs/av/av-thread-120513.html
http://digital.discuss.com.hk/vi ... &extra=page%3D1
5/7(星期二)
先前有師兄PM我提過有d水貨佬問佢地有冇興趣同佢地買, 我同佢提左幾點, 順便係呢到講埋. 有興趣去29頁 289# post 睇睇
http://www.post76.com/discuss/vi ... ;extra=&page=29
P.S. 自己攪 Sony HK$28500到, Samsung仲平$27500唔洗, 已經包埋中港7人VAN.
9 June 2012(星期六)
我有朋友買電視壞左令返上大陸出事記, 請去#1053
http://www.post76.com/discuss/vi ... extra=&page=106 |
[複製鏈接]
發表於 2011-6-12 10:37
樓主
