尋金夢

awckin

好耐冇出過開箱文，因為真係好耐都冇錢開箱。宜家開嘅都係人地唔要俾我開多次嘅箱

幾過多年努力，終於儲整一套金。雖然都係D入門野，但總算叫做完成咗一個心願。

未用金仔之前係用旦機。那時被旦機嘅厚暖聲，同可以換唔同嘅旦去調聲所吸引。但漸漸發現一d以前鐘意嘅廣東歌聽出來d聲好怪，大棚野比較亂。d聲好似唔係好平衡。有朋友介紹隻bon jovi我聽，一開機一分鐘唔使就換碟。覺得套機開始唔適合自己(其實身痕)

由於自己部dac有前級功能，所以先放咗部旦前籌旗用dac駁旦後聽。感覺係又冷又硬 立即全速放埋部旦後，先上金後550駁dac。但冷硬情況改善不大，開大聲d都覺得炒耳。以為自己賴野，但已洗濕咗個頭唯有再冒險借小耳窿再入埋部金前2110搏一搏。好彩好快已經搵到一部。一駁機鬆一口氣，所有野正常返，冷硬聲冇晒。以前旦機聽唔到個d碟聽得返，知道bon jovi係好野。開始知道自己聽野比較雜，套機要平衡d先得

最初聽唔覺得係升級咗，覺得係換咗唔同牌子，旦機換石機嘅分別。但有師兄指點小弟，話金仔一定要用平衡線同埋最好用返金仔嘅電源線先發揮到套機嘅效果。咁為有硬著頭皮再問小耳窿借多小小攪埋d線。當d線插咗落套機我都呆一呆，點解換線分別好似仲大過換機嘅 所有野都好似提升咗一個層次，覺得自己套野升咗級。以前用旦機始終覺得有層霧，宜家冇咗，清楚聽到各種樂器，人聲薄咗但相對可以聽得出歌手同樂器嘅層次。高音，中音，低層分配明顯咗，去得盡咗。可能由旦旦轉石機嘅關係，始終覺得乾d同太過工整。前級個tone control又幫到手，攪個treble去1就解決到。

故事去到呢度本來告一段落。呢次換機已換來一身債，要為生活打拼。但hifi嘅野，聽得幾年硬係覺得有d野差小小，攪到個pat pat又痕(唔知點解唔係耳仔)

今次又覺得套野好似薄聲得滯。身邊損友又話一套金仔點好點好點啱我。又遇到日元大跌d機好似平咗唔小。係種種客觀因素(籍口)下，做就咗部510唔知點解入咗門{:9_407:} 。換咗510，Treble唔需要再較到1都唔覺乾。樂器，人聲，定位，高低申延都修飾得好清楚，好明顯聽到個分別。所有野都細緻咗。

小弟讀得書小又木耳，寫唔到d咩聽感。但到希望同大家分享吓換機嘅過程同喜悅

希望快d有多d金仔用家分享吓


前級用2110




後級用550



CDP用510



全家福

hinh200hk

師兄真富貴。

3g184

一家團聚

edm230

入坑的過程
(Post76 Android 手機版送出)

喜喜天使

全金人呀

dicky0411

金前金後
我也很想上啊

terryc

又一位擁有齊“金前金後金CDP配二千”的……真金錢幫高手

wklie

Good report!

I also feel that "大棚野比較亂" for my case - is this typical for inexpensive tube power amp (300B 8w)?

sharkpigyu

恭喜Ching 好正嘅report!!

beerboy

聽講你玩膠喎.......