剎那光輝 唔代表永恒~XBOX ONE或失去兩款頭號獨佔作品支持

@肥狗仔@

早前MS為咗挽回劣勢以及為黎緊嘅"亞洲之行"奠下銷售基礎，宣佈推出齋機版XBOX ONE，使到XBO及PS4的價格一下子拉近至同一水平。事實上當MS連珠炮發釋出一系列的救亡行動，包括閹割Kinect，推出不用連接Kinect的SDK還有嗰個對Kinect隻字不提的E3 2014發佈會，行內人都認為Kinect哩個體感硬件都係用於學界或者其他應用科技範疇上黎得實際。不過對一班比多100美金入手嘅玩家黎講直頭中左一大伏。如今看來，中伏嘅範圍唔單止係硬件上高，就連遊戲都無一幸免。

此因由XBO獨佔的首年鎮山之寶《Titanfall》還有《Ryse: Son of Rome》的續作將不會再由XBO獨佔，甚至消失於無影。根據Kotaku的報導，陷入財政危機的Crytek近排不旦遲出粮俾員工，其全球各地的工作室亦正逐一取消手頭上的遊戲開發計劃，包括Ryse的續作。其中有幾個Crytek員工爆料，在開發完Ryse之後Crytek就冇繼續為MS工作，而後者更無再寄資票過去，過中原因係基於Crytek與該遊戲的"版權持有人"之間出現分歧，導致Crytek無辨法唔取消項目。之後，欠薪情況就每下愈況。

當然Crytek唔做姐，MS大可以搵其他公司接手，不過當XBO本年度嘅主力都話要跳槽就真係雪上加霜喇。其實早喺《Titanfall》未推出之前EA都講明冇排除遊戲會登陸PS4，而在早兩日CVG對Respawn Entertainment所作的訪談中，Respawn的營運總監Dusty Welch更暗示將會在PS4推出遊戲: "我們喜愛PS4這個平台，也好喜歡玩PS4。為了向前邁向，我們當然會考慮所有對我們遊戲有利的平台。縱使現階段不能成事，但PS4已經成為我們未來發展的一部份。"

之後Dusty補充道自己好欣賞MS對XBOX ONE的減價戰略，有打完場之意。但轉頭又指PS4之所以站在領導者位置係因為該主機為製作人提供比PS3更好的開發環境。唉，其實就咁睇《Titanfall》新作或者係Respawn的原創新作登陸PS4主機經已成為事實。今年XBOX ONE或者仲有獨佔遊戲上嘅優勢，不過打後一兩年就唔保證一兩款HALO或者戰爭機器可唔可以頂得住PS4的獨佔大軍，特別後者早在《審判日》嘅時候已顯得明日黃花。

michael.t

Ryse 唔再獨佔其實都冇蝕底 隻Game 其實真係幾無聊兼重複

但係好多人呢半年買xbox one真係因為為玩Titanfall而起

如果唔再係獨佔xbox one 真係等Halo 5 打救？

粗人敵卡

Xbox One前景

jamesbond168

xone仲有三大皇牌，HALO 5, GEARS OF WAR, and FORZA,三隻輪住出都頂得住！

DVD迷

自己取來衰，出行機慢，搞到一班支持者走晒去玩ps4

inagawa

DVD迷 發表於 2014-6-29 10:34
自己取來衰，出行機慢，搞到一班支持者走晒去玩ps4

spec 差過人， Kinect 搵老襯，出機獨佔無睇頭，所謂大作全部似試玩多過似完成作。
(Post76 Android 手機版送出)

原明

唉…出機遲…致命傷…

@肥狗仔@

其實次世代機首年計獨佔game黎講XBO真心贏PS4。首發有DR3，Ryse同Forza5。年中有Titanfall，年尾又Sunset又Fable又HALO。只不過睇完E3感覺XBO出年真係想搵HALO5頂全年。

newcarr

DVD迷 發表於 2014-6-29 10:34
自己取來衰，出行機慢，搞到一班支持者走晒去玩ps4

贊同，我身邊都有1-2個轉左ps4...