親手捨棄親生仔?蓋茨開腔支持微軟出售XBOX業務

@肥狗仔@

回帶到2000年，當MS主席比爾.蓋茨公佈第一代XBOX的原型機嘅時候，佢又有冇唸過14年後嘅今日佢會冷酷無情地將哩個親生仔逐出家門? 近年技術微軟面對唔少挑戰，包括人材流失﹑云端開發﹑手機市場，還有與iOS,Android等作業系統的競爭。如此多災多難嘅情況下仲可以推出到次世代主機XBOX ONE對某啲人而言簡直就係個奇蹟。或者因為哩個原因，自去年XBO推出以來，不論係新CEO Satya Nadella定還是MS的股東都希望公司能夠早日撇甩哩舊唔太賺錢嘅負資產。而今日，連退居二線的蓋茨都開口表示支持。

根據Fox Business Network最近一次訪談，蓋茨表示: "我們一直在談論PC遊戲，Windows遊戲還有XBOX遊戲，並嘗試把他們集結成一體。而當PC顯卡晶片愈黎愈勁嘅時候，意味住你就可以得到更好嘅畫面。我肯定Satya與佢嘅團隊會在這方面出發，這取決於他們。不過我們必須考慮到整體的遊戲策略，這並沒有一個太肯定的答案。" 而被問到會否支持Satya出售XBOX業務時，蓋茨竟毫不猶豫地話"當然"。

除了XBOX，蓋茨還為另一個要被拋售的大熱 — Bing表態。相比起前者，蓋茨出奇的肯定Bing為公司帶來的利益與前景: "Bing技術現在已經成為讓我們去了解如何構建大型數據處理中心的關鍵。它能夠讓我們了解用戶的興趣。包括當用戶輸入文字時究竟他們想要得出什麼結果，我們都希望能夠知曉一切。所以我認為這是對公司非常重要的基礎。那怕它只是個文書處理的工具，但Bing仍然是非常非常核心的產品。 我們曾經有考慮過應否出售Bing，但經過一系列的研究後，包括Bing所包含的東西，我睇唔到有咩理由要賣咗佢。"

其實除咗XBOX360之外，MS的平台遊戲包括XBOX一代，Games of Windows都冇得什麼成功。睇返XBO個走勢，自從網絡平台計劃下台後，XBO就淪為一部加強版嘅XB360。由開售到現在感覺MS好似失去所有活力一樣。可能9月的來華大計會為MS打下強心針。但最近有分析指XBO的如意算盤未必打得響。此因內地玩家早已習慣買水貨機，再加上內地審查制度嚴苛，唔少暴力或涉及敏感題材的遊戲(BF4?)有機會被拒諸門外。就算MS想做機頂盒生意，亦好難鬥得過小米盒子哩類地頭王。唸多兩唸，也許今次蓋茨的言論亦不無道理。

marcolau

據我所知，佢意思係將XBOX變成一間公司，成為MS子公司，使MS集中在電腦上。而XBOX就交由而加救亡果條友(唔記得個名)身上。
而加拆Kinect及強化措施都係果條友上場所為。

@肥狗仔@

marcolau 發表於 2014-5-17 16:38
據我所知，佢意思係將XBOX變成一間公司，成為MS子公司，使MS集中在電腦上。而XBOX就交由而加救亡果條友(唔 ...

佢冇幾耐前已經重組左XBOX部門，應該唔會再分拆出去吧。哩家MS行mobile platform+cloud政策，後者已經預備喺XBO做輔助運算。加上我唸到時《HALO5》應該係DX12走唔甩，潛力未必好似外界講到咁灰。Kinect果度佢XBO唔用PC都大有作為。其實相比SONY，MS情況好好多了，只係有時搞唔清佢點解咁鍾意玩統一API。明明就係部機唔受歡迎，佢收購Nokia算係相對明智嘅決定。

marcolau

@肥狗仔@ 發表於 2014-5-20 00:52
佢冇幾耐前已經重組左XBOX部門，應該唔會再分拆出去吧。哩家MS行mobile platform+cloud政策，後者已經預 ...

分拆單野係佢自己講，只係不知訪談版或翻譯出了什麼問題。
其實鬼佬一般對救亡果條友做CEO及XBOX獨立唔駛畀MS個白痴指點江山是正面的，感覺是有新希望。

潛力一向我都認為有，但市場並不會睇潛力，鬼佬唔買都唔係因為佢部機，而係市場策略問題，只是有競爭先有進步。
對我而言，XBOX市場唔惦，P4個ONLINE收錢都係唔得，所以唔似以前可傾向一部機，玩法變成單機P4，ONLINE就XBO。

@肥狗仔@

marcolau 發表於 2014-5-20 11:54
分拆單野係佢自己講，只係不知訪談版或翻譯出了什麼問題。
其實鬼佬一般對救亡果條友做CEO及XBOX獨立唔駛 ...

嗯，咁或者係兩單新聞黎。哩篇訪談節錄冇提過以外的東西，段片太長我亦冇時間睇。不過打機我都係傾向手掣主導，獨佔冇得講。我唸我會買XBO先過PS4。哩家睇吓入唔入埋Kinect姐。

marcolau

@肥狗仔@ 發表於 2014-5-21 00:13
嗯，咁或者係兩單新聞黎。哩篇訪談節錄冇提過以外的東西，段片太長我亦冇時間睇。不過打機我都係傾向手掣 ...

手掣，P4冇得比，不知為何 SONY 始終都不向人體工學方面開發手掣，而且P4的亦相當"化學"。
我就比較傾向ONLINE，所以P4本不是首選，只係當時XBO無了期.....。

michael.t

marcolau 發表於 2014-5-21 15:05
手掣，P4冇得比，不知為何 SONY 始終都不向人體工學方面開發手掣，而且P4的亦相當"化學"。
我就比較傾向O ...

我又唔係好同意

Dualshock 4 係一個大進步

真係幾岩手形 同埋真係好舒服

相反XBO 手掣D人就話比XB360反而係退步

我就真係Dualshock 4 真係有比心機去追求人體工學

marcolau

michael.t 發表於 2014-5-21 19:54
我又唔係好同意

Dualshock 4 係一個大進步

其實我唔知你有咩好唔同意，MS出名玩人體工學，而 xbox 人體工學手掣係攞獎嘅設計，有得唔同意嘅咩....?

網上面D人好多都話 Dualshock 更"接近"人體工學，好心果D人啦，唔識就睇吓人體工學相關文章，好揸手左唔得於人體工學，人體工學其中要求係長時間使用而不感到過份疲勞或不適，這點至今 Dualshock 系列都做唔到，因為SONY一直堅持 L3 要放到較中間位置。都仲未計佢 Dualshock 對應遊戲範疇有幾大，因為暫時GAME太少。

L3擺位玩得耐會手痛及唔順手，如P3一樣如果打SF係好難出昇。Option掣難按，所以有D GAME如Trials Fusion就直接將 touch pad 做START掣，而L2同R2本身是改良了，但可惜"化學"，好多人都會出現吱吱聲或壞了。

XBO未買，所以不評論，朋友回應都係話冇以前咁好，因為LT同RT緊了，只係用力一點，不會影響長時間打機。