DIY CLASS D家訪後感分享

pac

今天很高興能和各參與師兄分享各器材及心得 ，各師兄也很投入。除試聽class d mono推kef 205/2的感覺，也試試剛入手的KRELL PHANTOM 3前級加地盒在兩聲道及AV上的改善。在此希望各參與師兄能分享給其他師兄今天的所見所聞 。最後特別鳴謝TST123師兄帶夾釘墊和各師兄分享



多謝各位師兄加分

giseegoobi

出個優先報告先！正！
當然一個正字唔夠啦！
「如果要比一個限額，我要用一萬個正」

pac

giseegoobi 發表於 2014-3-16 22:11
出個優先報告先！正！
當然一個正字唔夠啦！
「如果要比一個限額，我要用一萬個正」 ...

你插隊搶先試聽KRELL phantom 3的

timmy

由於IPAD打得太慢, 即時開電腦處理一下

mantam121

大家睇睇第一張相，各位師兄聽到"目定口呆",就知道係集體中毒，又要揾解藥啦。
多謝PAC師兄招待，洗小弟獲益良多。

pac

mantam121 發表於 2014-3-16 22:27
大家睇睇第一張相，各位師兄聽到"目定口呆",就知道係集體中毒，又要揾解藥啦。
多謝PAC師兄招待， ...

希望各師兄中毒不忘開心呀

guly

各位大佬見慣世面抗毒能力咁高都攪成咁, 睇怕今次避得過中毒, 肯定是一次大損失

timmy

首先多謝PAC HING既招呼
講返正題 , 今天係初次到 PAC HING 家人家訪 , 之前間中有跟PAC HING 作網上交流 , 亦有留意其器材
亦好欣賞PAC HING 既家庭影院環境及設定 , 一入屋 , 全屋既器材已十分吸引 , 由其係家中完全沒有電視 , 而換來是一個大大的梗幕
到了家訪活動正式開始 , 先由PAC HING 專業而細心講解家中器材 , 細心留意既CHING應有留意到 , PAC HING 家中是沒有任何影音播放機 , 包括 CD 機及藍光機 , 全都使用CAS 及 電腦系統處理
今天既主角當然係重點既兩聲道系統 , 由CAS訊源 > TEAC 501 DAC ( 已經摩改) > KRELL PHANTOM 3 前級 > DIY CLASS D MONO 後級 > KEF 205 喇叭
首先PAC HING 已安排了 4,5首歌 , 主要試女聲 / 音場 / 定位 / DSD / LPCD 等等 ( 歌名不作詳述 )
先講講第一感覺 , 發現呢對DIY CLASS D 後級 , 完全有別於一般的感覺 , 除了量感充足外 , 還有一份肉地 , 比之前感覺的CLASS D 比較干同薄完全不同 , 同時間亦留有CLASS D 的速感 , 試播各種不同類型的歌曲都十分有音樂感
同時再講講另一大主角 , KEF 205 , 分析力十分好 , 低音效果極之好 , 豐富得來而且十分好線條 , 高音亦係此喇叭的一大優點 , 還原度 , 分析力 , 音場都十分之好
再講講部經過摩改的501 DAC ( 據知只係摩改費已貴過部機身價 )  , 比我之前係出面試聽過的原裝501十分不同 ,原裝501比我感覺比較硬聲 , 而家摩改後的501完完全全唔同聲底
再講講部KRELL PHANTOM 3前級 , 雖然部機只有開箱幾日 , 仍有很大的進步空間 , 但現時感覺已十分良好 , 音控做得非常好 , 同時感覺整體分析同各頻段都好好 , 期待煲好後的表現 , 希望有機會再聽聽

timmy

同時亦好多謝釘皇tmt123 大師兄帶了三款不同的釘墊來玩 , 據知各套釘墊身價都不便宜 , 最貴一套5千多
係試聽完PAC HING 既設定後 , 我地就開始試玩呢幾套釘 , 係 PAC HING 既器材中 , 對各套釘墊反應都好大 , 而且出來既反映亦好明顯 , 最大感覺係當初放前級同DAC 時 , 大家都感覺到高音申延及量都大左好多 , 大到有點覺得直插耳膜 , 後來將兩套釘調轉放 , 出黎效果又即時完全唔同 , 據知放係DAC同前級既釘主要用來調教聚焦 , 另一款有兩套完全一樣的 , 主要用來修低音線條 , 放係後級後 , 整體線條明顯收得更順 , 沒有過肥感覺
係呢個環節 , 比我對各種不同墊物出黎有不同效果又上了一課

pac

timmy 發表於 2014-3-16 22:48
首先多謝PAC HING既招呼
講返正題 , 今天係初次到 PAC HING 家人家訪 , 之前間中有跟PAC HING 作 ...

非常多謝師兄分享。希望