C兄們...如果依家買xbox360會唔會好遲呢????

wantai288

同上

@肥狗仔@

其實好多人喺PS3岩岩出果陣先買PS2，所以個人角度買機唔會話遲唔遲，只係軟件向問題，除非部機停產。哩家買X360會有好多game玩而且部機亦好平，不過若果只係考慮到遊戲數量或者主機售價就唔需要唸咁多。我假設你係問X720同X360買邊部好D，因為之前有傳MS會喺4月尾公佈次世代主機(X720?)，哩家已經係3月中，比我會等多一陣睇吓次世代XBOX有咩板斧先算，到時候你或者會有幾個因素要考慮:

首先睇你想玩咩game，如果係想買某D日系遊戲，好似無雙﹑機戰...咁你可以考慮買X360。事實上無雙機戰哩D喺次世代會有咩畫面進步大家心裡有數，PS3上面有幾多隻機戰大家都好清楚，若果日後真係會有相關遊戲咁好彩喺次世代主機上推出，咁可以肯定至少一兩年內佢地都會出埋PS3/X360甚至PSV版本，哩點唔單止係日系遊戲，相信唔少歐美game都會咁做，因為龐大嘅開發支出實在需要裝機量多嘅平台支持。但要知道嘅係哩家已經好少上述嘅日系game會登陸X360平台，特別係咩機戰﹑魔界戰記類型遊戲。

第二，獨佔遊戲。多平台遊戲可能會跨世代推出，但獨佔遊戲就好少有咁嘅情況(高清版除外)，X360嘅獨佔大作有HALO, Gears of War, Fable哩D，而相關王牌IP去到X720都肯定會推出新嘅獨佔作品。所以你的確要唸唸哩一類獨佔作品究竟吸唔吸引。因為次世代畫面一定高出唔少，同樣係獨佔作品我都會揀個畫面好D。當中已經唔計係X720先有嘅獨佔遊戲。

第三，畫面。當年X360出左之後，遊戲畫面就黎咗一次飛躍，唔係因為當年PC硬件做唔到果種畫面，而係軟件追唔上。哩家PS3/X360已經出左六﹑七年，近年所有多平台遊戲嘅PC版都要比家用機要優勝得多，而所涉及嘅硬件需求亦都愈來愈高。反映去到哩家新舊主機交接期，PC無論係硬件定軟件都已經超越家用機好多，就算係PS4/X720，你睇返果堆正式/傳聞嘅硬件規格都唔見得比哩家六﹑七千蚊嘅PC強去邊。特別好多製作人都表示次世代機會貼近PC規格(不論係硬件定開發環境上)。最壞情況係唔洗一兩年已經有多幾款相等於當年《Crysis》嘅遊戲將次世代主機甩開。如果你唔受獨佔遊戲誘惑，而你部PC又可能已經去到i5~GTX560級別的話，你最好都係等多陣或者直接無視X360。因為你可以駕馭現時所有X360遊戲之餘，你仲要考慮埋日後究竟係入一部次世代主機定一張顯卡化算。

第四，向下兼容。PS4已經證實唔可以玩返PS3嘅遊戲碟，至於X720可唔可以就到時先知。如果可以兼容的話，咁買X720會著數D，因為兩個世代嘅遊戲通殺。即使X720對X360嘅遊戲兼容唔夠全面，但相信比較賣座嘅遊戲MS都會對其作出兼容。

第五，硬件周邊。X720肯定會有更強大嘅Kinect推出，話唔埋會成為標準配件，若果係咁的話咁日後嘅遊戲對Kinect支援會比X360有更大不同，玩法相信會更多。而且據說X720會引入AR技術，我唔知佢係戴頭盔果隻定點樣，但近年MS喺相關技術上都有好多動作，如果X720話唔用的話我都唔信。站在可玩性角度，入新機會更好(當然睇返佢係咩黎)。

*始終哩家X360嘅軟件量已經足夠你玩上好幾年，但當次世代機推出左之後你仲會唔會對D舊game咁有興趣，哩點真係要問問自己。所以都係果句，等多一﹑兩個月睇吓MS有咩公佈先算。

原明

Welcome to xbox

wantai288

@肥狗仔@ 發表於 2013-3-17 11:52
其實好多人喺PS3岩岩出果陣先買PS2，所以個人角度買機唔會話遲唔遲，只係軟件向問題，除非部機停產。哩家買 ...

c兄 謝謝幫忙

@肥狗仔@

wantai288 發表於 2013-3-17 19:33
c兄 謝謝幫忙

唔洗客氣^^希望幫到你

阿定

就算下個月出XB720，都一定貴，少Game，不如現在玩360，玩盡市面有的Game好過！

除非好似我呢d咁，新Game一出，只會玩新Game，舊Game完全唔會再玩，否則無理由唔買XBOX360，等720出！

zero981210

簡單，你數到十幾二十隻你想玩而又未斷市仲買到兼且買得落手既xbox game的話，go ahead~
如果得三四隻/好多都搵吾到/覺得貴到買吾落手的話，忍一忍手睇下黎緊新世代xbox有冇可能支援番360既game先law

出新機吾知舊機有冇得減呢?