《老表,你好嘢》+王菀之《Atmosphere》睇/聽後感

tinsly · 發表於 2013-2-9 04:20

本帖最後由 tinsly 於 2013-2-11 04:07 編輯

小弟無追本地電視劇差不多十幾年,上一套係《男親女愛》
但近日能夠打爛齋砵,追師奶台劇集,甚至令我中晒毒,晚晚等MY TV重播,放假寧願安座家中睇電視.
《老表你好嘢》

就全因兩位女神:

萬綺雯

萬綺雯,純觀感享受,長腿姐姐,防腐劑,好索!!!!

王菀之

王菀之,小弟一直十分欣賞她音樂,她別樹一格的創作,她完美的聲線.
今次《老表,你好野》,王菀之首次拍劇,她飾演晴晴,好可愛,好令人討好,相信無觀眾會討厭晴晴.
角色上已幫了IVANA,易入屋,加上她本身也是可愛底,從之前專輯《Read My Senses...》的HIDDEN TRACK《The Girl From Ipanema》可見嗰種真性情真係好SWEET,嗰下「BYE,BYE~」真係好窩心.
因此「晴晴」角色IVANA絕對拿揑得到!!!!
不過王菀之的音樂創作,與「晴晴」入屋型完全相反,藝術感好強,並不完全大眾化,型格行先.
最佳例子:
《留白》
[YoutubeHD]GlNDyGONsXI[/YoutubeHD]

《畫意》
[YoutubeHD]MfvbIYFBCq4[/YoutubeHD]

《最好的》
[YoutubeHD]Y98x6TkSX9c[/YoutubeHD]

講多少少劇評,《老表,你好野》頭幾集係好出色,串盡中港文化差異,但到中段又變回老土TVB劇,只是每集都總有笑位,留住班觀眾.
不過我好欣賞《老表,你好野》,每集都一定有一個道理教大家.
如最近幾集所講的「信任是要時間才鍊成」、「從他人角度看事情」、「信任=愛情」……
每晚睇完都釋懷一回,用輕鬆態度,引出一堆人生大哲理,與一般為劇情延續而延續的TVB公式劇有所不同.
《老表,你好野》你未必會有種吊癮要不停睇,唔想停的感覺.
但得來一種每晚會準時,慢慢享受其「和諧」氣紛的歡樂時刻.

劇中引用了不少流行歌曲,最大熱非王菀之作曲作詞,寫畀歌神的《我真的受傷了》
[YoutubeHD]yVvXnF0WPpE[/YoutubeHD]
[YoutubeHD]16pEYi7706o[/YoutubeHD]

我都因此劇,REPEAT聽了很多次.
歌詞簡單,完全表達失戀根本沒有再多餘思考,「人是不快樂」

tinsly · 發表於 2013-2-9 04:21

本帖最後由 tinsly 於 2013-2-11 02:40 編輯

《老表你好野》除了兩位女神外,另一吸引我繼續睇,係加插了不少歌唱情節,小弟係一個聽歌狂人,完全啱晒我!!!!
而且選曲仲幾到肉,完全配合劇情和鏡頭,明顯有細心計算過,絕非「無線精神,是是但但」
大多歌唱情節為王菀之主導,可以畀大眾欣賞及認識何謂天賴.雖則她無厘頭奪得過「亞太區女歌手」,但大眾對她認識很淺,至少不是家家戶戶都知「王菀之」這歌手………
劇中歌唱情節最令人催淚,非上文提及的《我真的受傷了》莫屬,
但亦有一段我好欣賞的,是翻唱歌神《你的名字我的姓氏》
望住嗰種矛盾,個心真係好痛.一首如此甜蜜歌曲,可以搞到極端凄涼,導演記一功!!!
[YoutubeHD]yyueRp1T_Ew[/YoutubeHD]

但最令我深刻就一定係這首:
[YoutubeHD]g8gS24J3NXs[/YoutubeHD]
小弟年紀淺,都係TVB重播時睇返《表錯七日情》,先認識《一段情》這曲.

不過我聽得最多嘅版本,非鍾鎭濤先生原版,而係與蘇永康合唱的JAZZ版《一段情》
[YoutubeHD]UzM3tkOJmLw[/YoutubeHD]

小弟覺得這版本憂鬱感覺,更配合分歌詞內容.
男仕表達這份詞會覺得:「追唔到個女仔或被女伴拋棄,慨嘆何解快樂時光何奇短?」
而王菀之獨唱版本則唱出令一個效果,令我感覺出:「明知短暫,何不更珍惜這刻?」

劇尾段又多段OH BABY合唱版,留意!!!王菀之係重新再錄過.
[YoutubeHD]CvyhmbCiij0[/YoutubeHD]
合唱版係明顯唱得硬淨點,沒有獨唱版咁甜.
因為OH BABY合唱版嘅態度係勉勵堅強,不是沉醉愛河中!!!
這就是一個職業歌手,與及一群有要求的電視製作團隊,所顯生的典範.在這細微情節都看清,值得尊敬!!!

到劇結尾一幕,終則打破了TVB劇爛尾的慣例.
雖則都係一慣「一家人開開心心BBQ式結尾」,但個氣紛和用法卻完全有心思去設計.
用一個極奇老土MV式拍攝,配上王菀之演繹鄧麗君小姐《但願人長久》,演唱前王菀之更演說出此劇最大中心思想,令一些領悟力較低的人「你唔明,都講到明畀你聽」,未鬼再投訴喇,「和諧」!!!!!
[YoutubeHD]glCSmXm9AQk[/YoutubeHD]
當然翻唱版本中,王菀之真係難敵天后王菲………

不過你睇晒全套劇後,睇住這個本應溫馨又舒服的MV作結尾,應該幾無憾.
但王菀之這較怨的唱法來演唱,卻令大家多了種依依不捨「芝晴」………

tinsly · 發表於 2013-2-9 04:22

本帖最後由 tinsly 於 2013-2-11 04:09 編輯

《老表你好嘢》令我完全改觀了王袓藍先生.
之前小弟覺得他純扮野笑医,沒甚好感,甚至有點討厭………
但這劇他有份編劇,很多笑位他都出了力,還有演技雖則浮誇,但也誇得合理,特別在鄕音處理確用心研究,他全劇D鄕音都好統一,唔會上次講錯,今次講啱………「你」字讀成「禮」!!!
在《我真的受傷了》中,他原來唱歌也不錯,我都入了他新碟.

另一亮點係「潮潮」,音樂四小強最唔起眼的一人,但小弟一路都幾欣賞他.
劇中嗰種極端人格分裂,但又十分寫實的「潮潮」,張繼總發揮得不錯,嗰種世界仔又乞人憎的角色,以一個流行音樂歌手應該唔會接嚟做,但他又肯,又做得很,讃!!!
但我都較愛他作曲多點………

最後一點,也是重點!!!!!
這套劇殿定王菀之正式是我的女神了!!!!

王菀之《Atmosphere》EP碟評

王菀之之前推出兩隻狂炒的SINGLE,令大家CD愛好者突然留意起她.
今次「聚望所歸」出隻合集《Atmosphere》EP
《 Atmosphere》由封面設計「霧」、「水」《MADE OF WATER》、「雪」《留白》、「風」《皇后餐廳》
四合而成,碟中也相應各主題,拍下各種藝術感極強的主題相片,值得珍藏!!!特別「霧」篇,好靚!!!!
歌曲方面更首次演唱他人創作的歌曲,但有趣地三首主題歌的旋律,都好有王菀之風格,又另類又藝術,因而不會失去真正的王菀之.
甚至BOUNS TRACK《生命之花》,也是很配合王菀之這種超脫的氣質.
雖然得四首歌,但四首都是頂級作品,完全體現「貴精不貴多」!!!!

不過更令我驚訝係隻DVD!!!
極度極度極度極度極度極度好好睇!!!!
三首好靚的MV,特別《皇后餐廳》個MOOD好正,極唏噓!!!
[YoutubeHD]Q_qovInViZw[/YoutubeHD]

個“MOOV Idol Cafe LIVE”才是最大亮點!!!
一個朗誦+唱歌的LIVE SHOW,談論「愛情」.
將《留白》和《MADE OF WATER》編曲極奇複雜的歌,變成acoustic,完全無諗到效果係咁神奇!!!
特別首《留白》完全令人墮進另一空間般,感染力遠勝原版!!!
朗誦部分,可能因觸感傷情,王菀之也有點想哭的感覺,演繹時更令大家心更痛更悒~
短短三十分鐘的LIVE SHOW,王菀之令大家迷失了三十分鐘沉重的愛情世界………

最後小弟好希望《老表你好嘢》推出BLU-RAY和OST!!!