影音半分家 Report...

yuppi

一般人買咗新玩具都多數有讚冇彈（我自己都係），除非新玩具好明顯比以前差, 否則好少人會認自己買錯野咁笨（因為錢已經駛咗），影音半分家已經個幾禮拜，其間聽過四次示範（包括兩聲道及多聲道, 設備由十幾萬至二百幾萬）去比較吓自己套設備，心情都平復得七七八八，係時間 report 吓。

=============================================================================

前言:

其實自己一路以來聽歌睇戲都係五十五十, 一直都想改善一下聽歌表現, 所以年中我呢個收入吾高既窮鬼用咗個幾月糧買咗對座地聽歌。



http://post76.hk/forum.php?mod=v ... 327&fromuid=591

換咗喇叭之後空間感同包圍感有明顯提升，兩聲道不嬲吾係我專長，如果吾係有明顯分別，自己對木耳更加係分別吾出。。。。

可能好多Ｃｈｉｎｇ同小弟一樣本身都有點固執，認為同級ＡＶ　ＡＭＰ聽歌未必比兩聲道差，而小弟每次去店舖試喇叭都係用 AV amp 或者七八千蚊既兩聲道推喇叭，坦白講我呢對木耳真係吾覺有咩分別。所以呢個計劃一直拖住。。。。

直至上次同班Ｃｈｉｎｇ食飯，成台人都鬧我用５００９推我對前置係浪費咗佢，仲教我要兩聲道靚聲吾應該加後級，最平方法係加合併，於是我心中果團火又黎啦。。。

==========================================================================

再試Ｑ穴：

Ｑ姐，我個ｒｅｐｏｒｔ黎啦，吾岩聽咪打面。。。

之前去過Ｑ穴一次，坦白講佢既ＳＭ雙低音係我聽過咁多套設備中最有質感既，只你成套系統比較乾燥，聽得耐個人會有有少少燥。
而兩聲道方面，佢用 TEAC VRDS-10＋Luxman 505U＋DALI ikon7, 音場比較窄及乾燥，相比自己套 BDP-95＋5009＋P6 各方面都比較好。

我次去Ｑ穴既分別係Ｑ姐換走部 505U 以 S330i代替，另外再加多隻 KK MX-5000 玩ＳＭＫ三拾仔。。。

兩聲道方面，音埸明顯比以前闊咗，聲音比以前濕潤有感情，只係高音冇以前咁出，不過我覺得係好處，聽耐Ｄ個人都冇咁快倦，最誇張係佢隻 ikon7 低音，好似索咗Ｋ咁，野野都好大力，當時好驚佢爆喇叭。。

至於多聲道方面，低音吾講啦，因為加多隻 KK MX-5000 之後已經接近完美，反而整個音色有驚喜，冇哂以前既乾燥感，聲音比以前濕潤但冇減少分析力，呢個已經吾係ＹＡＭＡＨＡa既聲底，我當時真係Ｏ哂咀。。。。

當時在坐仲有一位之前用緊 Luxman 509U 既"神"Ｃｈｉｎｇ，Luxman 509U (arround 50k) 係我既終極夢想，點知佢竟然賣 509U 降 grade 玩 S300i，我係時候要做野啦。。。

=====================================================================

開箱文：

http://post76.hk/forum.php?mod=v ... 827&fromuid=591

==========================================================================

兩聲道ＲＥＰＯＲＴ用後感：

首先參考一吓兩部ＡＭＰ火力及日本售價：


TX-NR5009:

367,500日元

兩聲道輸出：145W／８ohm (實際量度約 135W)

Damping Factor: 60


S-300i:

399,000日元

兩聲道輸出：150W／８ohm (實際量度約 185W)

Damping Factor: 75~100



Ｐ６前置喇叭: 89dB，15 - 250 Watts


其實兩部機數字上火力（兩聲道計）係差不多，只係５００９報大少少數，而Ｓ－３００ｉ報細少少數，呢個就係好多Ｃｈｉｎｇ所講既日本ＡＭＰ成日報大數。。。

因為本身隻座地吾係好難推，有成89dB，５００９本身有１３５Ｗ都控制到我對Ｐ６好好，所以兩聲道計，兩部機分別吾係太大，硬要比較只係Ｓ－３００ｉ比５００９推得輕鬆少少。

至於音色方面就立見真章，５００９聲歌一點都吾差，坦白講有五六千蚊合併機既質數，但一比起３００ｉ，聲音明顯比較暗同乾，而３００ｉ音場會更加闊，更加音分析力同感情。好似阿銀話齋：３００ｉ係用丹田氣唱歌，５００９係吾識用氣咁嗌出黎。。。真係一聽番吾到轉頭，５００９音色輸哂。
不過３００ｉ有一個奇怪現象，用ＲＣＡ輸入時人聲集中哂響中間一點，坐側少少都知道自己坐吾正中。

跟住再試３００ｉ平衡輸入，　無論分析力，音場，濕潤感及Ｓ／Ｎ感都比ＲＣＡ輸入輸入優勝，只係人聲再冇咁集中哂響中間一點，比ＲＣＡ輸入闊ＤＤ，邊個比較好就真係見仁見智。。。

最後再上試５００９前級俾３００ｉ後級聽歌，分析力及音場冇變，力水大咗少少同埋多咗３００ｉ既濕潤感。


個人意向：３００ｉ平衡輸入＞３００ｉＲＣＡ輸入＞５００９前＋３００ｉ後＞＞５００９

=========================================================================

多聲道ＲＥＰＯＲＴ用後感：

以５００９火力計算，七聲道有１１０Ｗ，九聲道約１００Ｗ，其實一般家庭如果吾係用大喇叭做後置一定夠用，加咗３００ｉ後既５００９，整體音色多咗一點濕潤感及分析力，但冇之前Ｑ穴咁明顯。反而吾知點解隻ＷＯＯＦＥＲ控制力好咗，低頻有層次咗，一Ｄ都吾散（不過震到我散）整體改善表現滿意。

=========================================================================

總結：

如果吾係聽歌睇戲五十五十，又吾係用大喇叭推中後置，將預算放多一點落ＡＶ　ＡＭＰ係一個最好選擇
如果聽歌睇戲五十五十，功放預算係兩萬蚊以內，一部高階ＡＶ　ＡＭＰ係一個最好選擇
如果聽歌睇戲五十五十，功放預算係兩萬至三萬蚊，將預算一半一半放係ＡＶ　ＡＭＰ同合併機係一個最好選擇
至於三萬蚊以上既預算。。。我吾識答啦

=========================================================================

後話:

上星期再同班Ｃｈｉｎｇ食飯，佢地竟然又話我用 BD-95 播ＣＤ浪費咗部３００ｉ。。。天呀！我仲邊有錢喎！

akira11092

嘩 ~ 師兄唔睇唔知你玩到咁高階, 真希望能到府上見識一下  

yuppi

akira11092 發表於 2012-10-23 14:44
嘩 ~ 師兄唔睇唔知你玩到咁高階, 真希望能到府上見識一下

Ching,

我連投影機都冇,邊算高階...

上年食飯坐你隔離, 有機會大家交流吓

tatchai

好毒好毒!

galleryng

買部cd機啦 ，你大把銀用

guly

galleryng 發表於 2012-10-23 15:05
買部cd機啦 ，你大把銀用

摩改郚95都不失為一個辦法!!  

timmy

引死人咩

qq1122yq

下次黎個CDP Vs 95 PK戰!   

qq1122yq

唔死賠撻!   

akira11092

yuppi 發表於 2012-10-23 14:50
Ching,

我連投影機都冇,邊算高階...

哈~ 師兄你記錯喇, 我從未參加過 Post76 任何聚會架 ^_^