ToneMax 合併amp仔 + 仿 LS 3/5A 試玩 (已加聽感分享)

小寶老豆 · 發表於 2015-9-6 01:10

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由小寶老豆於 2015-9-7 20:26 編輯

前排有個老友話想聽下歌仔~
咁走去同馬sir吹下水，點知佢話有一部class AB 合併 amp 仔，仲問我試唔試? 叫我拎返屋企試下~

我見個 size 同畢直都啱老友要求，就羅友痕咁借左返屋企。

既然落去借機，就口痕問下有無喇叭介紹喇~ 馬sir 話有對仿 3/5a 係度喎，仲問我會唔會一齊借返去試...... 老實講，我原本只打算叫個老友去搵對淘寶一兩K 人仔喇叭嘅，但見可以試聽超支都借左返屋企先算...{:9_431:}

因為驚馬sir樓下會抄牌，泊左架車係九江街果邊。點知部 amp 仔細細部，原來都有啲斤兩~ 加埋對 3/5A，拎到我成頭大汗...

ToneMax Vimi Spec

聽感分享:
既然都借左返嚟, 梗係咩都玩下...唔好執輸喇~
我首先攞 ToneMax 嚟推下屋企對 Dynaudio X14 喇叭，有少少意外出嚟啲聲音都有板有眼無失禮喎。咁梗係無月光光 Simaudio Moon 推出嚟咁有力量, 細緻度分析力都差少少...但今次借機主要目的係幫個老友搵套入門器材聽下歌仔，所以我聽左一陣 Dyna 就換測試嘅另一主角出場... "仿" LS 3/5 a 喇...

首先揀隻近排 76 幾 hit 嘅《聽聽Sukie》, E 隻碟老實講比我想像中真係有啲驚喜。E 隻碟好多師兄聽過都話好聽，以這一套入門經濟組合出來嘅聲音都感覺聽完好舒服。人聲溫暖細緻甜美, 但高低伸延真係強差人意... 見唔對路就即刻 whatsapp 威馬sir，馬sir 嘅回覆係 "一早講左對喇叭係全新嘅，要煲下先得喇..."。好, 你講到咁 firm 就信你...即刻煲煲佢, 搵隻 20-20K Hz wav 無限 loop 佢一日兩夜...

尋日就再試一試套嘢...
再聽 Sukie’s，發覺 Sukie 聲線更加甜美細緻, 高低伸延好左，感情豐富左更易帶動情緒心靈。
之後為左模擬返老友嘅玩法, 就試下用部 Fiio X3 II Line Out 插去 ToneMax ...一口氣聽左隻陳潔儀隻紅色封面精選 AMCD, 同埋幾隻之前家訪抄落嘅 DSD ﹝我第一次係自己屋企聽 DSD 咋﹞。整體頻率延伸唔錯，中頻特別出色。睇嚟雙單聲道設計左右聲道獨立放大，對於降低噪訊、減少失真、輸出速度和力度，應該有一定幫助。

咁又試下交響樂，揀左 Round Up 同埋 Star War 聽。ToneMax + LS 3/5A 都做到四正穩陣低頻亦感到有彈跳力，未有發現唔夠力水、腳仔軟、拍邊嘅問題。用唔過份嘅音量情況下，小爆下都得，但就唔好期待有浩瀚場面喇~
小弟估計中頻特別出色係對仿 LS 3/5 A 嘅取向，E 個取向應該會取悅到大部份人嘅口味，因為大部份樂器和人聲頻率都係中頻頻段。

而我個人覺得ToneMax + LS 3/5A 這一個組合應該係播放人聲流行歌曲特別有優勢。雖然會有少少欠缺均衡，但作為入門值得推介俾我老友，兼且勝在性價比夠高，係 E 個價位聲音方面真係無投訴。至於缺點... 老實講...就係大部份本地同國內品牌嘅通病，二手承接力較低﹝但這缺點已經反應左係售價上﹞。