XBOX ONE個勢認真唔得樂觀... (全球售出800萬部 超越WiiU)

@肥狗仔@

雖然係月經話題，但話說最近睇game書再走去VG度check返個數字，感覺XONE今鋪認真難追。又同捆又獨佔內容都賣成咁。其實FIFA一向唔係XBOX主場，不過連上一代機都賣唔過，相信EA同MS此時此刻都非常尷尬。智能手機橫行多年，主機銷量已經難以用常理去分析，若果下個月有COD同HALO助陣的情況下都唔能夠追返兩三百萬，我唸MS都係時候為下一代機打算吓，始終PS4的獨佔大軍出年就會登陸，單靠HALO一款好難撐足成年，哩點之前我有講過，如今形勢我更加可以肯定。當年PS3落後一年推出都可以反超前X360，PlayStation品牌及獨佔遊戲的吸引力唔能夠被低估。

原明

可能要到羅拉獨佔先有d起色

cuhunter

利申: Playstation 的粉絲, 希望PS4會出隻正GAME, 讓我有借口買!!  

Hulk

可能始終大多數人對PS有情義結，就好次360同ps3年代我雙機都有，但ps3只是用來睇blu-ray, game得一隻，長期係玩xbox360, 手制同online都好過ps3多多聲，但最後銷量都係ps3好，講真都唔知有咩好過360 ???

@肥狗仔@

原明 發表於 2014-10-13 08:15
可能要到羅拉獨佔先有d起色

羅拉本身都唔係一款賣到開巷的作品，否則唔會選擇獨佔。當然到佢出果陣應該會刺激一點銷量，不過同期仲會有PS4的Uncharted 4，前者的上一集兩個平台加埋都及唔上一集Uncharted，對此SONY應該唔會感到壓力。而自從MS講明《Rise of the Tomb Raider》係限時獨佔果刻起，好多PS4飯都預佢兩三年後會推出返PS4版本，先不論"獨佔期限"係咪咁短，總知有幾多PS4友因此入機都係個疑問。

反而HALO，Gears of War哩啲真係可以吸引人買XONE，出年就有款HALO5，後年亦預計會有Gears of War新作。

原明

x1 d 同期獨佔game唔多夠人突出(得羅拉有點聲勢)…畫面數字上ps4好d，、雖然實際可能差唔多。如玩PS4只係個手制唔多夠抽，而且又可以換大size hdd。如果d game價錢無大差異，x1就死得。
最差就係遲人地一年先出…自斷雙臂。

@肥狗仔@

Hulk 發表於 2014-10-13 09:46
可能始終大多數人對PS有情義結，就好次360同ps3年代我雙機都有，但ps3只是用來睇blu-ray, game得一隻，長期 ...

哩個年頭已經好難用"情義結"形容當今局勢。問心第一年PS4有咩game出? XONE的獨佔game明顯比前者強唔少，但結果係機迷完全無視咗哩個因素。但話分兩頭，一部更平，畫面更令嘅主機，獲得更多人垂青可稱之為正路，而XONE自E3 2013起已經被輿論所困擾。發售一年以來亦被標榜成一部機能不如人的主機，其實萬惡的根源都係當初MS太過霸道，恃住X360的成就黎推行自己果套強制連線/防二手/Kinect捆定政策。老實講若果佢當初唔肴底，如今反而仲顯得XONE係部特別的主機，哩家Kinect可以拆，就冇人做Kinect遊戲; 網絡可以斷，家用機的"Steam"已經無法實行; 二手照常買賣，朋友分享禮物遊戲的烏托邦亦唔能夠實現。

問題黎喇，既然你部機壓根冇咩特別，咁點解我唔買PS4呢?多人玩，畫面令，game又多。第三點係最多人理解錯的，但去到出年就會變成現實。MS的獨佔game主要係得第一方五隻手指數得哂的作品然後就係一堆用錢買返黎的獨佔遊戲，但事實證明MS哩鼓熱情會出現後勁不繼的情況，特別係Gears of War 3推出之後X360的獨佔作品開始減產，而PS3在大量第一方工作支持下繼續起勢推出獨佔遊戲，睇吓上年，PS3的獨佔大作已經有成三款咁多(唔係二三線作品)，由此可以推斷XONE日後都會出現同樣情況。所以哩家有friend問我買邊部機好，我會答佢買PS4。雖然短期內XONE在獨佔上有優勢，但長遠去睇叫電玩新手買XONE真心係靠害的，特別講到game多個問題(而且港人愛玩日系遊戲)。

再講美國一向係XBOX的票倉，上一代即使被PS3反超前，美國市場仍然係X360的天下。但去到今時今日PS4及XONE在北美市場的差距愈黎愈大，若果下個月有COD及HALO的情況下同扭轉唔到劣勢，冇理由相信XONE單靠出年的遊戲陣容就可以迴光返照，因為都係果句，PS4第一批意義上的大作出年就會黎料，如今喺冇咩大作支撐下都可以在半年時間內售出1000萬，XONE能否在出年收窄差距真係不容樂觀。

@肥狗仔@

原明 發表於 2014-10-13 10:40
x1 d 同期獨佔game唔多夠人突出(得羅拉有點聲勢)…畫面數字上ps4好d，、雖然實際可能差唔多。如玩PS4只係個 ...

如果當初在設計XONE的時候可以撇除Kinect，相信XONE能夠接近全球同步推出。哩家至少本地真係好難追。問心若果唔係HALO同Gears of War，純粹手掣做得出色我都需要考慮一下。

海盜

個人對X1 獨佔game 興趣唔大， PS4 比較啱胃口
(Post76 Android 手機版送出)

原明

@肥狗仔@ 發表於 2014-10-13 11:13
如果當初在設計XONE的時候可以撇除Kinect，相信XONE能夠接近全球同步推出。哩家至少本地真係好難追。問心 ...

係，PS4個手制雖然唔太好，但只是相對xbox，都可以接受。