DirectX 12首支技術演示

@肥狗仔@

MS近日公佈咗低門檻的過渡性3D圖像媒介DirectX 11.3同埋DirectX 12首支技術演示，內容為《Fable legends》實時渲染影像，其實都冇咩野睇。

[YoutubeHD]FIk8Q8luWsI[/YoutubeHD]

kl122002

用了480, 720, 1080 看過,
480 - 好典型的youtube
720 - 比480 好少少
1080 - 開首的樹葉好假, 石紋仲有一掛先可以上都真實一樣細緻感覺...

望下先, 期待有game真是用盡這個direct X....

@肥狗仔@

kl122002 發表於 2014-9-26 08:14
用了480, 720, 1080 看過,
480 - 好典型的youtube
720 - 比480 好少少

其實哩個年頭畫面好壞同API冇咩直接關係，最主要睇美工，program同佢個algorithm。好似《RAGE》咁，同一個引擎，三個平台都唔同API，唔理係openGL定DirectX畫面同樣出色。哩個《Fable Legends》本身就係行卡通風格，註定咗同真實無緣。而且今次DirectX 12擺明係係衝住Mantle而來。純粹係鬥運算速度，唔預期佢會刻sell其他特性。不過哩條片用《Fable Legends》做DEMO都好明顯係幫Epic賣廣告，怪唔得Epic會賣戰爭機器比微軟喇。

Raphael

講乜技術都係假，根本宜家啲廠商基於盈利考慮，想投入最少卻賺到最多，好多時都無好好發揮機能，浪費晒
消費者俾錢買高技術硬件 > 遊戲廠商用鮑魚造狗糧 > 產生硬件機能不足既錯覺 > 消費者又要俾更多錢買更強硬件...... 一直 loop

lawzelda

我就吾理，最係要好玩，

@肥狗仔@

Raphael 發表於 2014-9-26 23:48
講乜技術都係假，根本宜家啲廠商基於盈利考慮，想投入最少卻賺到最多，好多時都無好好發揮機能，浪費晒
消 ...

如果係講PC都岩嘅，但從另一角度其實電子科技個模式係應該要咁先能夠避免停滯不前。點解CD project同Crytek成日話家用機係個負累，的確Nvidia同AMD新卡年年出，但開發者所追求的就係發揮最新硬件上的優勢從而不斷改進，用今年的新卡甚至下年的新卡去優化其實都冇問題，最大問題係要顧及埋舊年的硬件。所以話顯卡廠同遊戲商玩合作唔係必然結果，背後係有雙方一拍即合的地方，都唔係一朝一夕的事。哩點個人已經睇化哂，幾個月前壞咗高階卡，最後都換返張入門卡，打機用PC唔玩到發燒級別根本就係伏。

BTW，今次個DirectX 12唔係果啲咩咩畫面技術的宣傳，哩類API主要針對開發者的，唔用亦唔一定做唔到咁嘅效果。好似id software用緊openGL，Naughty Dog亦有套PS4專用的API。至於DirectX，微軟每次轉OS都會show一show出黎，如果你覺得Uncharted畫面靚過HALO，咁哩啲野聽吓就算，唔洗太認真。

Raphael

@肥狗仔@ 發表於 2014-9-28 01:55
如果係講PC都岩嘅，但從另一角度其實電子科技個模式係應該要咁先能夠避免停滯不前。點解CD project同Cryt ...

的確，我係以 PC 平台既角度去睇既，並不將家用機列入考慮範圍 (呢排換咗顯咭，有感而發)。

(註：以下內容與前面既正題討論完全無關；純粹受你講述 Halo 及 Uncharted 所啟發)
Halo 我無玩，唔敢講佢有幾「靚」；我只能夠話，我相信 Halo 喺圖像處理技術方面會比 Uncharted 優勝
之不過，「靚」與「處理技術」唔一定成正比。打個比喻.....
假如完全重新製作 FF7，圖像處理達現世代水平，但人設改咗盧海鵬同黃夏蕙做主角....... 你會覺得靚嗎？
如果會的話，咁你可以唔駛在意我講梗乜了

@肥狗仔@

Raphael 發表於 2014-9-28 12:37
的確，我係以 PC 平台既角度去睇既，並不將家用機列入考慮範圍 (呢排換咗顯咭，有感而發)。

(註：以下內 ...

其實Raphael的比喻亦都係我上面所表達的東西。"HALO VS Uncharted"哩個話題好多時會引起罵戰，但更大機會係不分高下。之所以搵HALO同Uncharted去比唔係真係要分個高低，而係講緊當微軟不斷吹噓自己個DirectX同時，對比返Naughty Dog所做出黎嘅成品，玩家根本唔會理你用咩技術。就好似kl122002兄對段片的反應，其實好正常。

至於美學同審美個問題，之前我都好似有提過，畫面嘅野技術佔4成，美工佔6成。好似當初PS2咁，機能比XBOX弱多了，又出唔到24bit color。性能不足，美工補救，起碼最後我喺XBOX上面搵唔到好似旺達，戰神哩類畫面咁出色嘅遊戲。其實上一代主機早期，開發商對主機認識仲係初步階段，角色的多邊形仍然唔能夠太多，好似刺客教條咁，一個角色都係千幾到幾千不等，主要係texture做得夠好先有如撕效果。同樣道理，最近UC4果張Drake建模畫面，所有面部細緻都出哂黎，一定係PS4太強喇。非也，就算PS4再強，多邊形都唔可能多到哩種地步，主要都係用normal map去做。但一提到美工，Ching所講的"美"就一定牽涉在內。FF7要重製，佢地公司要顧及個brand，佢地自己會有個定位，至少FFXV個樣我都接受到。但難保他朝超人電影第N次reboot，搵個小白臉做主角，咁我都冇辦法，當然佢VFX可能都係大片級數，但樣哩家野已經同技術完全無關...